هبوط حاد للترضية

[المعتضد]

أميتين أبعين حفار القــــــــبور ***** بيّع أسهوم الخلايق وأشترى
بشر اللي أرعب الناس ابدبور ***** لو ربح ذاليوم بكره يخســــرا

الملاحظ هذا الصباح نزول مصطنع للترضية. حسبنا الله ونعم الوكيل.

[النوخذة]

ترضية لمين .. ليتك توضح !

[محمد بن صالح]

افضل عباره يمكن ان يوصف بها هذا النزول
وافرحوا يامرجفين

[العادل]

تصدق انا استغرب كيف هذولا الي يتشائمون دون النظر الى شركات المؤشر او قائدة المؤشر

سابك والراجحي اوكي ارتفعواويحق لهم يقلقون ويبيعون ويتشائمون:)


لكن دخل السوق لاعبين جدد في المؤشر قطاع الاتصالات بشركتية لازال في اماكن مغرية

تخيل الاتصالات ادنى سعر 91 ريال والان 115 تقريبا

موبايلي وصلت لادنى سعر للاتصالات ولم تتحرك بعد:)


ايضا ينساب لاعب جديد في المؤشر قيمتها 50 ريال يعني250 ريال قبل التجزئة:)

اقول الشركة ماخذة قروض تبني مصانعها

واذا ما نيب غلطان انها استثمرت في السوق واستفادت من الهبوط بجزئ من رأس مالها:)


لذلك استبعد الخوف والهلع

واستغرب منهم عدم النظر الى مستجدات السوق ولاعبية الجدد:)

[الكاشف]

أميتين أبعين حفار القــــــــبور ***** بيّع أسهوم الخلايق وأشترى
بشر اللي أرعب الناس ابدبور ***** لو ربح ذاليوم بكره يخســــرا

الملاحظ هذا الصباح نزول مصطنع للترضية. حسبنا الله ونعم الوكيل.



ارعب العالم بكل الوسايل والامور ***** بالرسوم وبالرسايل تنقــــــــرأ
بالشموع وبالخطوط وبالكســــــور ***** يرجى ان السوق يمشى للورا

[الهادي]

أميتين أبعين حفار القــــــــبور ***** بيّع أسهوم الخلايق وأشترى
بشر اللي أرعب الناس ابدبور ***** لو ربح ذاليوم بكره يخســــرا

الملاحظ هذا الصباح نزول مصطنع للترضية. حسبنا الله ونعم الوكيل.

أشهد انك جبتها والعلم نور ..... لفوا الحيلة .. وريوسنا ورا
كل مرجف بيننا يجيه دور ..... ياهنا قدامنا .. او بالثرى

[العادل]

لاحظوا

ادنى سعر للاتصالات 91 ريال تقريبا مو اوكتين:)

وسعرها الان 117

تخيلوا ادنى سعر هو سعر تحقق في الانهيار:)

يعني بعد الانهيار وعودة الثقة سعرها الان فوق سعر الانهيار بحبتين:)

بخلاف الشركات الاخرى "شركات المؤشر أو الاستثمار" :)

ايضا بخلاف ارتداد الشركات الاخرى :)

[محمد بن صالح]

تسلمون على الابداع وين غنيم والبقيه ؟

[المعتضد]

ارعب العالم بكل الوسايل والامور ***** بالرسوم وبالرسايل تنقــــــــرأ
بالشموع وبالخطوط وبالكســــــور ***** يرجى ان السوق يمشى للورا




كل شر وفيه خير أبلا قصــــور ***** وخير شر السوق.. إنك تظهرا
حي من جانا عقب غيبة شهور ***** مرحبابك جيتك ذي تنشــــــــرا

[المعتضد]

ترضية لمين .. ليتك توضح !


هلا بأخي الفاضل النوخذة،
ترضية لأطراف متعدده، إلا أنه يبقى ترضية لنفسيات المتنفذين الذين لم يجدوا مايكفي لسد نهمهم الذي لا ينتهي والعياذ بالله. وترضية لغرورهم وأنهم من يحرك السوق، متى آرادوا. والله المستعان.

