" متى يرجع راس مالك اذا شريت بها عمــــارة " ... ؟؟! [الأرشيف]

حبي اللعبة

08-05-2006, Mon 3:15 AM

وقمت بتأجير هذه العمــارة ,,, أو أي مشروع آخـــر سواءاً ...

من عقار أو مشروع تجاري صغير " بقالة أو خياط أو بوفية ... الخ الخ " ...

أو أي مشروووع آخر سواءاً مشروع ضخم او متوسط أو صغير ...

:: الســؤال ::

ماهي الفترة التي " تسترد " بها راس مالك في اي مشروع مالي أو تجاري... ؟؟

وعلى أفتراض (( المشروع ناجح وأموره طيبة مثل ماهو متعارف عرفــاً ))

" أتمنى جميع الأخوان يشاركونا الأجـــابة "

ولي تعليق لاحق ... بإذن الله :)

وتصبحون على 1000 خير ;)

المقرر

08-05-2006, Mon 3:25 AM

لله درك وقفت على الجرح

بالله أشتري في شركة على شان استرد رأس مالي بعد 20 سنة

قال أقول مكرر أرباح 20 مغري

وين مغري والعماير مكرر أرباحه من 7 إلى 10 كأقصى حد

هذا إذا مابعت على طول

والله من فترة وأنا أفكر بمكرر العمائر المغري فعلا

هههههههههههههه

ابوعبدالاله

08-05-2006, Mon 3:27 AM

والله يعتمد ..
ممكن تأجر عمارتك وتاكل هوى ..
فلا فلوساً جنيت .. ولا مستأجراً طردت :(

إنت بس قول يارب

المقرر

08-05-2006, Mon 3:28 AM

والله يعتمد ..
ممكن تأجر عمارتك وتاكل هوى ..
فلا فلوساً جنيت .. ولا مستأجراً طردت :(

إنت بس قول يارب

قديييييييييييييييييييييييم

سويعات الاصيل

08-05-2006, Mon 3:33 AM

المقرر صدقني
اقل من 15 ماتلقى
اوكي في الشميسي تلقى 10 لكن من يبيعك
اقول القاع اذا وصل الكهرباء 14 ويلامتك

فمان الله

AL-BRWAZ

08-05-2006, Mon 3:51 AM

انتا تبغى تقول .. خلينا نعتبر حالنا مستثمرين عقارين بحيث انه المستثمر في عماره على الاقل يبغاله 16 سنه عشان يرجع راس ماله لو قلنا ان قيمه العمارة 2مليون وفيها ست شقق واجار الشقه بمتوسط 20000؟
وانشالله ماراح نحتاج 16 سنه لرجعه السوق وارباحه.
انا قد مرت علي الفكره من باب التخفيف على النفس .. بس ما ادري هل فعلاً نجحت في اقتناص مغزاك؟؟:(
بس خربت يوم ذكرت اني اقدر ابيع العماره في اي لحظه احتاج فيها دراهمي يعني راس مالك انشالله محفوظ خاصة اذا كان الحي جديد.

ابوعبدالاله

08-05-2006, Mon 5:09 AM

قديييييييييييييييييييييييم

مادامي قديم ..
رح خذ لك عماره في خنشليله وفكنا !

قال قديم قال

شكلك تسمع

أبو منصور

08-05-2006, Mon 5:50 AM

مثال: بعمارة ذات حجم متوسط:-
قيمة الأرض 1.5 مليون
وبناء العمارة يكلف مليونين ريال

يعني بعد سنة من البناء التكلفة
في منطقة الـ 4 مليون ريال

العائد السنوي (الصافي) 7%
أي تحتاج 14 سنة وثلاثة أشهر
لرد رأس المال.

القيادي

08-05-2006, Mon 5:58 AM

كحيلان

08-05-2006, Mon 6:03 AM

الفكره وصلت ياحبي اللعبه ... وكلام سليم وخصوصاً إذا أختيارك ممتاز وأسهم قويه وذات نمو قوي وعوائد محترمه وبغض النظر عن الوضع الحالي ..

وشكراً لك للتخفيف عن أخوانك بطرح أفكار قد تخفف من الضغط الحاصل لهم جراء هذا النزول الذي نحن وبإذن الله على وشك الإنتهاء منه ...

