شرينا معكم !! [الأرشيف] - منتديات أعمال الخليج

Hope

01-10-2006, Sun 11:23 PM

السلام عليكم ورحمه الله وبركاته

أعلنت الهيئه تداول اعمار !! ... طيّب ... خير ياطير !!

تنزّلون السوق كعادتكم في أستغلال مثل هذه الامور ياهواميرنا الكرام !!

اذا ... شرينا معكم ... وعلى الله توكلنا

فأن اعطتنا اسهمنا اللتي اشتريناها ربحا فهذا من فضل الله وليس من فضلكم ... وان لم تعطنا شيء فالوعد بيننا وبينكم سعر وقف الخساره :)

تحيتي
هووووب
الاحد 9/9/2006

haitham

01-10-2006, Sun 11:26 PM

ومعهم لقطنا على اسعار اوكازيون في نما .. الباحة .. سيسكو .. الغذائية ..

والله كريم

Hope

01-10-2006, Sun 11:36 PM

ومعهم لقطنا على اسعار اوكازيون في نما .. الباحة .. سيسكو .. الغذائية ..

والله كريم

أسال الله لنا ولك وللجميع الربح والرزق الكريم

دعم ومقاومة

01-10-2006, Sun 11:38 PM

ان شاء الله نشتري معاكم غدا مع النزول

محمد سعيد

01-10-2006, Sun 11:38 PM

ياشيخ الله يهديك كان ماجبت لهم نية البيع لوقف الخساره علشان يعرفون انك صامل وراعى سوق على كلا اتوقع نزول السوق مع بداية الافتتاح غدا وبعدها قديكون هناك ارتداد حلو والله اعلم تمنياتنا الخاصه لك ان تبيع بربح مجزي والله يوفق الجميع

البدراني

01-10-2006, Sun 11:42 PM

طيب ممكن الاستعانة بصديق
اسمنت قطاع فقر اتصالات قطاع مهجور البنوك معظمه ربوي
وين شريت يالذيب هههههه
في انتظار الاجابة
مغليك ابوبدر البدراني

معاين

01-10-2006, Sun 11:44 PM

وش شريت...............

Hope

01-10-2006, Sun 11:48 PM

طيب ممكن الاستعانة بصديق
اسمنت قطاع فقر اتصالات قطاع مهجور البنوك معظمه ربوي
وين شريت يالذيب هههههه
في انتظار الاجابة
مغليك ابوبدر البدراني

هههههههه

ياحبّك لنشر / بعثره اوراقنا

طيّب ... عشان خاطرك وخاطر الاعزاء هنا

أشتريت في سهمين

الاول سافكو والسبب هو انني لاحظت سحب مهول على السهم قبل اغلاق الصباح وخلال تداول المساء

اما السهم الاخر فلن اخبركم به لان مضاربه حسود وعنيد ولا يحب احد يزاحمه :)

وهذا اخر كلام عندي يامخاطرجي :)

Awad

01-10-2006, Sun 11:59 PM

موفق اخي هوووووووووب

وبالتوفيق لمن اشترى

مع الاسف اني لم اكن متواجد في الفتره المسائيه لمتابعة السوق

jrak

02-10-2006, Mon 12:03 AM

اذا ... شرينا معكم ... وعلى الله توكلنا

بارك الله لك و بارك عليك ورزق رزقا حلالا ...

أخي الكريم وين انت لك يومين ما طليت علينا بطلاتك الحلوه ... ((راحت الفصحى وطي)) :)

توقعتك امس بتقول خفف او بيع اللي عندك :confused: :confused:

ومشيت على توقعاتي و الحمد لله على كل حال !!

و توقعتك اليوم بتقول ندخل تدريجي :confused: :confused:

و برضه مشيت على توقعاتي و الحمد لله على كل حال

و الله احساسي يمشي وراك لحظه بلحظه

الله يجزاك خير و لاتحرمنا من طلاتك الحلوه

الجازم

02-10-2006, Mon 12:29 AM

وان لم تعطنا شيء فالوعد بيننا وبينكم سعر وقف الخساره :)

الخوف من هذا 0

ابوالفتوح

02-10-2006, Mon 12:35 AM

بارك الله لك فيما شريت حبيب الكل وجعله نسبة ان شاء الله بكرا

وعل طاري المضارب الحسود ماتوقع يتعدى ثلاثه ( تعمير او حساء او مكه )

Hope

02-10-2006, Mon 12:45 AM

بارك الله لك و بارك عليك ورزق رزقا حلالا ...

