الخطير جدا
06-05-2006, Sat 7:15 PM
يبدو ان صناع السوق والمؤثرين بالسوق السعودي لم يجدوا سجاداً احمرا ليفرشوه لضيوف الملك عبدالله من دول الخليج فراحوا يصبغون الشركات باللون الاحمر احتفالا وابتهاجاً بالضيوف !!!
غريب عجيب ما يحدث بالسوق ، والاغرب هو ان ( السبب ) لا يزال تحت رحمه ( الاجتهادات ) و ( قالوا يقولون ) !!
ان تخسر من رأس مالك ما يصل إلى 80% بل البعض خسر 95% فهذا امر وارد في اي بورصة في العالم !!
ولكن ان تبقى لاكثر من شهرين ( كالاطرش فالزفة ) فهذا امر اتحدى ان احداً سبقنا عليه. فقط المواطن السعودي الذي كتب عليه ان ( يسرق ) دون ان يعرف (كيف ولماذا ؟؟) .
استمع في المجالس ،، واقرأ في المنتديات .. تجد انك تبحث عن السبب وفجاة تجد نفسك ( مشتت ) أكثر وأكثر وتمنيت لو انك لم تسأل ( وش اللي صاير بالسوق ؟؟!) ..
تعالوا للاسباب التي نسمعها ولا نعرف مدى صحتها من عدم صحتها :
# ايران حسبنا الله عليها !!!!
# وش دخل ايران ياخي الدعوة داخلية الله ينصر ابو متعب !!! ( طيب ابو متعب ملك ما يقدر يضبط الامور ، ترانا نتكلم عن بورصة (((السعودية)))) ماهو طوكيو ) !!
# ياخي انت من جدك تبي ابو متعب ( يعلن ) اللي صاير ، ابو متعب حكيم وقاعد يشوف اخرتها !
# اقول تراكم بديتوا تألفون قصص من روؤسكم ، تبي تقولون الدولة عارفه السبب وساكته يعني ، هذي سمعه بلد والدولة لو تدري كان تحركت بس اللي صاير ما احد عارف له سبب !!
# اقول دخل الزمزمية بعيني اذا الدولة ما تدري وش السبب !! تراك تتكلم على مستوى كبير ووزارات ومخابرات ومباحث الدعوة مهيب ( شيخ معارض ) الله يصلحك .
# اترك التريقة عاد وافهم الموضوع اكبر من الدولة صدقني !! والدولة وهيئة سوق المال ما تقدر تتدخل بسوق حرة !!
# اقول تراني عايش بالرياض 30 سنة ، لا تحسبني توني جاي من نيوزلندا !! يعني يوم وفاة الملك فهد الله يرحمه و يطول عمره . السوق دبج نسبة تحت وعلى طول تم رفع السوق بإقل من 5 دقائق ! وشلون الدولة ذاك الوقت قدرت تعيد توازن السوق والحين شهرين وهو عليه الدورة !!
# اقول كلكم ما عندكم سالفة وبعيدين مرة عن الحقيقة ، اللي صاير ان التجارة الحرة تفرض على الدول مكرر ارباح منطقي للشركات علشان تكون مغرية لدخول الشريك الاجنبي وبس .
# اها ،، يلعن ام الفلة يا شيخ بدينا نتكلم عن الشريك الاجنبي والتجارة الحرة ، الله يرحم سوق عتيقة بس .
# انت ما عمرك تكلمت اصلاً بشكل جدي ودايم تقلب السواليف ضحك ، بس تذكر كلامي زين حتى قطاع العقارات جاي لها تصحيح قوي مثل الاسهم وتبي تشوف سعر الارض في شارع العليا مترها ما يتجاوز 300 ريال وتذكر كلامي زين هذا مخطط له وتصحيح عام في اقتصاد بلد .
# اقول انتم خلصتم من خرابيطكم انا اقول لكم السبب الحقيقي بس عندكم استعداد تتركون التريقة وتسمعون بهدوء ،، السبب ان الملك الله يطول عمره بدأ يحارب الفساد والمخصصات الغير منطقية التي تصرف من وزارة المالية ، والان كثير من ( ........ ) يحاولون يحصلون على ( ثروات ضخمة ) بطريقتهم الخاصة وبجهدهم وتعبهم !!!!! بعيدا عن المخصصات الباردة المبردة ! فهمتوا !
