آآآآآآخ ياأبو رويجح مافيه فايده ,الله يعوض على من تضرر بخير

[FARiS NAJDi]

تداول الراجحي وماأدراك ماتداول الراجحي ,من يوم حولونا على التداول الجديد وعينك ماتشوف إلا النور :) .
المهم اليوم الله يهديهم عن طريق الإنترنت كل شوي أعطال وثقيل وبطئ وكل شيٍ شين فيه.
والتداول عن طريق الهاتف نفس الحكاية يوم جيت أبيع شركتين شريتهم أمس بسعر معين ماقدرت أبو رويجح ماسمح لي ويقدر الله ويرتفع السعر ولاقدرت أبيع لأن النية مطية ونيتي أبيع بسعر أقل , قلنا الحمدلله على نعمته ;) .
بس الخوف يسويها فيك وقت النزول ولاتبيع إللين ينزل السعر زود .
وسبحان الله عسى أن تكرهوا شيئاً وهو خيرٌ لكم .
هالمره شكراً تداول الراجحي :eek: .

[المجازف]

جيتك ياالنظام الجديد تعين وأثرك يالنظام تعبان

[هارون الرشيد]

جيتك ياالنظام الجديد تعين وأثرك يالنظام تعبان


هلا وغلا أبو مشاري يا أخي لكم ثقلكم بالمنتدى ومن المتابَعين وتوك تبدي رأيك ،
والله يا أبو مشاري باعوا لي سيسكو أمس الإثنين بدون أمر بيع مني وفقدت 4600 ريال من المحفظة ، حوسه يا شيخ خله على الله ، الله حسيبه .

[ولد صالح]

والله يا أبو مشاري باعوا لي سيسكو أمس الإثنين بدون أمر بيع مني وفقدت 4600 ريال من المحفظة
تلقا عندهم رصيدك مخالف للي قدامك بالشاشه ؟؟؟؟؟؟؟؟

[FARiS NAJDi]

جيتك ياالنظام الجديد تعين وأثرك يالنظام تعبان

هلا وكل الغلا ياأبومشاري أقول الله يعين على هالنظام يبيله وقت لين يعرفون مكامن القوة والضعف فيه :eek: بس ياعنك إنه يعجبك بعض الأوقات مثل ماسوى معي اليوم :D , بس نصيحة أخوية لاأحد يترك البيض في سلة واحدة (سلة الراجحي ).

[mooj]

تداول الراجحي وماأدراك ماتداول الراجحي ...
وسبحان الله عسى أن تكرهوا شيئاً وهو خيرٌ لكم .
هالمره شكراً تداول الراجحي :eek: .
ياالفـــارس النجــدي ، خذهــا مني تجربــة ســـابقة ، وأســأل الله تعالــى ألا تتكـــرر معــك : نفــس قصتــك بالتمــام ، وفـــرحــت فــرح شــديد إنهـــم مــا باعــوا لي الأسهــم لأنهــا طــارت ، وتــركتهــا تــرتفــع أكثــر ، ولكـــن فجـــأة لــم أجــد الأسهــم في المحفظــة ، انطلقـــت وشيكـــت علــى الرصيــد الاستثمـــاري ولقيـــت المبلـــغ ولــــكن على الطلـــب الســـابق اللي مــا نفـــذوه ، ولا حـــول ولا قــوة إلا باللــه العلــي العظيـــم .
وحــدث نفس القصــة مــرة ثانية ، ولكــن الله سلـــم ، مـــا بــاعوهــا مثل المـــرة الأولــى ...
فــلا تفــرح حتــى تقبض ثمنــك ، ولا تقــول بـــر حـــتى ... .

[هارون الرشيد]

والله يا أبو مشاري باعوا لي سيسكو أمس الإثنين بدون أمر بيع مني وفقدت 4600 ريال من المحفظة
تلقا عندهم رصيدك مخالف للي قدامك بالشاشه ؟؟؟؟؟؟؟؟


والله يمكن !!!
بس على فكرة لما أطلب عن طريق الشاشة يعطيني بالسعر اللي قدامي ولما أكلمه بالتلفون يقولي رصيدك ما يسمح . وش السالفة يا ولد صالح .

[ابن بطوطة]

والله انتم يا حقين الراجحي كل يوم شكوى ..
وش شايفين المنتدى شرطة الغالة..؟؟
ولا شرطة العود والصالحية ..؟؟