رسالة لمضارب اسمنت تبوك

[عبر القارات]

لي أسبوعين تقريباً لم أكتب اي موضوع أو تعقيب

والسبب أنني حلقت شنبي عكس مثلما قلت لكم

آآآآه عليك يا إسمنت تبوك .. خليتني احلق شنبي بسببك

على فكرة كنت أشاهد رفع الموضوع من الزملاء هنا

وكنت أشاهد تعقيبهم ( بالتريقة علي وعلى شنبي )

ولكن كنت ناااااذر ما أكتب إلا إذا أوقف التداول عن السهم

أو رجوع شنبي لسابق عهده قبل الحلاقة

انا اللي جبته لنفسي ولا انا ..ايييييش دخل اهلي باسمنت تبوك

ولمضارب اسمنت تبوك أقول

مثلما قال ابو بكر سالم بلفقيه :

( بكيفه يرفعه ولا يوطيه )

[ابن بطوطة]

فعلا اللي يبغى موضوعه يصفون العالم عليه سراء ...يحط كلمة حلق شنب ولا خروج ولا تصريف ولا نزول ..

على العموم الله يوسع صدرك يا عسل ..
ترى بيني وبينك قرابه من ناحية المعرفات ..

[ماكـرو]

عظم الله اجرك بشنب الرجولة
والله يعوظك خير
وخل عنك ثاني مرة طقة الصدر اللي ما هيب لم سنع

[م/تركي]

اسمنت تبوك كان مثل الهم داخل المحفظه والحمدلله ارتحت منه ماقلت على الله يطلع شي بسيط الا وارميه في وجه مضاربه المريض.. طلعنا منه بخساره والله يعوضنا خير

بالتوفيق

[المعتضد]

مافيه داعي للزعل. كلامك أنا أشهد على صحته، لكن مصيبة أسهم الشثري التوقيت. أنت لم تخطيء بالخبر. لكن التوقيت يدار من قبل الإدارة ولا أستبعد أنه يعاند أحيانا. والله أعلم.
وفقك الله وأحسن لك دنيا وآخرة.

[عذبه]

معليش هالمره صاروخك تجاوز هدفه .. من زود الحماس
نصيحه اسهم ذاك الرجال لاتوص عليها لانها صارت مثل الكهرب.. محلك سر ,
بعدين مابيبقى بجسمك شعره , وهو بلندن يزرع صلعته ماجاب خبرنا

[أبوفهد العنزي]

يا اخ عابر القارات

ليتك ما فتحت الموضوع لانك ستحدث اضرار لملاك السهم باثارة حفيظة المضارب على الملاك.

اتركوه مثل ما قال اخونا محمد النجدي "اسمنت متروك"

وان شاء الله يمش ويرتفع لكن خل الناس تنساه بالمحفظة وهو راح يسوي الهوايل بدون توصيات شراء,

[محمد النجدي]

اخوي عابر القارات

اسمنت تبووووك ( متروووووك ) يفشل ولا يوجب احد

يذكرني بالتدمير ( التعمير )

سهمين بغيضين بس مدري وش حدني عليهن

عني مسامحك على حلق الشنب بالعكس واكتفي بحفه فقط

اخوي فهد العنزي

لو لاحظت ان الاسبوع الماضي قل الكلام عن اسمنت مترووووك فطلع الى خانة السبعين

اسأل الله الكريم ان يرزقنا الرزق الوافر

[& أبو ندى &]

بالفعل ؛؛ السهم يواجه ضغط قوي جداً من المضارب
وأظن بأن المضارب هو محفظة إحدى الشركات المساهمة
وألاحظ بأنها محفظة واحدة فقط تطلب وتشيل وتعرض وترش !
وكأنه يقول عطوني نصف أسهمكم على الأقل ؛؛ وإلا والله ما تشوفون خير ...
لذلك أنا استجبت للضغوطات ولبيت طلب المضارب وعطيته ثلث الأسهم لدي ، لكن الظاهر اني باسترجعهم منه ، لأني ما أرتاح إلا وهي بالمحفظة ، وما حركتها من حول السنة