المساعد الشخصي الرقمي

مشاهدة النسخة كاملة : ابن بطوطة والمعتضد ولا يهونون الجميع (يا مشتري حظ)


التميمي خالد
10-09-2006, Sun 9:06 AM
امس كانت عندي حايل شاريها من يوم الاربعا وقبل لا تطير بشوي جتني توصية للراجحي يقول اشترررررررررررررر على طول بعت حايل وطبيت ب الراجحي شوي والا حايل نسبة والراجحي نزل عن مشتراي 3 ريال.

قلت اكيد هذا حظي وان الي صار قضاء وقدر بعدها تذكرت قصيد الشاعر بندر بن سرور الي يقول فيها



(يامشتري حظ)



يامشتري حظ جزى منه راعيه



ياسايم حظي تراني سموحي



ارخص عليك البيع ماني بمغليه

واشرط عليك انه سدوح لدوحي
THE ONE
10-09-2006, Sun 9:22 AM
إن جاد حظك باع لك واشترى لك ***** فوايده من كل الابـواب تاتيـك
وان باربـك دلاّ يهـزّل حلالـك ***** باردى ثمن لزمٍ يبيعـك ويشريك
وان جاد حظك بالمجالس حكالك ***** صدق مقالك كل من لك يحاكيـك
وان باربـك دلاّ يكـذب مقالـك ***** وتصير كذبات الملا كلهن فيـك
وان جاد حظك بالمنـازل بنالـك ***** بيتٍ رفيعٍ شامخ الطول يذريـك
وان باربك خلاك تنقـل عيالـك ***** من دار إلـى دار ودارٍ تجليـك
وان جاد حظك كل شيءٍ صفالك ***** وقرايب الخـلان كلـن يصافيـك
وان باربك بين جميع العدا لـك ***** وصار المحب اعدا عدوٍ يعاديـك
وان جاد حظك كل شيءٍ عنالـك ***** ويباشرك عند المـوده ويعطيـك
وان باربك ظليت محـدٍ بحالـك ***** ولا بفنجالٍ مـن البـن يسقيـك
وان جاد حظك قام واطلق عقالك ***** ومشى معك في كل درب يباريك
وان باربك جوّد يميـن الثنالـك ***** وعن كل دربٍ يعقلك ثم يثنيـك
وان جاد حظك كل شيء زهالـك ***** حلياه بارواح المجالـس تزهيّـك
وان باربك شيّن حلايـا خيالـك ***** لااقبلت تغضي كل عينٍ تراعيك
وان جاد حظك كل شيء أضالك ***** يشبه فم القنديـل نـوره يقديّـك
وان باربك عزي لحالي وحالـك ***** أرذل رذيلٍ هافي الجـد يوذيـك


الشريف محمد
ابوسبعه
10-09-2006, Sun 9:37 AM
يابايع حظه ترى مانيب شاريــــه
لوترخصه وتزيد فوقه ملوحـــــي
اصبر على حظك ما دمت راعيـــه
يمكن يجيله يوم يرضي الطموحي
محمد الحمود
10-09-2006, Sun 9:50 AM
يابايع(ن) حظك ماني بباغيه
حظاً ماينفع صاحبه مايروحي
التميمي خالد
10-09-2006, Sun 9:58 AM
The One
ابوسبعة
محمد الحمود

بارك الله فيكم
ابن بطوطة
11-09-2006, Mon 3:06 PM
يامشتري من الخشاش .. لاتطمع بعدين تجي على خشتك
خليك قنوع ولازم تنحاش .. الطمع يفلسك وماتقدر تحلق كشتك