أخي الكريم وين انت لك يومين ما طليت علينا بطلاتك الحلوه ... ((راحت الفصحى وطي)) :)

توقعتك امس بتقول خفف او بيع اللي عندك :confused: :confused:

ومشيت على توقعاتي و الحمد لله على كل حال !!

و توقعتك اليوم بتقول ندخل تدريجي :confused: :confused:

و برضه مشيت على توقعاتي و الحمد لله على كل حال

و الله احساسي يمشي وراك لحظه بلحظه

الله يجزاك خير و لاتحرمنا من طلاتك الحلوه

هلا بالغالي

انا موجود بينكم ولكن في شهر رمضان المبارك تقل متابعتي للسوق ولهذا اكون اكثر حذرا من الكتابه

شكرا لمرورك الكريم وشكرا لاحساسك الجميل :)

عذبه

02-10-2006, Mon 1:21 AM

اللي اشتروا اليوم معناها ماباعوا ..

واللي ماباعوا معناها عندهم كاش جاهز من قبل ..

ويوم الاربعاء كانت كل الاسهم تقول اشتروني ..

وفعلا السبت ( أمس) كان دليل ان الاربعاء كان شرااء

استغرب من شخص مثل هووب ماشترى يوم الاربعاء ويوم امس

باختصار ماحصل اليوم هو ( ختلــه ) بمعنى الكلمه ..!

SIF

02-10-2006, Mon 1:26 AM

أنا عبيت من المحفظة من الشركات النقية
وبالي طويييييييييييييييييل

ابن الخليج

02-10-2006, Mon 1:31 AM

[quote=Hope]هههههههه

ياحبّك لنشر / بعثره اوراقنا

طيّب ... عشان خاطرك وخاطر الاعزاء هنا

أشتريت في سهمين

الاول سافكو والسبب هو انني لاحظت سحب مهول على السهم قبل اغلاق الصباح وخلال تداول المساء

هلا بالحبيب الغالي هوب ما أسرع الايام فرمضان العام الماضي كنت أستشيرك في سافكو وكنت قد وصيت عليها فصبرت عليها بس مناقز فيها
ومن 970 الى 1398 في عشرة أيام
فهل تعيد سافكو ذكريات العام الماضي مع أن المحفز قريب جدا
أتمنى لك الربح الوفير يا هوب ولكل الاحباب وأعضائنا الكرم

moody

02-10-2006, Mon 1:35 AM

السلام عليكم ورحمه الله وبركاته

أعلنت الهيئه تداول اعمار !! ... طيّب ... خير ياطير !!

تنزّلون السوق كعادتكم في أستغلال مثل هذه الامور ياهواميرنا الكرام !!

اذا ... شرينا معكم ... وعلى الله توكلنا

فأن اعطتنا اسهمنا اللتي اشتريناها ربحا فهذا من فضل الله وليس من فضلكم ... وان لم تعطنا شيء فالوعد بيننا وبينكم سعر وقف الخساره :)

تحيتي
هووووب
الاحد 9/9/2006

الله يطمنك يا شيخ 0000

مشاااري

02-10-2006, Mon 1:37 AM

هلابك هوب ..

وقــــف الخســــارة = اذا شفت القياديات( فقط ) تكسر دعومها ... غير كذا فهو سحب للأسهم اللي باعوها بالامس (فوق) اليوم يشيلونها من( تحت ).

تحياااتي ،،

مساهم متهور

02-10-2006, Mon 1:37 AM

شركه اعمار عدد اسمهمها فوق 355 مليون ......