ابو غاده

08-05-2006, Mon 7:23 AM

ممكن مداخلة

ارض سعر المتر 600 ريال والمساحة 1000 المبلغ المطلوب 600000 قطعة
تجارية على شارع 30
وتكلفة البناء
المسطحات 500م على ثلاث أدوار يعني 1500م يقام بكل دور 4 شقق
بتكلفة سعر البنا 600 ريال للمتر فيساوي تكلفة البناء 900000 ريال
المجموع 1500000 ريال
العائد إيجار كل شقه ما بين 20000 الف و17000 ألف
17000 في عدد الشقق مبلغ 204000 ريال بإفتراض التأجير بأقل سعر
فكم يكون مكرر الربحة
لا ولاتنسا ان هناك أزمة سكن
بس وين القروش الي تجيب العمارة

العلم بحر

08-05-2006, Mon 7:58 AM

لا تقرب العقار ومشاكله ... شوري عليكم ..... خساير الاسهم ارحم ..... تصور ان مؤجر والمستأجر ما يدفع .. ماذا سوف تعمل؟؟؟ لا قانون ولانظام يساعدك ... الآن ومع خساير الاسهم هناك الكثير من المستأجرين لايدفعون والمالك لا يستطيع عمل شيء هذا من ناحيه ومن ناحيه اخرى الصيانه وما ادراك ما الصيانه وكما يقول المثل جلد ليس جلدك جره على الشوك ... بالكلام العربي الفصيح الاسهم افضل وبمراحل ولكن للاستثمار وليس للمطامر

Dez

08-05-2006, Mon 8:14 AM

فعلا العقار الابن البار سواء ( عمارة , تأخير فلل أو ادوار , تجارة اراضي , محطات بنزين) كلها خير صحيح فيها تعب والمستأجرين هذا يدفع وهذا يبهذلك بالدفع بس عندك اصول ثابتة وربح سنوي مضمون باذن الله وارتفاع ايضا بسعر نفس العقار بعد كم سنة اذا اردت بيعها ....بصراحة العقار امان لك وراحة لعياك من بعدك

الغانمين

08-05-2006, Mon 9:58 AM

خذ المسألة على المدى الطويل
الأسهم أرحم
متوسط مردود الاسهم حسب الدراسات لاكثر من 30 سنه تقريبا 11 %
متوسط مردود العقار حسب الاستقراءات 8% ( اذا دفع المستأجر وكان ابن حلال )
والمحكمة والشرطة ما هم فاضين لك عندهم هموم أكبر !!
اذا كنت خسران مثل 99% من الناس لا تبع واصبر 3 سنوات ( اعتبر أنك اشتريت عمارة او بيت شعبي ) ولن تندم
ما يضر الاسهم هو الخوف والطمع ، نريد أن نبيع بخسارة قليلة حتى نشترى بأسعار أقل بعد أيام ، ولكن من يضمن لك التوقيت ؟ وقت الخروج قد يحدث ارتداد يفوتك، هذه هي المشكلة

The_Hero70

08-05-2006, Mon 10:47 AM

اذا بتقول استثمار الارباح النقدية توازي تحصيل الايجار

الارباح النقدية من 5-12 % يعني يبغالك من 8-20 سنة حسب الشركة

اذا بالمنح والمضاربة ..... الاسهم احسن

اذا الضمان العمارة احسن ... لا هوامير يغثونك ولا انهيار ولا تصحيح ولا يتاثر بالسياسة ولا البترول ولا بطيخ يعني راحة بال

وانا عندي احط نص فلوسي في عقار ونصه في اسهم

اعصار الاسهم

08-05-2006, Mon 10:53 AM

والله حسب اذا قفلت العمارة نسب بتدبل راس مالك

اما اذا جاء تصحيح فالله يخلف على العمارة

The_Hero70

08-05-2006, Mon 10:53 AM

يا حبايبي

فيه احد بالله منكم بيصبر على سهمه الين تطلع الارباح النقدية

صح يستثمر بس بيستثمر علشان المنح والاكتتابات

غير كذا السوق خرطي

كل اللي نشوفه في السوق مضاربة

قمار بمعنى اصح

وبعدين العمارة ممكن تبنيها وثاني يوم تبيعها بربح 20-25% ولا تقعد تدرو ايجار ولا غيره

