عبر القارات
12-09-2006, Tue 1:14 AM
سلام يا أحبابي ..
طبعاً الجميع تقريباً الآن عرف ( جارنا ) وعرف إنه ( زكرت )
بعد نهاية السوق اليوم قابلته بعد صلاة المغرب وحلفت عليه إلا يتقهوى عندي
والله وجت القهوة والقدوع والشاهي وبعدها عصير كوكتيل ( فرش )
ما بقي إلا أشربه العصير من يدي --- لازم ادلعه واشيله على كفوف الراحه
وبصراحه الرجال يستاهل - يكفي إنه جاري
فما بالكم لما يكون جار ويعطي التوصيات في الصميم - ما شاء الله
المهم .. تطرقنا لأوضاع السوق وحكيتله معاناتي مع سهم العقارية
قلت : تتوقع لها صعود ؟ قال : يا رجال لا تخاف ارقد وآمن
( حسيت إنه يقولها من ورى قلبه ويطيب خاطري فقط ) :(
قلت : صراحه ما شاء الله عليك وعلى توصياتك
قال : الله يخليك ( تعرفوا كلام البكش والمجاملات ) :D
ولا دريت فجأة إلا والجوال يرن ( جوال جارنا )
واشوفه ياخذ ويعطي بالكلام عن سهم معين .. وانا مثل الأطرش في الزفه
والرجال مدهر بالجوال ويضحك .. وانا مقهور ابيه يقفل الخط
ابي اعرف وش السالفه .. والرجال مازال مدهر بالجوال وبالمكالمه
قلت : خير يا جار ؟ بشر ؟ - أشرلي بيده ( يعني اصبر شوي )
بيني وبينكم جالس مقهور وأتبسم بوجهه وانا من جوه أغلي ابيه يقفل الخط
وشوي ولا هو يقفل الجوال وينهي مكالمته
قلت : بشر يا جار .. فيه علوم جديدة ؟
قال : وش فيك مطيور ؟ ترى الركاده زينه ( وهو صادق والله )
حتى الركادة زينة بسوق الأسهم فما بالكم بالتعامل مع الرجال
المهم ما اطول عليكم بالسالفه ..
قال : تبي 20 % خلال 10 ايام كحد أقصى ؟
قلت : اي والله أبي واحد يكره لو 1% ( وتذكرت إن العقارية عندي )
قال : إقحش بالخزف ..... قلت : وش ؟ قال : إقحش بالخزف
وبحول الله إنك تدعيلي
ووالله قال : هذي التوصية لكل شخص يعز عليك وخصوصاً
اللي ما أخذوا بالتوصيات السابقة ( مكه والسيارات )
ولا تنسوا قبلها وصى على الغاز وصدق وكلها طاااارت ما شاء الله
قلت: بيض الله وجهك والناس كلها بتدعيلك بمشيئة الله
وهو رايح من عندي إلا ( واتخنطل ) بالعصير وينكب على الزل
( حسيت ساعتها إن العقارية تبي ترجدني - ما ادري ليه ) :mad:
طبعاً الجميع تقريباً الآن عرف ( جارنا ) وعرف إنه ( زكرت )
بعد نهاية السوق اليوم قابلته بعد صلاة المغرب وحلفت عليه إلا يتقهوى عندي
والله وجت القهوة والقدوع والشاهي وبعدها عصير كوكتيل ( فرش )
ما بقي إلا أشربه العصير من يدي --- لازم ادلعه واشيله على كفوف الراحه
وبصراحه الرجال يستاهل - يكفي إنه جاري
فما بالكم لما يكون جار ويعطي التوصيات في الصميم - ما شاء الله
المهم .. تطرقنا لأوضاع السوق وحكيتله معاناتي مع سهم العقارية
قلت : تتوقع لها صعود ؟ قال : يا رجال لا تخاف ارقد وآمن
( حسيت إنه يقولها من ورى قلبه ويطيب خاطري فقط ) :(
قلت : صراحه ما شاء الله عليك وعلى توصياتك
قال : الله يخليك ( تعرفوا كلام البكش والمجاملات ) :D
ولا دريت فجأة إلا والجوال يرن ( جوال جارنا )
واشوفه ياخذ ويعطي بالكلام عن سهم معين .. وانا مثل الأطرش في الزفه
والرجال مدهر بالجوال ويضحك .. وانا مقهور ابيه يقفل الخط
ابي اعرف وش السالفه .. والرجال مازال مدهر بالجوال وبالمكالمه
قلت : خير يا جار ؟ بشر ؟ - أشرلي بيده ( يعني اصبر شوي )
بيني وبينكم جالس مقهور وأتبسم بوجهه وانا من جوه أغلي ابيه يقفل الخط
وشوي ولا هو يقفل الجوال وينهي مكالمته
قلت : بشر يا جار .. فيه علوم جديدة ؟
قال : وش فيك مطيور ؟ ترى الركاده زينه ( وهو صادق والله )
حتى الركادة زينة بسوق الأسهم فما بالكم بالتعامل مع الرجال
المهم ما اطول عليكم بالسالفه ..
قال : تبي 20 % خلال 10 ايام كحد أقصى ؟
قلت : اي والله أبي واحد يكره لو 1% ( وتذكرت إن العقارية عندي )
قال : إقحش بالخزف ..... قلت : وش ؟ قال : إقحش بالخزف
وبحول الله إنك تدعيلي
ووالله قال : هذي التوصية لكل شخص يعز عليك وخصوصاً
اللي ما أخذوا بالتوصيات السابقة ( مكه والسيارات )
ولا تنسوا قبلها وصى على الغاز وصدق وكلها طاااارت ما شاء الله
قلت: بيض الله وجهك والناس كلها بتدعيلك بمشيئة الله
وهو رايح من عندي إلا ( واتخنطل ) بالعصير وينكب على الزل
( حسيت ساعتها إن العقارية تبي ترجدني - ما ادري ليه ) :mad: