لاتقربون صرافات بنك الرياض ! يمكن وراها عصابة ؟ [الأرشيف]

مشاهدة النسخة كاملة : لاتقربون صرافات بنك الرياض ! يمكن وراها عصابة ؟

الجازم

22-09-2006, Fri 2:16 AM

بالأمس كلمني أحد الشباب
يقول
وعند مراجعته لبنك الإستثمار دخل البنك شخص يشتكي من أنه قام بسحب
5000 الف ريال من صراف بنك الرياض ولم يحصل من المكينة إلا على
ايصال بأن العملية تمت والمبلغ خصم من حسابك :cool:
وبما أن حساب هذا المسكين في الإستثمار راجع بنكه لعل وعسى
رد الموظف عليه قدم شكوى إلى آخر القصة .. انتهى

----
قبل كم يوم تكلمت مع أحد موظفي مؤسسة النقد عن مثل هذه القصة
خصوصا أن مثلها حصل معي
خلاصة ماقال
ان الموظف المسئول عن التعبئة بإمكانه التلاعب بالمبلغ
يعني يدخل 95 الف بدل 100 الف
ويلعب بالعداد الخ
وانتقد عملية التعبئة الحاصلة من المجال
وان المفروض ان تكون العملية من عدة جهات من ضمن هؤلاء
مدير البنك ومندوب من الإمارة أو الشرطة الخ
أما انفراد مندوب شركة المجال فليس بمقبول
وبما أني قدمت شكوى الى مؤسسة النقد أفادني بأن البنك قد يرجع الى
آلة التصوير ان وجدت بالمكينة لإثبات حقي :mad:

الخلاصة
لاتقربون صرافات بنك الرياض شوري عليكم

واللي لاحضته فيها أنه لابد ان يكون هناك ضحية
وذالك اذا كان الكاش بالمكينة لايغطي

وتبقى المشكلة لماذا صرافات الرياض على الأغلب
لاتعتذر للعميل بعدم اتمام العملية !
بل تعطية ايصال بإتمام العملية
أما المبلغ فتعطيه
أشكل :confused: :eek:

تسنيم

22-09-2006, Fri 2:26 AM

ابو أمجد

22-09-2006, Fri 2:50 AM

والله اخوي راحت عليه 2500 ريال قبل سنه راجع بنكه ساب وراجع بنك الرياض ومؤسسه النقد ولا حصل نتيجه بنك الرياض في رده على خطاب مؤسسه النقد ادعى ان العميل استلم المبلغ
واخر شي قالوه اقذب الباب مالك سنع

إذا تبي شوري :
1- قول حق أخوك ياخذ فيزا من بنك الرياض وخله يسحب 4000 ريال من الفيزا .
2- المهم أن لا يكون حساب أخوك على بنك الرياض .
3- لا يسدد أخوك حق الفيزا تبع الرياض ولا هللة .
4- عندما يتصل المسئول عن الفيزا الخاص بالرياض ويطالب أخوك بدفع القسط ، خل أخوك يقول له " روح بلط البحر ، ما لكم ولا هللة عندي ، رجعوا فلوسي أول بعدين أرجع فلوسكم "
5- إذا هدد البنك بأن يطالب أخوك في المحاكم أو غيره ، خل أخوك يفرح عشان أخوك رايح يقول للقاضي بأن البنك أستلم الفلوس وقد أخذ المبلغ من أخوك في ذلك الوقت . خل أخوك يشرح للقاضي أو الحاكم أيش اللي صار .

أنا أقول لا تخلي أخوك يترك حقه لو توصل الأمور إلى مواصيلها .

الله يوفق

abo eyad

22-09-2006, Fri 2:52 AM

ما دمرنا غير هالبنوك.. وافضل بنك على الاطلاق في السرقه " الراجحي".,.,!

الجازم

22-09-2006, Fri 2:58 AM

إذا تبي شوري :
1- قول حق أخوك ياخذ فيزا من بنك الرياض وخله يسحب 4000 ريال من الفيزا .
2- المهم أن لا يكون حساب أخوك على بنك الرياض .
3- لا يسدد أخوك حق الفيزا تبع الرياض ولا هللة .
4- عندما يتصل المسئول عن الفيزا الخاص بالرياض ويطالب أخوك بدفع القسط ، خل أخوك يقول له " روح بلط البحر ، ما لكم ولا هللة عندي ، رجعوا فلوسي أول بعدين أرجع فلوسكم "
5- إذا هدد البنك بأن يطالب أخوك في المحاكم أو غيره ، خل أخوك يفرح عشان أخوك رايح يقول للقاضي بأن البنك أستلم الفلوس وقد أخذ المبلغ من أخوك في ذلك الوقت . خل أخوك يشرح للقاضي أو الحاكم أيش اللي صار .