منهو القروب الملياردير اللى راح يطير السهم فوق

معليش بس هذه الحقيقه راح يرجعون للاسهم الخفيفه

وراح يكون مصيرها زى مصير ينساب اول ما نزلت

محمد هلالي

02-10-2006, Mon 1:55 AM

كلام سليم بارك الله فيك

منصح

02-10-2006, Mon 2:26 AM

طيب ممكن الاستعانة بصديق
اسمنت قطاع فقر اتصالات قطاع مهجور البنوك معظمه ربوي
وين شريت يالذيب هههههه
في انتظار الاجابة
مغليك ابوبدر البدراني
أولاً حبيت أسلّم على صديقي العزيز أبو حمد هووووب
واقول له الله يمسيك بالخير .. أقصد صباح الخير !!:)
ثانياً دائماً تقرأ أفكاري يابو حمد ودائماً سبّاق للكتابة
اللي في مكانها كعادتك .
ثالثاً أحب أقول لخويي مخاطرجي كم كلمة ممكن :
شف وانا اخوك يابو بدر المهندس هوووب أظنه شترا
في الاسهم اللي هي أصلاً في مرحلة تجميع وبيجيبونها
الرجاجيل على وجهها يعني الربح فيها أقرب من الخسارة!!
وهالاسهم واجد مثل :الغاز البلاد والاتصالات ومكة وووالخ
بكذا يكون المهندس هوووب شرا مع الرجاجيل والاّ وش رايك؟!
وحيالله البدراني ..حيالله ابن العم :)

تحياتي للجميع ،،:) ;)

صديقك المخلص

02-10-2006, Mon 3:02 AM

عزيزي هووووب
وش صار لي اليوم كل ما جيت اشتري
قمت اتنافض .. قلت مالها الا نسوانها
تعالي يا مرة اشري انتي يمكن البلى فيني ماهو في السوق
يوم جت يم الكيبورد .. انحاشت .. وهي تكرر جملة .. والله ما اشتري .. والله ما اشتري
قلتلها وش فيك .. قالت الكيبورد به كهربة ..
كهربة ؟! يابنت الحلال تراك تتوهمين .. هذي فرصة لا تضيعينها علينا .. مستقبلنا لا يضيع .. نشتري طماطم ونبيع خيار..
قالت لا والله الا تشتري طماطم وتبيع صلصة
خلها بكرة واللي يرحم والديك
طبعا ما كان قدامي خيار - ماهو الخيار الاولي اللي نبي نبيعة - خيار يعني حل
كل مطرود ملحوق
وسلامتكم ،،،

مساهر الليل

02-10-2006, Mon 3:11 AM

عزيزي هووووب
وش صار لي اليوم كل ما جيت اشتري
قمت اتنافض .. قلت مالها الا نسوانها
تعالي يا مرة اشري انتي يمكن البلى فيني ماهو في السوق
يوم جت يم الكيبورد .. انحاشت .. وهي تكرر جملة .. والله ما اشتري .. والله ما اشتري
قلتلها وش فيك .. قالت الكيبورد به كهربة ..
كهربة ؟! يابنت الحلال تراك تتوهمين .. هذي فرصة لا تضيعينها علينا .. مستقبلنا لا يضيع .. نشتري طماطم ونبيع خيار..
قالت لا والله الا تشتري طماطم وتبيع صلصة
خلها بكرة واللي يرحم والديك
طبعا ما كان قدامي خيار - ماهو الخيار الاولي اللي نبي نبيعة - خيار يعني حل
كل مطرود ملحوق
وسلامتكم ،،،

اضحك الله:D سنك

وكل مطرود ملحوق

العاشق

02-10-2006, Mon 3:34 AM

بارك الله فيك

منصح

02-10-2006, Mon 3:43 AM

عزيزي هووووب
وش صار لي اليوم كل ما جيت اشتري
قمت اتنافض .. قلت مالها الا نسوانها
تعالي يا مرة اشري انتي يمكن البلى فيني ماهو في السوق
يوم جت يم الكيبورد .. انحاشت .. وهي تكرر جملة .. والله ما اشتري .. والله ما اشتري
قلتلها وش فيك .. قالت الكيبورد به كهربة ..
كهربة ؟! يابنت الحلال تراك تتوهمين .. هذي فرصة لا تضيعينها علينا .. مستقبلنا لا يضيع .. نشتري طماطم ونبيع خيار..
قالت لا والله الا تشتري طماطم وتبيع صلصة
خلها بكرة واللي يرحم والديك
طبعا ما كان قدامي خيار - ماهو الخيار الاولي اللي نبي نبيعة - خيار يعني حل
كل مطرود ملحوق
وسلامتكم ،،،
ههههههههههه:p :p :p
ونعم فيها بنت الرجال !!
انت يالمسكين غاطس بين الجمهور
وهي كاشفتن الملعب من فوق يالغشيم :p
وشافت اللعب كله تكسير في تكسير وش
اللي يحدكم تلعبون في هالغبرة .. من أصبح أفلح !
شكراً لك يالصديق المخلص ضحّكتني من جد :p