وبعدين مهوب لازم تبني عمارة ... ابني فلة وبعها وش المكسب

ليش قصرتوا ربح العمائر بتحصيل الايجار

وبعدين العماير ما فيها بصل ولا جماز ولا انهيار ولا تصحيح ولا خرابيط

kghonim

08-05-2006, Mon 11:03 AM

تبي الصراحه .. بدينا نقارن بين انواع التجاره يوم صارت الاسهم بالتراب .. وكل واحد يقارن ويفضل هذي على هذي .. يعني فيه اختلاف في وجهات النظر رغم ان الاسهم بالتراب يعني مازال للاسهم قوة ورغبة عن الشباب باختلاف ارائهم .. طيب لو قلنا انه الاسهم تبي ترتفع بعد اربع اشهر اكيد راح تكون الاسهم افضل بكثييير من العقار .. اذا تظل الاسهم لها اصحابها والعقارات لها اصحابها .. وياما سمعنا عن شباب ارتفعت رؤوس اموالهم من العقار وياما سمعنا ايضا شباب ارتفعت رؤوس اموالهم بالهبل بسبب الاسهم .. اللي ابي اقوله بالنهاية (كل خلق لما يسر له) يعني خلو اصحاب العقار لعقارهم وخلوكم انتم لشغلتكم الاسهم لانها بالنهاية انتم الان اكتسبتو خبرة .. وانا اعتقد انه مازال للهبوط بقية وايضا للي يعرف طريقة الكر والفر مكاسب بقية ..
تحياتي

خـالد العيسـى

08-05-2006, Mon 12:29 PM

يجب تنويع المصادر
قال الصادق عليه السلام
(قليل دائم خير من كثير منقطع)

black box

08-05-2006, Mon 12:41 PM

العقار اريح وبالعكس احيان الواحد يبي ينسى الاسهم يروح يشوف

عماراته او اراضيه والله انه يرتاح وبقوه بعد :)

والاسهم ربحها اسرع لكن اخطر

كاترينا

08-05-2006, Mon 1:43 PM

الجدوى الاقتصاديه للعماره ان راس المال يرجع خلال عشر سنوات

نصبر على اسهمنا عشر شهور وندور كم عميره

بشار

08-05-2006, Mon 2:22 PM

العمائر الجيده مع الزمن تتهالك من جانب التاجير وصلابة المبنى وصيانته وصعبة التسيل ومشاكل مع المستاجرين

بينما الاسهم الجيده تتضاعف اسعارها وارباحها وعدد اسهمها. وسهلة التسييل ولا تتناقر مع احد. يعني يمكن تصير عمارك عمارتين وارباح سنويه في الاسهم الجيده ولا صيانه ولا وجع راس.

وكل مستثمر لما سير له

السبيعي

08-05-2006, Mon 4:34 PM

أنا عندي العمارة أحسن ألف مرة من الأسهم ...السوق ارتفع ...السوق انهار...
المستثمرون قلقون... ( جاك الذيب جاك وليده )
لكن العمارة ما أحسنها كل ستة أشهر تقطف الثمار وأنت مملوء سعادة وما أسرع مرور موعد الإيجار

محمد الغامدي

08-05-2006, Mon 4:42 PM

لو كنت ذكي ( عن نفسي ) - 7 سنين.

وجيـــه

08-05-2006, Mon 4:44 PM

اتضح ان العقار هو الافضل والاسهم ماهي الا طفره كااااااااااااااااااااذبه

مالقيت اسم

08-05-2006, Mon 5:47 PM

العقار يختلف من منطقة إلى منطقة وبالنسبة للي بيعمر عمائر 4 أدوار بيكون ربحه خلال سنه إلى سنتين عند البيع فقط من 20 إلى 25%
أما بالنسبه للي بيستثمر في التأجير فردد ياليل مطولك هذي يبغالها سيولة كبيرة وميته عشان تستني العوائد بس يعني من 10 إلى 15 سنه في بعض المدن

ولكن فيه بعض العقارات قد تربح صاحبها من 25 إلى 50 % اللي هي الدبلكسات بس وين السيولة الجيدة اللي يقدر الواحد يعمر له 10 دبلكسات مع بعض ويسوقهن بسعر منطقي ذاك الوقت يتفل بوجه سوق الأسهم وسنينه
والله يعينه على شقى العمال
وسلاااااامتكم