أنا أقول لا تخلي أخوك يترك حقه لو توصل الأمور إلى مواصيلها .

الله يوفق

الرد لي طبعا
والله يابو أمجد الراتب هم اللي يتحكمون فيه

بعدين والله ان يجرونك مع خشمك الى أن تسدد

أفضل وأسهل الحلول المقاطعة
واللي راح يخلفه الله علينا 0

mss

22-09-2006, Fri 6:04 AM

ولا تهووون صرافات الراجحي والاهلي

وبعدين كم مره قلنالكم وقت ايام الرواتب

واذا انك بتسحب مبلغ كبير لا تسحب الا من بنكك

MoMaYaZ

22-09-2006, Fri 6:11 AM

وفقك الباري وبارك فيك
مشكور على هذا التنبيه

أبو البراء ل

22-09-2006, Fri 1:05 PM

مكائن بنك الرياض عندما تكون خالية من النقود لا تعلم ذلك بل تستكمل اجراءات الصرف وخصم المبلغ من الحساب وتعطيك هواء ... حدثت لي وجلست بجوار المكينة فصارت لمن بعدي .... بعدها كتبنا تحذير على الماكينة بأنها تسرق الأموال .. لقد عادت لي نقودي بعد مطالبة وعشرين يوم من الانتظار ...
تركها خير وسيلة للحماية منها .... وفقك الله على هذا التذكير ، وحرصك على إخوانك ....

الفوزان

22-09-2006, Fri 1:10 PM

تأخذ فيزا وتسحب اربعة الاف ريال وتجحد هذا اول الان فيه شركة تبع مؤسسة النكد تكشف جميع حساباتك في البنوك وتصادر 4000 ريال منك
صحيح صرافات بنك الرياض مريضة تصدق سحبت الاسبوع الماضي 500 جتني نصفها الفرع يقولي رح لمؤسسة النكد وتنكدت ولا فايدة

صالح الشايع

22-09-2006, Fri 1:55 PM

سبحان الله ... انا مره سحبت من جهاز بنك الرياض وطلع لي مية ريال ( مقصوصه ) يعني ورقه مالها سنع ... وانا حسابي في ( سامبا ) ...
قلت اجرب ( تجربه ) انا اقدر اخذ حقي من البنك ولا ما عندك احد ( حق مشروع )
سألت احد المسؤلين بسامبا قال ( اكتب خطاب وجب الميه والايصال ) وسويت معامله كامله وسلمتها له ... الموضوع طووووووول
له اللحين سنه .... ولا شفت لا ميه جديده ولا حتى تلفون اعتذار او توضيح

سيف الفارس

22-09-2006, Fri 1:57 PM

الجازم

22-09-2006, Fri 2:06 PM

بارك الله بالجميع

لاتضلمون الراجحي
قبل سنتين تقريبا سحبت 5000 ريال من صراف الراجحي وأخرجت المكينة المبلغ وهو على ماأتذكر فئة
100 أو 200
لم أستطع سحب المبلغ كاملا
يعني أنا أسحب والمكينة تسحب
وبعد نتهاء المعركة اخمطت مني 200 يعني لم أستلم
الا 4800
بالصدفة خرج مدير البنك وكلمته وبعد كم يوم
ارسلت لي عن طريق شخص
لامطالبة ولا يحزنزون 0

صديقك المخلص

22-09-2006, Fri 2:54 PM

طيب وش موقف الواحد فيكم لو طلب سحب كامل المبلغ اللي في حسابه 500 ريال والمكينة طلعت له 4500 ريال لا وطلع له ايصال مكتوب فيه