محمد الحمود

02-10-2006, Mon 3:46 AM

عزيزي هووووب
وش صار لي اليوم كل ما جيت اشتري
قمت اتنافض .. قلت مالها الا نسوانها
تعالي يا مرة اشري انتي يمكن البلى فيني ماهو في السوق
يوم جت يم الكيبورد .. انحاشت .. وهي تكرر جملة .. والله ما اشتري .. والله ما اشتري
قلتلها وش فيك .. قالت الكيبورد به كهربة ..
كهربة ؟! يابنت الحلال تراك تتوهمين .. هذي فرصة لا تضيعينها علينا .. مستقبلنا لا يضيع .. نشتري طماطم ونبيع خيار..
قالت لا والله الا تشتري طماطم وتبيع صلصة
خلها بكرة واللي يرحم والديك
طبعا ما كان قدامي خيار - ماهو الخيار الاولي اللي نبي نبيعة - خيار يعني حل
كل مطرود ملحوق
وسلامتكم ،،،

الا على طاري الخيار ......

وش اللي حاصل بسوق الخضار ؟؟:confused:

الظاهر ان مضاربين تهامة والباحة وثمار وبشية والأسماك لهم يد بالموضوع اشوف الخضار صارت كل يوم تسجل ارقام جديدة !!!:mad:

اللي قاهرني البطاطس يرتفع ليه دبل من اول الشهر اربع مرات :D

((M))

02-10-2006, Mon 3:51 AM

وانا شريت اشكال والوان منهم مراعي ومواشي ونماء وصدق وفتيحي وشرقيه ز

صديقك المخلص

02-10-2006, Mon 6:11 PM

ههههههههههه:p :p :p
ونعم فيها بنت الرجال !!
انت يالمسكين غاطس بين الجمهور
وهي كاشفتن الملعب من فوق يالغشيم :p
وشافت اللعب كله تكسير في تكسير وش
اللي يحدكم تلعبون في هالغبرة .. من أصبح أفلح !
شكراً لك يالصديق المخلص ضحّكتني من جد :p
وش رايك الحين يا منصح :)
شفت ان بنت الرجال عرفت من امس ان الكيبورد به كهربة :eek:
ما أكثرهم مثلي والذين لايرون أبعد من أرنبة أنوفهم :p
نصيحتي لك يا منصح
كل مطرود ملحوق ;)

ELASBANI

02-10-2006, Mon 6:43 PM

مرحبتين أخي أبو أحمد ..

وانا كمان عملت شئ مشابه واعمله من مدة :

اني ما اثق فيهم ولا في حركاتهم ولذا أشتري وأبيع كل يوم وياريت أمس كانت (( زوجتي )) بجهاز آخر بجانبي ولآنها ما تخاف التكهرب مثل زوجة صديقك المخلص كان ضاعفنا تكهرب ... خط الكهرب مربوط بجهازي ياصديقي المخلص ولذا ما يعرف التكهرب بل يزيد اضاءة على الرصيد والحمد لله ..

ماله عذر كل متابع معنا بالمتابعة اليومية وما عنده كهرب تحت او على 19

ونترك فلاسفة الكلام الذين ينتقدون الاسباني وكلامه عن الكهرب ...
نحن في السوق من أجل ربح المال وليس للكلام ...والناس والحمد لله تربح كل يوم والذي لا يربح من المتابعين معنا ينبهنا ونتعاون سويا لاجتياز العقبات ...

قلنا ونقول :
السوق بخير ..
السوق مضاربات ... والعمل في الاسهم المتحركة ...
الفرص متواجده والعمل بدون طمع وبهدوء يعط نتيجة ايجابية ...