[الكاشف]

كل شر وفيه خير أبلا قصــــور ***** وخير شر السوق.. إنك تظهرا
حي من جانا عقب غيبة شهور ***** مرحبابك جيتك ذي تنشــــــــرا



مرحبا بك بكل بهجة وسرور ***** انت فى الخاطر بكل يومن يظهرا
لكن الدنيا تجعلنى معــــــذور ***** وانت للصاحب دومن تعــــــــذرا

[أحمد عبدالله]

ياهلا بالمعتضد وبكل الحضور ....... وياهلا بالي كتب وبالي قرا

[المعتضد]

ياهلا بالمعتضد وبكل الحضور ....... وياهلا بالي كتب وبالي قرا


مرحبا ذا اليوم كم. غاشيه نــــور ***** كل عزيز(ن) غايب(ن) لي أذكـــرا
مرحبا بأحمد،، ومن جاه السرور ***** بجمعة الأحباب، في روض أخضرا

[المعتضد]

مرحبا بك بكل بهجة وسرور ***** انت فى الخاطر بكل يومن يظهرا
لكن الدنيا تجعلنى معــــــذور ***** وانت للصاحب دومن تعــــــــذرا



نعذر الغايب، وندمح كل قصور ****** ومن عذر ذا اليوم بكره يعذرا
منتدانا قصر مبني وسط ســور ****** ضافي(ن) خيره على كل الورا

[المعتضد]

أشهد انك جبتها والعلم نور ..... لفوا الحيلة .. وريوسنا ورا
كل مرجف بيننا يجيه دور ..... ياهنا قدامنا .. او بالثرى


الله الهادي، وهالدنيـا تدور ***** من هنا نومه... يحاربه الكرا
عقب لذات الليالي والحبور ***** يبتليه الله ويرجع يســــــــهرا

[الخاص]

ما شاء الله يالمعتضد مبدع .
اليوم مزاجك نسبة من الساعة 10 صباًحاً.
الله يسعدك يارب أنت والكاشف والجميع .

[العادل]

الله الهادي، وهالدنيـا تدور ***** من هنا نومه... يحاربه الكرا
عقب لذات الليالي والحبور ***** يبتليه الله ويرجع يســــــــهرا




ما حلا قولك وما ضني يبور ***** ينقري ذا اليوم وعقبة ينشرا
انضم ابياتك عسى بالك صبور ***** صفحة التاريخ لمثلة تحفظا

[المعتضد]

ما شاء الله يالمعتضد مبدع .
اليوم مزاجك نسبة من الساعة 10 صباًحاً.
الله يسعدك يارب أنت والكاشف والجميع .


أخي الفاضل الخاص،

الله يسعدك ويرزقك من حيث تحتسب ومن حيث لا تحتسب. والمسلمين والمسلمات.
الحمد لله على فضله وبركته. إن شاء الله أمزجتنا جميعا نسبة على طول بوجود الأحباب، وأنت أولهم. وفقك الله.

[المعتضد]

ما حلا قولك وما ضني يبور ***** ينقري ذا اليوم وعقبة ينشرا
انضم ابياتك عسى بالك صبور ***** صفحة التاريخ لمثلة تحفظا





من يروز الشعر حاشاه الفــــــــجور ***** عادل(ن) عدلك بعيني ينقـــرا
والسموحة كان جا مني اقصــــــــور ***** مجتهد، والمجتهد. قد يؤجــرا
قلت علمي وأشتري من الناس شور ***** والكسير أمناه، كسره. يجبرا

[المعتضد]

تسلمون على الابداع وين غنيم والبقيه ؟


الله يسلمك من كل شر، ويرزقك كل خير. والله إنا مشتاقين لشيخنا غنيم. ليته يسير علينا ويسامرنا ببعض الأبيات.

[البهلال]

أميتين أبعين حفار القــــــــبور ***** بيّع أسهوم الخلايق وأشترى
بشر اللي أرعب الناس ابدبور ***** لو ربح ذاليوم بكره يخســــرا

الملاحظ هذا الصباح نزول مصطنع للترضية. حسبنا الله ونعم الوكيل.



بيتنا ياخوي امحوط بسور ***** ان درى الحفار و الا ما درا
خبروه الرزق عند رب(ن) غفور **** و النهاية كلنا تحت الثرى

[المعتضد]

بيتنا ياخوي امحوط بسور ***** ان درى الحفار و الا ما درا
خبروه الرزق عند رب(ن) غفور **** و النهاية كلنا تحت الثرى




بيتكم جعله على الخير امعمور ****** والعمر لو طال غصب(ن) يقصرا
جعل ربي ياهبك يالقرم حـــــور ****** في جنان الخلد،، لبسك لأخضــرا