تاريخ .... الوقت ....
جهاز رقم / ياكثر اجهزة الصرف
بطاقة رقم / 4004 مممممممممممممم
رصيد متبقي / 0،00
مبلغ السحب / 500 ريال
ملحوظة / ندري ان المكينة اعطتك 4000 ريال زيادة ، ترانا صاحيين
لكن نحب المفاجئات عشان كذا قسم بالله ما ترجهعا
شكرا لتعاملكم مع البنك ....
جميع العمليات خاضعة للتدقيق والتحقيق
*******************

الفوزان

22-09-2006, Fri 6:25 PM

والله يأخذونه من حباب عيونك

ابو أمجد

22-09-2006, Fri 7:52 PM

مع الاسف أن كل مايقال عن بطاقات صرف بنك الرياض صحيح

أن لي معارف تم سرقتهم من قبل صرافات بنك الرياض , وبعضهم صرفه كان

من خارج المملكه .... أما الباقين فمن داخل المملكه .... وهذه مع الاسف لاتحدث

ألا مع صرافات بنك الرياض ........... أمّا بالنسبه للاخ الذي يقول فليأخذ المتضرر

منهم بطاقة فيزا ويسحب 4000 ويتركهك ولايسدد ..... فالبنوك الان جميعها اصبحت

مربوطه بشبكه واحده عن طريق ساما ..... ويتطيعون كشف حسابك أو مدخراتك في

أي بنك ..... كما لاتنسى أنهم سيضعونك في اللائحه السوداء ... حينها لاتستطيع

التعامل ائتمانيا مع اي بنك داخل المملكه الا بعد تسديد مستحقاتهم وفوقها العموله

مع الاسف ......................... لذلك أهلا بالبنوك الاجنبيه في بلادنا لانها أرحم لنا !!

بالنسبة لربط البنوك مع بعضها البعض :

1- بنك الرياض رايح يحط اسمك فقط في البلاك لست على قولتهم . قول لهم مو بس البلاك لست ، حطو اسمي في جميع الألون بلاك وبلو وغرين ووايت واللي يخطر على بالكم .
2- البلاك لست يمنعك من أخذ قرض من بنك آخر أو أخذ فيزا . وإذا إنت ما تحتاج إلى قرض فأفعل اللي أقول لك عليه .
3- خذ فيزا مثل ما قلت لك ، وبعدين اتصل على شركة سمة لأنها هي المسئولة عن وضع الأسماء في القائمة السوداء وأخبرهم بأنك على خلاف مع بنك الرياض وأن لك معاملة ضد البنك في مؤسسة النقد وتفهمهم بأن البنك سرق منك مبلغ . بالتالي فإن شركة سمة لن تضع إسمك في القائمة السودءا حتى لو لم تسدد الفيزا لبنك الرياض .
4- إذا أحتدم الأمر ، قدم شكوى ضد البنك في أمارة الرياض وليس مؤسسة النقد لأن هناك أشخاص في مؤسسة النقد تتعاون مع بنك الرياض من أجل مصالح مشتركة ( فاهم قصدي ) . الأمارة ستسدعي المسئول في بنك الرياض .
5- إذا لم تقدم مؤسسة النقد لك الحل السريع ، أخبرهم بأنك ستشكي مؤسسة النقد في ديوان المظالم بسبب تعطيل معاملتك عندهم . ( على فكرة ديوان المظالم على نفس شارع برج الفيصيلة - أذهب إلى الدور الثاني )
6- مؤسسة النقد لا يمكن أن تحكم ضدك لأن هذا سيضعهم في مأزق كبير ، خاصة وأن من سيصدق على الحكم النهائي هيئة المنازعات البنكية ( وهذه في شارع الملك عبدالعزيز - مبنى التأمينات - الدور الخامس )
7- في نهاية الأمر لا تستلم .

على فكرة - أنا صارت لي مشكلة أخذ البنك الهولندي مني مبلغ ما يقارب الـ 20 الف ريال بسبب تسديد قرض مبكر . المهم البنك حاول يقص علي في القرض وأخذ عمولة زايدة . أشتكيت عليهم وعطلت المؤسسة المعاملة حتى الآن ما يقار السنتين .
قابلت سمو الأمير سلمان بن عبدالعزيز وشرحت الأمر - تم تحويل المعاملة إلى شرطة الملز - يعني بصريح العبارة باخذ فلوسي منهم بالقوة لأنها فلوسي وأنا ماخذ فيزا إحتياط يعني إذا ما وصلت فلوسي هذا الشهرين والله لو على قطع رقبتي ما رايح أسدد لهم ولا هللة للفيزا حقهم .

