راعي العــــوايد
12-07-2006, Wed 1:58 AM
اللي باللون الاحمر يجسد الواقع
يبونا نخسر وبس
الله يـــــفكه عــــوقنا
ويعز ربي ســـــــوقنا
اللون الأخضر شوقنا
وحنا نبي نعرس وبس
ثلاثة شهور(ن) تعب
منهار بســــتبها شعب
في كل لحظاته رعب
وحنا نبي نصبر وبس
احلام كانت للسحاب
تشوفها في كل شاب
الين ما صارت سراب
وحنا نبي نحلم وبس
وياسوقنا ما فيك نبض
والطلب قاتله عرض
بنك يبي تسديد قرض
وحنا نبي نسدد وبس
عساف ســياري وبنك
وجماز راح وخل عنك
جابوا لنا هموم وضنك
وحنا نبي تغيير وبس
وما غثتا ألا اللي يقول
مصدر ثقة وله وصول
لأمن طلع بكره نــزول
وحنا نبي الصدق وبس
واللي يجي ويقول قاع
يقولها ان كان بــــــــاع
كانوا من اسباب الضياع
وحنا نبي ندري وبس
ولا كل ما يعرف يقال
والصبر زين بكل حال
خلك مثل ذيك الجبال
وحنا نبي نسكت وبس
ياعسكري وين الحرامي
هو كان قدامك وامــامي
ما ينسمك لا... ياسلامي !!
وحنا نبي نعرف وبس
بالسوق لم ينجح احد
فشل كبير بالبلد
حلول ما عندي ابد !!
وحنا نبي تطوير وبس
وللوطن حنا جنود
ولك يا ابو متعب وقود
وبعيون هالحساد عود
وحنا نبي نحبك وبس
يبونا نخسر وبس
الله يـــــفكه عــــوقنا
ويعز ربي ســـــــوقنا
اللون الأخضر شوقنا
وحنا نبي نعرس وبس
ثلاثة شهور(ن) تعب
منهار بســــتبها شعب
في كل لحظاته رعب
وحنا نبي نصبر وبس
احلام كانت للسحاب
تشوفها في كل شاب
الين ما صارت سراب
وحنا نبي نحلم وبس
وياسوقنا ما فيك نبض
والطلب قاتله عرض
بنك يبي تسديد قرض
وحنا نبي نسدد وبس
عساف ســياري وبنك
وجماز راح وخل عنك
جابوا لنا هموم وضنك
وحنا نبي تغيير وبس
وما غثتا ألا اللي يقول
مصدر ثقة وله وصول
لأمن طلع بكره نــزول
وحنا نبي الصدق وبس
واللي يجي ويقول قاع
يقولها ان كان بــــــــاع
كانوا من اسباب الضياع
وحنا نبي ندري وبس
ولا كل ما يعرف يقال
والصبر زين بكل حال
خلك مثل ذيك الجبال
وحنا نبي نسكت وبس
ياعسكري وين الحرامي
هو كان قدامك وامــامي
ما ينسمك لا... ياسلامي !!
وحنا نبي نعرف وبس
بالسوق لم ينجح احد
فشل كبير بالبلد
حلول ما عندي ابد !!
وحنا نبي تطوير وبس
وللوطن حنا جنود
ولك يا ابو متعب وقود
وبعيون هالحساد عود
وحنا نبي نحبك وبس