تسلم عليكم جدتي وتقول لكم احفظ ريالن لك عن الناس يغنيك

[الدكتووووور]

اولا احب اسلم عليكم جميعا
ثانيا تسلم عليكم جدتي وتقول لكم احفظ ريالن لك عن الناس يغنيك يغنيك عن هذا ويغنيك عن ذاك


اشوف موجة تفاؤل عارمه تجتاح جميع المنتديات اللي معه اسهم الشكوى لله يمسك سهيماته اما اللي معه كاش لا يدخل لين يشوف السوق استقر صدق وزان
وبدا متوسط التداول يرجع لمستوياته الطبيعيه


والله يوفقنا وياكم

[الدكتووووور]

اللي مافي واحد منكم قال الله يسلمك ويسلمها؟؟؟؟؟؟؟؟؟؟؟؟؟
هذا جزاي اللي نصحتكم؟؟؟؟

[صديقك المخلص]

الله يسلمك ويسلمها
المهم لا تزعل رضاؤكم يهمنا :)
وانشاء الله ما تسير
أمسنا غدنا

[الهرش]

اللي مافي واحد منكم قال الله يسلمك ويسلمها؟؟؟؟؟؟؟؟؟؟؟؟؟
هذا جزاي اللي نصحتكم؟؟؟؟
الله يسلمك ويسلمك لعين ترجيك

[الدكتووووور]

الله يسلمك ويسلمها
المهم لا تزعل رضاؤكم يهمنا :)
وانشاء الله ما تسير
أمسنا غدنا
الله يسلمك وحلوه رضاؤكم يهمنا كنها من شعارات الخطوط السعوديه

واخر شي مافهمته والله كيف امسنا غدنا؟؟؟ ومع ذلك شكرا جزيلا

[الدكتووووور]

الله يسلمك ويسلمك لعين ترجيك

الله يسلمك ويخليك

[صديقك المخلص]

الله يسلمك وحلوه رضاؤكم يهمنا كنها من شعارات الخطوط السعوديه

واخر شي مافهمته والله كيف امسنا غدنا؟؟؟ ومع ذلك شكرا جزيلا
صديقي الدكتووووور
" أمسنا غدنا " هذا ياسيدي شعار للتشاؤم من وضع السوق يعني أمس مثل غدا
شعار شركة الراجحي اللي خسرت العالم حسبنا الله عليهم
رغم اني من المستحيل أتعامل معهم ولكن شاهدت الأضرار اللي لحقت المتعاملين معه
تحياتي ،،

[المصحح التلقائي]

الله سلم جدتك ويسلمك ويخليها لك, وحكمها مفيد وإن طال الزمن

[&الـشــنـب&]

وعليكم السلام ورحمة الله

بالله اسأل جدتك المتعلقين وش يسوون ؟!!

قال احفظ ريالك !!

قل لجدتك اللي ما يشتري في طيبه غلطان
( بسبب الاحراج اللي انحطت فيه الشركه بتقييم سهمها بـ 33,6 )
واللي ما يشتري في الصادرات غلطان
واللي ما يشتري في زجاج ابله ومجنون
واللي ما يشتري في الاتصالات السعودية وموبايلي ما يفهم المستقبل .
والاسمنتات شركات الاستثمار الأولى .

[&الـشــنـب&]

نسيت من قهري !!

بلغها سلامي وقل لها الشنب يقول الله يمتعك بالصحة والعافية
واسألها أن تدعي الله لنا ان يفرجها علينا .

[الدكتووووور]

صديقي الدكتووووور
" أمسنا غدنا " هذا ياسيدي شعار للتشاؤم من وضع السوق يعني أمس مثل غدا
شعار شركة الراجحي اللي خسرت العالم حسبنا الله عليهم
رغم اني من المستحيل أتعامل معهم ولكن شاهدت الأضرار اللي لحقت المتعاملين معه
تحياتي ،،
شكرا يااخي وصديقي الصديق المخلص على هذا التوضيح

[الدكتووووور]

الله سلم جدتك ويسلمك ويخليها لك, وحكمها مفيد وإن طال الزمن

ويسلمك ويخليك لعين ترجيك

[محمد سعد]

الله يسلمك ويسلمها

============

والله انها صادقه

[الدكتووووور]

وعليكم السلام ورحمة الله

بالله اسأل جدتك المتعلقين وش يسوون ؟!!

قال احفظ ريالك !!