الله يوفق الجميع ضد البنوك الحرامية هاذول .

الأخطبوط

22-09-2006, Fri 8:03 PM

http://www.************/Musahim/Basmalh.gif

كل عام والجميع بألف خير وصحة وعااافية

وتقبل الله منا ومنكم صالح الأعمال

اللهم أعنا على القيام والصيام

الصامت

22-09-2006, Fri 8:28 PM

من جد منت سهل يا ابو أمجد

الدعم

22-09-2006, Fri 9:04 PM

وقسم بالله العلى العظيم قبل سنه سحبو منى مبلغ 5000 الف ريال ولا رجعوها
حسابي بنك سامبا واله الصرف الرياض وعشره الف رساله ولا افدت

افيدونى وش اسوي

abo hamad

22-09-2006, Fri 9:20 PM

خلوهـــــــــــــــــــــــــــــــــــــــا - على تمط الرديه بالشعر الا رتجالي

قالوا انت(( برفلج)) بالفرنسي وبطاقة ماستر كارد وفيزا بدون رسوم وخلال سنه استخدمتها باحد فنادق الرياض فقط ب 500 ريال فقط 0
والغيتها ولم تلغى وجددهما لى لمدة سنتين والرسوم تحسم وانا بفلاتي وكشوفات حساب رايحه وجايه وتم حسم تجديد سنتين ولم استخدمهما قط 0
اما بطاقات الصراف الحذر ثم الحذر منها مجرد تسجيلك للمبلغ حتى لم تستلم المبلغ
فحسم المبلغ سجل وحسم من حسابك ببنك 0 ورح دور طريفة ترد فلوسك بين مؤسسة النقد والبنك 0

Stop Loss

22-09-2006, Fri 9:25 PM

الشي الاكيد من التجارب//
بنوكنا عبارة عن عصابات رسمية منظمة (بدون استثناء).
والتجربة خير برهان .
فمن الطبيعي ان تكون الصرافات كذالك.
الحل : اصرف فلوسك سبايك ذهب .. وادفنها في الحديقة!
واذا بغيت كاش احفر وخذ (كسرة) سبيكة ورح اصرفها من الحرامية ..(البنوك) والا بعها على محلات الذهب.
واقع مرير .. ولكنه واقع.
والسلام عليكم

AL_ZAMIL

22-09-2006, Fri 9:48 PM

والله اذا بغيت اصرف تجيني ام الركب
لاني على اعصابي صار لي مواقف خاصه
مع صراف بنك الريـــــــــــــــــــــــــــــاض المرووووووووح
حسبي الله عليه من بنك ..

فتى الرياض

22-09-2006, Fri 11:20 PM

أنا حصل معي هذا الأمر اليوم بعد العشاء في أحد أسواق شرق الرياض
وفيه جهاز صراف الرياض وبعد وقفه أنتظر السرا

حطيت بطاقة صراف الاستثمار وطلبت سحب ألف ريال قال تمت العملية ورصيدي مخصوم منه ألف ريال ثم قال لا يمكن خدمتك الآن

شيكت مرة ثانية على الرصيد ورجع زي ماكان لم يخصم منه

رحت لم صراف ثاني قريب لمي وسحبت مبلغ ألف ريال وعطاني الألف وإيصال

والحمدلله جت سليمة ماراح علي شي

بس اكتشفت أن الماكينة إلي بالسوق فاضية ولا تعطيك ثم تراجع نفسها مرة ثانية
وترجع الحق لأصحابه ما ياكلون شي حرام

مقتنع

23-09-2006, Sat 12:55 AM

خذو هذي .... شخص طلب سحب 1000ريال ... ايش طلعله !!
4 ورقات فئة 200 ريال و ورقة فئة 100 ريال ؟؟؟!!
معقولة لهذه الدرجة استغفال ... او ان موظف التعبئة واثق بعدم السائلة ...

الجازم

23-09-2006, Sat 2:23 AM

16700 الف ريال
راحت على أصحاب الردود فقط
تخيلوا كم صراف لبنكهم وكم عميل راح فيها ؟
بالملايين !

