دحروج
09-05-2006, Tue 10:15 PM
بسم الله الرحمن الرحيم
في البداية اود في هذه الايام العصيبة ان اشكر القائمين على منتدى اعمال الخليج
على اريحيتهم ومصداقيتهم مع الاعضاء وعدم اعتمادهم على تكميم الافواه المظلومه .;)
وساورد هنا قصتي مع الاسهم من بداية دخولي فيها الى اليوم بالعامية مع الاعتذار على الاخطاء الاملائية واتمنى من الاعضاء وضع قصصهم للفائدة وللعضة والرجاء تحري المصداقية .
كانت بدايتي مع الاسهم عام 1424هـ تقريباً كنت راكب مع ولد عمي ( ب , ن ) في سيارته في الصباح رايحين لمشوار خاص فيه لقريب له وقاعد يكلمني عن الاسهم وانها خياليه وحلوه وفيه خير وان قريبه هذا راعي اسهم وعنده معارف وان الدوائية سعرها 120 ريال تقريباً وانها بدبل ومن هالكلام ومحاكيكم مع ان عمري صغير الا تفكيري تفكير شياب قلت له بلا اسهم بلا خرابيط الله يخلي المساهمات العقارية وانا حاط دريهماتي عند قريب لي اخر ( خ , ع ) في مساهمه عقارية , ولو تدرون بعد قيمتها كان تقومون وتدبجوني ( 60,000 ) ريال .
هالـ ( 60,000 ) طلعت في المساهمه ( 72,000 ) ويرجع لي ( ب , ن ) ويكلمني عن الاسهم وان السوق الاماراتي بيشعلل وشركة فيها قوية اسمها اعمار وان عليها كلام قوي الين خششها في مخي المهم واسحب الفلوس من المساهمه واعطيه ( 70,000 ) ويجي بعد سنة قال انها صارت ( 130,000) ريال وتبسطني الشغله واروح للبنك واخذ قرض ( 88,000) ريال واعطيه ( 80,000) ويطلع المجموع
( 210,000) ريال ودخلنا في سوق ابوظبي ونربح مع اسمنت الخليج وندخل قطر ونخسر .
المهم في شهر 10\ 1426هـ قلت له كم وصلت قال ( 487,000) ريال والله انا اللي انتشي , واقوم اسحب منها( 187,000) ريال والسوق السعودي في عزه .
نرجع لـ ( خ,ع) العقار دج وقام يشتغل في الاسهم قمت حطيت ( 100,000) عنده يقسمها مناصفة في دبي الاسلامي وبيت التمويل الكويتي .
وفتحت لي محفظة اطقطق بالباقي المهم جانا خبر المواشي وهي بـ 108 ريال في بداية شهر 11 وانها بتوصل لــ 300 قلت لقريبي ( خ,ع ) ابي تمويل على المواشي
قال كم تبي قلت على كامل المبلغ اللي معي عندكم ( 100,000) وعند ( ب,ن)
(300,000) المجموع ( 400,000) قال كثيرة والاسهم مالها امان قلت يارجال ان شاء الله الامور زينه والاوضاع تسر قال تراني نصحتك قلت ماقصرت .
واخذ 2600 سهم في المكيرش بـاعنيها 148,5 وسعرها الحالي 112 قمت بعت 1100 سهم عشان اضارب بها و1500 الباقية استثمار في المواشي ولا بعتها الا بــ 230 ريال وادخل في الغاز 770 جانا خبر عليه مثل خبر المكيرش انه بيوصل 1200واقسم بالله العظيم ان الغاز اعلى سعر وصل له929 انا في ذاك اليوم حاط امر بيع بـ 930 لكن قدر الله وماشاء فعل .
وصل رصيدي تقريباً ( 1,000,000 ) ريال في بدية شهر 1/1427
اسدد لقريبي ( 400,000)ريال يبقى لي (600,000) ريال .
والله العظيم ياجماعة الان لا املك ولا ريال المبلغ الموجود في المحفظه اقل من
(400,000) وهو من حق ( خ,ع) راعي التمويل .
وعلي قرض من البنك اسدد له 1400 ريال وراتبي 5600 وعليكم الحساب .:confused:
اسف ياجماعة على الاطالة لكن شيئ في القلب لا من الفضفضة :(
اخر مااقول حسبي الله ونعم الوكيل على من سبب لنا هالمشاكل .