الدوائية والغذائية والمواشي والزراعيات والخزف ووووووو..بها حركة وبها خير ..

والرزق والتوفيق من عند الله ..

صديقك المخلص

02-10-2006, Mon 6:52 PM

مرحبتين أخي أبو أحمد ..

وانا كمان عملت شئ مشابه واعمله من مدة :

اني ما اثق فيهم ولا في حركاتهم ولذا أشتري وأبيع كل يوم وياريت أمس كانت (( زوجتي )) بجهاز آخر بجانبي ولآنها ما تخاف التكهرب مثل زوجة صديقك المخلص كان ضاعفنا تكهرب ... خط الكهرب مربوط بجهازي ياصديقي المخلص ولذا ما يعرف التكهرب بل يزيد اضاءة على الرصيد والحمد لله ..

ماله عذر كل متابع معنا بالمتابعة اليومية وما عنده كهرب تحت او على 19

ونترك فلاسفة الكلام الذين ينتقدون الاسباني وكلامه عن الكهرب ...
نحن في السوق من أجل ربح المال وليس للكلام ...والناس والحمد لله تربح كل يوم والذي لا يربح من المتابعين معنا ينبهنا ونتعاون سويا لاجتياز العقبات ...

قلنا ونقول :
السوق بخير ..
السوق مضاربات ... والعمل في الاسهم المتحركة ...
الفرص متواجده والعمل بدون طمع وبهدوء يعط نتيجة ايجابية ...

الدوائية والغذائية والمواشي والزراعيات والخزف ووووووو..بها حركة وبها خير ..

والرزق والتوفيق من عند الله ..
تراني زعلان عليك
ارسلتلك على الخاص وما رديت .. ماهي عوايدك يا صديقنا الأسباني
كل ما أردناه الاطمئنان على صحتكم .. :)

Hope

02-10-2006, Mon 8:04 PM

اللي اشتروا اليوم معناها ماباعوا ..

واللي ماباعوا معناها عندهم كاش جاهز من قبل ..

ويوم الاربعاء كانت كل الاسهم تقول اشتروني ..

وفعلا السبت ( أمس) كان دليل ان الاربعاء كان شرااء

استغرب من شخص مثل هووب ماشترى يوم الاربعاء ويوم امس

باختصار ماحصل اليوم هو ( ختلــه ) بمعنى الكلمه ..!

هههههه
ومن قال لك ان هوووب ما أشرى ؟
هووووب اشترى الاربعاء وباع صباح الاحد (عندما شاهد تراكم عروض المضاربين قبل الافتتاح بثواني) ومن ثم عاد واشترى قبل اغلاق الاحد ثم باع اليوم الاثنين صباحا وفي المساء نتحرى الخير ان شاء الله فان رأينا فرصه تلوح في الافق فلن نضيعها بأذن واحد احد

Hope

02-10-2006, Mon 8:08 PM

أولاً حبيت أسلّم على صديقي العزيز أبو حمد هووووب
واقول له الله يمسيك بالخير .. أقصد صباح الخير !!:)
ثانياً دائماً تقرأ أفكاري يابو حمد ودائماً سبّاق للكتابة
اللي في مكانها كعادتك .
ثالثاً أحب أقول لخويي مخاطرجي كم كلمة ممكن :
شف وانا اخوك يابو بدر المهندس هوووب أظنه شترا
في الاسهم اللي هي أصلاً في مرحلة تجميع وبيجيبونها
الرجاجيل على وجهها يعني الربح فيها أقرب من الخسارة!!
وهالاسهم واجد مثل :الغاز البلاد والاتصالات ومكة وووالخ
بكذا يكون المهندس هوووب شرا مع الرجاجيل والاّ وش رايك؟!
وحيالله البدراني ..حيالله ابن العم :)

تحياتي للجميع ،،:) ;)

وعليكم السلام اخي الغالي منصح
تدري انني فرحان وانا اشاهد تهوّمه تتجاوز 137 :)
اهم شيء رأس المال هذه الاياااام :)