السؤال وين راحت ؟
1- للبنك وهذه خيانة للأمانة الملقاة على البنك 0
2- للمسئول عن التعبئة سواء كان شخص أو جهة
وهذا فيه عدم مبالاة من البنك خصوصا كثرة الشكاوي اللتي تصل البنك من العملاء أو من مؤسسة النقد 0

اذا البنك هو المسئول أولا وأخيرا
ومن اليوم ياشباب قاطعوهم ولن تخسروا شيء
الراجحي بكل شارع
وسامبا جيد
خلوكم شجعان لو مرة ;)

الجنفاوي

23-09-2006, Sat 2:34 AM

الراجحي بكل شارع

صحيح بكل شارع وحسب وجهة نظري
الافضل حسب تجربتي في خدمة التداول بالوقت الحالي وبما أنه إسلامي
بس حصلت مشكله معهم ولم أجد لها حل لغاية الآن معهم
حولت مبلغ 3500 ريال بالخطأ لشخص لا أعرفه
وذهبت أطالبهم وقالوا لي هات لنا الشخص
وإذا قال لنا أن التحويل بالخطأ نرجع المبلغ لك

الجازم

23-09-2006, Sat 2:43 AM

صحيح بكل شارع وحسب وجهة نظري
الافضل حسب تجربتي في خدمة التداول بالوقت الحالي وبما أنه إسلامي
بس حصلت مشكله معهم ولم أجد لها حل لغاية الآن معهم
حولت مبلغ 3500 ريال بالخطأ لشخص لا أعرفه
وذهبت أطالبهم وقالوا لي هات لنا الشخص
وإذا قال لنا أن التحويل بالخطأ نرجع المبلغ لك

معليش اخوي الجنفاوي
اتصدق ان معهم حق
اضرب لك مثال
لو اشتريت منك سيارة بمبلغ 5000 ريال
وطلبت مني تحويلها لحسابك
وبعد أن استلمت أنا السيارة ونقلتها
ذهبت أنا للبنك وزعمت أني حوّلتها بالخطأ
فماذا سيكون موقفك لو استرجعها البنك من حسابك ؟

HamzaH

23-09-2006, Sat 3:02 AM

كل البنوك عندنا ضد المواطن وتتمتع بحماية لكن بنك الرياض اكبر حرامي فيهم
ومن تجربة والله شاهد على كلامي

توشيبا

23-09-2006, Sat 5:25 AM

نصيحه لاتسحب الا من بنكك

انا في الرياض ولا اسحب بقدر الامكان الامن الرياض

الا اذا انحديت

ابو أمجد

23-09-2006, Sat 11:53 AM

من جد منت سهل يا ابو أمجد

والله يا خوي يا " الصامت "

هاذول البوك يخلو الواحد يطلع عن طوره ويرفعوا الضغط والسكر بعد .

وزي ما يقول المثل " ما ضاع حق وراه مطالب "

واحنا نطالب بحقنا فقط .

على فكرة : حتى مؤسسة النقد قدمت عليهم شكوى في ديوان المظالم بسبب تعطيل مصالح المواطنين والقضية الآن مع الشيخ . يعني والله لازم نخلي هاذول يتأدبون صح . صراحة الدولة أعطتهم الثقة لكنهم ضيعوا ذلك .

KSA

23-09-2006, Sat 1:54 PM

بنك الرياض لهف مني 2000 ريال الله يوريني فيهم يوم قسم بالله صرت أفكر أني أكسر لهم كم جهاز صراف أحط في أجهزة الصراف بطاقات شحن سواء مع شوي غراء علشان بس أبرد كبدي ..
السالفة قبل أكثر من ثلاثة أشهر سحبت 2000 ريال وما شفت شي ومن مطالبة لمطالبة مؤسسة النقد ولم يحدث أي شي والمشكلة أني أعرف موظف نفس البنك اللي قمت بالسحب منه ويقول لي بكل برود مالك شي لو تتطير المبلغ أحتمال سحبه شخص ثاني بعدك مع أني جالس عند الجهاز واشوف اللي بعدي ما سحب له الجهاز
عموما مؤسسة النقد طالبت أنهم يرجعون لشريط التصوير ولازال البحث مستمر عن 2000 ريال

azizcom

23-09-2006, Sat 2:13 PM

احسن بنك يسرق البطاقات :)
مرتين يسحب بطاقتي

Jounan

23-09-2006, Sat 6:06 PM

للامانه صارت لي اني سحبت مبلغ الفين ريال من احد صرافات بنك الرياض وحسابي على سامبا, خصم المبلغ من حسابي ولم استلم شئ المهم اتصلت بسامبا وسجلوا شكواي واعطوني رقم طلب للمراجعه ووعدوني بعد اسبوعين وعند انقضاء 14 يوم وصلتني رساله من بنكي باعادة المبلغ.