قل لجدتك اللي ما يشتري في طيبه غلطان
( بسبب الاحراج اللي انحطت فيه الشركه بتقييم سهمها بـ 33,6 )
واللي ما يشتري في الصادرات غلطان
واللي ما يشتري في زجاج ابله ومجنون
واللي ما يشتري في الاتصالات السعودية وموبايلي ما يفهم المستقبل .
والاسمنتات شركات الاستثمار الأولى .

ان شاء الله بسالها لك وش يسوي المتعلقين

وعلى طاري طيبه والصادرات وزجاج والاتصالات وموبايلي والاسمنتات

زد عليهن الشركات المحترمه الصناعيه المجموعه +التصنيع +سافكو +صافولا
والشيخه سابك طبعا

ولكن هالكلام كنا نقوله من يوم المؤشر عند 18000 وهم يقولون فرص شراء
ونزلنا لل16200 وقالوا مثل هالكلام هذا قاع ارتد من هالسوق مرتين
ويوم وصلنا 15000 قالوا مثل هالكلام هذا القاع والسوق شراء
ويوم وصلنا 14200 قالوا نقطه ملكيه ماتنكسر واللي شرا تعلق
ويوم وصلنا 13800 قالوا قمه يونيو ماتنكسر الله يصلحكم
وكسرناها واللي شرا تعلق
ويوم وصلنا عند ال12000 قاموا يخورون وقالوا ايران ما ايران
ويوم وصلنا 11500 قالوا تالله لن تكسر وكسرناها والسوق يظحك
والحين ال10000

انا لست متشائم ولكن اقول احفظ ريالن لك عن الناس يغنيك

واللي معه سهيماته يمسكهن واللي معه كاش يصبر السوق مابعد استقر

[الدكتووووور]

نسيت من قهري !!

بلغها سلامي وقل لها الشنب يقول الله يمتعك بالصحة والعافية
واسألها أن تدعي الله لنا ان يفرجها علينا .
الله يجزاك خير ياالشنب وابشر يوصلها سلامك ان شاء الله

والله يخليك لعين ترجيك

[الدكتووووور]

الله يسلمك ويسلمها

============

والله انها صادقه
ويسلمك ويعافيك
ويخليك لعين ترجيك

[اللافي]

ما أدري شعر الجدة زين
بس يمكن رايها ماينطبق على السوق ويمكن ينطبق
على كل حال
ارجع لها يا دكتورنا وقلها فيه واحد نشب في حلقي ويقول تأكدي من ترتيب الكلمات في الشطر الاول

واظنه يستقيم اكثر اذا قالت

احفظ لك ريال(ن) عن الناس يغنيك

مع انها ماتفرق كثير

[متوقع]

تسلم عليكم قمة بوليفيا في امريكا اللاتينية ويقولون بنحارب الفقر والبطالة . في ديارهم ...

وهواميرنا وهيع هع قصدي هيئتنا تفتش الجيوب وبياخذون ريالين جدتك . هه

[الدكتووووور]

تسلم عليكم قمة بوليفيا في امريكا اللاتينية ويقولون بنحارب الفقر والبطالة . في ديارهم ...

وهواميرنا وهيع هع قصدي هيئتنا تفتش الجيوب وبياخذون ريالين جدتك . هه
هههههههههههههههههههههه ان شاء ماهوب ماخذينها بلاها ماهيب مقبله سوقهم

[الدكتووووور]

ما أدري شعر الجدة زين
بس يمكن رايها ماينطبق على السوق ويمكن ينطبق
على كل حال
ارجع لها يا دكتورنا وقلها فيه واحد نشب في حلقي ويقول تأكدي من ترتيب الكلمات في الشطر الاول

واظنه يستقيم اكثر اذا قالت

احفظ لك ريال(ن) عن الناس يغنيك

مع انها ماتفرق كثير




رجعت لها وقالت احفظ ريال ن لك عن الناس يغنيك - يغنيك عن هذا ويغنيك عن ذاك --واعرف ترى مكه نزلها بني خيك --- لو تطلبه خمسه دياوين مااعطاك - واعرف ترى مواطن الفعل واطيك -- منتب اعز من الجماعه هذولاك

[الدكتووووور]

الحمدلله ومبروك عليكم شيله جماز

[(سكون البحر)]

راح عليك يوم الخميس ماشريت لاكن عساك تلقى عروض بعد اسبوع

[الدكتووووور]

راح عليك يوم الخميس ماشريت لاكن عساك تلقى عروض بعد اسبوع
والله يااخي الاسهم وعندي ومتعلق من كراعيني وعسى ان شاء الله ماتفتح النسب الا عقب اسبوع يسمع من بؤك ربنا على قولة المصاريه

[ابن بطوطة]

الحمد لله والله يبارك في جدتك..