Hope

02-10-2006, Mon 8:10 PM

عزيزي هووووب
وش صار لي اليوم كل ما جيت اشتري
قمت اتنافض .. قلت مالها الا نسوانها
تعالي يا مرة اشري انتي يمكن البلى فيني ماهو في السوق
يوم جت يم الكيبورد .. انحاشت .. وهي تكرر جملة .. والله ما اشتري .. والله ما اشتري
قلتلها وش فيك .. قالت الكيبورد به كهربة ..
كهربة ؟! يابنت الحلال تراك تتوهمين .. هذي فرصة لا تضيعينها علينا .. مستقبلنا لا يضيع .. نشتري طماطم ونبيع خيار..
قالت لا والله الا تشتري طماطم وتبيع صلصة
خلها بكرة واللي يرحم والديك
طبعا ما كان قدامي خيار - ماهو الخيار الاولي اللي نبي نبيعة - خيار يعني حل
كل مطرود ملحوق
وسلامتكم ،،،

ههههههههههه

هذي والله البلشه ... اذا صاروا النسوان اجرأ من الرجال في السوق السعودي :)

Hope

02-10-2006, Mon 8:13 PM

الا على طاري الخيار ......

وش اللي حاصل بسوق الخضار ؟؟:confused:

الظاهر ان مضاربين تهامة والباحة وثمار وبشية والأسماك لهم يد بالموضوع اشوف الخضار صارت كل يوم تسجل ارقام جديدة !!!:mad:

اللي قاهرني البطاطس يرتفع ليه دبل من اول الشهر اربع مرات :D

هههههههه

تصّدق يابو حمود

لي كم اسبوع لم أشتري بطاط ... مالي حظ في التدبيلات :)

Hope

02-10-2006, Mon 8:18 PM

مرحبتين أخي أبو أحمد ..

قلنا ونقول :
السوق بخير ..
السوق مضاربات ... والعمل في الاسهم المتحركة ...
الفرص متواجده والعمل بدون طمع وبهدوء يعط نتيجة ايجابية ...

والرزق والتوفيق من عند الله ..

وبك مرحبتين وزياده :)

والله كلامك زين ياصديقي واللي يشتغل بهدوء ولا يطمع عند الربح ولا يكابر عند الخساره ماعليه خلاف ان شاء الله

الزاااحف

02-10-2006, Mon 8:47 PM

الا على طاري الخيار ......

وش اللي حاصل بسوق الخضار ؟؟:confused:

الظاهر ان مضاربين تهامة والباحة وثمار وبشية والأسماك لهم يد بالموضوع اشوف الخضار صارت كل يوم تسجل ارقام جديدة !!!:mad:

اللي قاهرني البطاطس يرتفع ليه دبل من اول الشهر اربع مرات :D

لا وأزيدك من الشعر بيت

عقدة الكراث بخمسة ريال :eek:

متــابـــع

02-10-2006, Mon 9:01 PM

مرحبا اخي الغالي هوب من طول الغيبات جاب الغنايم
اشوفك منخش هاليومين وحذر جدا كأنك شام الي انا شامه وحاس فيه

على العموم اخي العزيز

وعدتك من قبل عند انهيار فبراير في هذا الرابط بأني سأخبرك عن هبوط الاسهم الحاد القادم

http://www.thegulfbiz.com/showthread.php?t=187529

وها انا هنا اوفي بعهدي واقدم لك هذا الرابط كهدية الى جمائلك التي ملئت المنتدى وبذات تحذيراتك الصائبة قبل النزول والتى استفدت منها الكثير

http://www.thegulfbiz.com/showthread.php?t=225332

انا في انتظار ملاحظاتك ووجهة نظرك يالغالي
اتمنى لك الربح الوفير دوماً

عنيد

02-10-2006, Mon 9:19 PM

كل نزول بنشرى والرزق على الله

العز

02-10-2006, Mon 9:24 PM

اتقوا الله فى ماتكتبون

امس خروج واليوم دخول

اذاكنتم ثقات اثقلوا شوى وبدون تسرع

وبعدين ناظروا غيركم مرضو ا من دعاء المسلمين عليهم بسبب زلة

اخيرا اعتبروا من غيركم .....

gooooo

02-10-2006, Mon 9:34 PM

ويش رايك ياخوي ياHope
ابيع الكهرب ولا تتوقع يرتفع اكثر بكرة او بعده؟