أبوحنين

23-09-2006, Sat 8:28 PM

KSA

24-09-2006, Sun 3:41 AM

بس حلوة العنوان ... يمكن وراها عصابة .. انا متاكد أن وراها عصابة

ابو أمجد

26-09-2006, Tue 6:33 PM

انا صار لي العكس

حسابي ببنك الرياض ورحت اسحب من الراجحي وطلبت 200

تدرون وش طلع لي >>طلع لي خمسينتين>>يعني 100 في الباي باي

العمليه صارت الظهر ونا رحت لهم العصر قلت الله يعوض على ال100

لكنهم ماقصروا في خلال دقيقه جابوا لي 100 قلت الحمدلله بعد ماشرحت لهم الوضع

هذي وحده

والثانيه واحد من الشباب في رمضان العام الماضي طلع قرض بمبلغ 130الف من الراجحي الربع ماقصرو معه زادوه 30الف بدون مايدرون >>>يعني صار معه 160الف >>>لكن الرجال راح بعد يومين يبي يشوف وش يسوون طلعو ماعندهم سالفه لكن ذمته وامانته رجع لهم واعطاهم باقي المبلغ 30الف

حكايا على البنوك تصلح للافلام المكسيكيه

كان على الراجحي ، واحد يقول لي بنفسه وهو يشتغل بالمؤسسة بأنه يوم من الأيام شاف حسابه مكشوف بالسالب 450 ألف ريال ، راح الرجال يستفسر ليه حسابه مكشوف بالمبلغ الكبير هذا ( طبعاً حسابه ما فيه حتى 50 ألف ريال ) المهم قالوا له بأنك شريت أسهم بالمبلغ والرجال لا أشترى أسهم ولا حاجة . راح الرجال يتأكد شاف بالفعل في المحفظة حقته أسهم مشتراه له . المهم سألهم عن الحل قالوا له بيع الاسهم اللي في المحفظة إذا إنت كسبان . الرجال ما كذب خبر وباع الاسهم .

حصل الرجال على ما يقارب الـ 30 ألف ريال مكسب .

يا ريت تحصل معنا كم يوم على الأقل الواحد يتحرك شوي .

أما من جهة بنك الرياض ، أخوي قبل كم يوم راح يسحب مبلغ 500 ريال من صراف الرياض وشاف قبله واحد على الصراف المهم قال الرجال شكل البطاقة حقتي خراب سأله أخوي أيش اللي صار قال الرجال طلب أسحب 2000 ريال ما طلع شي . المهم أخوي بعد ما سمع كذا قال أسحب 100 ريال أجرب وطلب الـ 100 تم خصم المبلغ ولم يطلع شي . جاء واحد بعده يريد يسحب قال له أخوي لا تسحب الصراف خربان قال الرجال لا أنتو اللي بطاقاتكم خراب وطلب سحب مبلغ 5000 ريال وراحت على الرجال وزعل الرجال كثير قال له أخوي تستاهل أقول لك خراب تقول من البطايق حقتنا .

مسيهم

26-09-2006, Tue 8:07 PM

والله يا خوي يا " الصامت "

هاذول البوك يخلو الواحد يطلع عن طوره ويرفعوا الضغط والسكر بعد .

وزي ما يقول المثل " ما ضاع حق وراه مطالب "

واحنا نطالب بحقنا فقط .

على فكرة : حتى مؤسسة النقد قدمت عليهم شكوى في ديوان المظالم بسبب تعطيل مصالح المواطنين والقضية الآن مع الشيخ . يعني والله لازم نخلي هاذول يتأدبون صح . صراحة الدولة أعطتهم الثقة لكنهم ضيعوا ذلك .

من جد شغلك :D يعجبني وياليت 30% من الشعب زي همتك ما شالة كان تادبوا شلة هالصوص وماضعت حقوقهم