في البداية اود في هذه الايام العصيبة ان اشكر القائمين على منتدى اعمال الخليج
على اريحيتهم ومصداقيتهم مع الاعضاء وعدم اعتمادهم على تكميم الافواه المظلومه .;)
وساورد هنا قصتي مع الاسهم من بداية دخولي فيها الى اليوم بالعامية مع الاعتذار على الاخطاء الاملائية واتمنى من الاعضاء وضع قصصهم للفائدة وللعضة والرجاء تحري المصداقية .
كانت بدايتي مع الاسهم عام 1424هـ تقريباً كنت راكب مع ولد عمي ( ب , ن ) في سيارته في الصباح رايحين لمشوار خاص فيه لقريب له وقاعد يكلمني عن الاسهم وانها خياليه وحلوه وفيه خير وان قريبه هذا راعي اسهم وعنده معارف وان الدوائية سعرها 120 ريال تقريباً وانها بدبل ومن هالكلام ومحاكيكم مع ان عمري صغير الا تفكيري تفكير شياب قلت له بلا اسهم بلا خرابيط الله يخلي المساهمات العقارية وانا حاط دريهماتي عند قريب لي اخر ( خ , ع ) في مساهمه عقارية , ولو تدرون بعد قيمتها كان تقومون وتدبجوني ( 60,000 ) ريال .
هالـ ( 60,000 ) طلعت في المساهمه ( 72,000 ) ويرجع لي ( ب , ن ) ويكلمني عن الاسهم وان السوق الاماراتي بيشعلل وشركة فيها قوية اسمها اعمار وان عليها كلام قوي الين خششها في مخي المهم واسحب الفلوس من المساهمه واعطيه ( 70,000 ) ويجي بعد سنة قال انها صارت ( 130,000) ريال وتبسطني الشغله واروح للبنك واخذ قرض ( 88,000) ريال واعطيه ( 80,000) ويطلع المجموع
( 210,000) ريال ودخلنا في سوق ابوظبي ونربح مع اسمنت الخليج وندخل قطر ونخسر .
المهم في شهر 10\ 1426هـ قلت له كم وصلت قال ( 487,000) ريال والله انا اللي انتشي , واقوم اسحب منها( 187,000) ريال والسوق السعودي في عزه .
نرجع لـ ( خ,ع) العقار دج وقام يشتغل في الاسهم قمت حطيت ( 100,000) عنده يقسمها مناصفة في دبي الاسلامي وبيت التمويل الكويتي .
وفتحت لي محفظة اطقطق بالباقي المهم جانا خبر المواشي وهي بـ 108 ريال في بداية شهر 11 وانها بتوصل لــ 300 قلت لقريبي ( خ,ع ) ابي تمويل على المواشي
قال كم تبي قلت على كامل المبلغ اللي معي عندكم ( 100,000) وعند ( ب,ن)
(300,000) المجموع ( 400,000) قال كثيرة والاسهم مالها امان قلت يارجال ان شاء الله الامور زينه والاوضاع تسر قال تراني نصحتك قلت ماقصرت .
واخذ 2600 سهم في المكيرش بـاعنيها 148,5 وسعرها الحالي 112 قمت بعت 1100 سهم عشان اضارب بها و1500 الباقية استثمار في المواشي ولا بعتها الا بــ 230 ريال وادخل في الغاز 770 جانا خبر عليه مثل خبر المكيرش انه بيوصل 1200واقسم بالله العظيم ان الغاز اعلى سعر وصل له929 انا في ذاك اليوم حاط امر بيع بـ 930 لكن قدر الله وماشاء فعل .
وصل رصيدي تقريباً ( 1,000,000 ) ريال في بدية شهر 1/1427
اسدد لقريبي ( 400,000)ريال يبقى لي (600,000) ريال .
والله العظيم ياجماعة الان لا املك ولا ريال المبلغ الموجود في المحفظه اقل من
(400,000) وهو من حق ( خ,ع) راعي التمويل .
وعلي قرض من البنك اسدد له 1400 ريال وراتبي 5600 وعليكم الحساب .:confused:
اسف ياجماعة على الاطالة لكن شيئ في القلب لا من الفضفضة :(
اخر مااقول حسبي الله ونعم الوكيل على من سبب لنا هالمشاكل .