# انا من شفت كلامك فيه قوسين وبوسطهن نقط وانا داري انك ( ذروق ) اذا بغيت تكلم تكلم بدون اقواس ونقط وخلك واضح ، قروشنا راحت وروساء التحرير في الجرايد الى يومك يكتبون اقواس فاضية !!!!!!!!! ويتركون القراء يعبيها على كيفه !!!
# اقول جيبوا لي موية اتوضأ ابصلي المغرب تأخرت !!!
غريب عجيب ما يحدث بالسوق ، والاغرب هو ان ( السبب ) لا يزال تحت رحمه ( الاجتهادات ) و ( قالوا يقولون ) !!
ان تخسر من رأس مالك ما يصل إلى 80% بل البعض خسر 95% فهذا امر وارد في اي بورصة في العالم !!
ولكن ان تبقى لاكثر من شهرين ( كالاطرش فالزفة ) فهذا امر اتحدى ان احداً سبقنا عليه. فقط المواطن السعودي الذي كتب عليه ان ( يسرق ) دون ان يعرف (كيف ولماذا ؟؟) .
استمع في المجالس ،، واقرأ في المنتديات .. تجد انك تبحث عن السبب وفجاة تجد نفسك ( مشتت ) أكثر وأكثر وتمنيت لو انك لم تسأل ( وش اللي صاير بالسوق ؟؟!) ..
تعالوا للاسباب التي نسمعها ولا نعرف مدى صحتها من عدم صحتها :
# ايران حسبنا الله عليها !!!!
# وش دخل ايران ياخي الدعوة داخلية الله ينصر ابو متعب !!! ( طيب ابو متعب ملك ما يقدر يضبط الامور ، ترانا نتكلم عن بورصة (((السعودية)))) ماهو طوكيو ) !!
# ياخي انت من جدك تبي ابو متعب ( يعلن ) اللي صاير ، ابو متعب حكيم وقاعد يشوف اخرتها !
# اقول تراكم بديتوا تألفون قصص من روؤسكم ، تبي تقولون الدولة عارفه السبب وساكته يعني ، هذي سمعه بلد والدولة لو تدري كان تحركت بس اللي صاير ما احد عارف له سبب !!
# اقول دخل الزمزمية بعيني اذا الدولة ما تدري وش السبب !! تراك تتكلم على مستوى كبير ووزارات ومخابرات ومباحث الدعوة مهيب ( شيخ معارض ) الله يصلحك .
# اترك التريقة عاد وافهم الموضوع اكبر من الدولة صدقني !! والدولة وهيئة سوق المال ما تقدر تتدخل بسوق حرة !!
# اقول تراني عايش بالرياض 30 سنة ، لا تحسبني توني جاي من نيوزلندا !! يعني يوم وفاة الملك فهد الله يرحمه و يطول عمره . السوق دبج نسبة تحت وعلى طول تم رفع السوق بإقل من 5 دقائق ! وشلون الدولة ذاك الوقت قدرت تعيد توازن السوق والحين شهرين وهو عليه الدورة !!
# اقول كلكم ما عندكم سالفة وبعيدين مرة عن الحقيقة ، اللي صاير ان التجارة الحرة تفرض على الدول مكرر ارباح منطقي للشركات علشان تكون مغرية لدخول الشريك الاجنبي وبس .
# اها ،، يلعن ام الفلة يا شيخ بدينا نتكلم عن الشريك الاجنبي والتجارة الحرة ، الله يرحم سوق عتيقة بس .
# انت ما عمرك تكلمت اصلاً بشكل جدي ودايم تقلب السواليف ضحك ، بس تذكر كلامي زين حتى قطاع العقارات جاي لها تصحيح قوي مثل الاسهم وتبي تشوف سعر الارض في شارع العليا مترها ما يتجاوز 300 ريال وتذكر كلامي زين هذا مخطط له وتصحيح عام في اقتصاد بلد .
# اقول انتم خلصتم من خرابيطكم انا اقول لكم السبب الحقيقي بس عندكم استعداد تتركون التريقة وتسمعون بهدوء ،، السبب ان الملك الله يطول عمره بدأ يحارب الفساد والمخصصات الغير منطقية التي تصرف من وزارة المالية ، والان كثير من ( ........ ) يحاولون يحصلون على ( ثروات ضخمة ) بطريقتهم الخاصة وبجهدهم وتعبهم !!!!! بعيدا عن المخصصات الباردة المبردة ! فهمتوا !
# انا من شفت كلامك فيه قوسين وبوسطهن نقط وانا داري انك ( ذروق ) اذا بغيت تكلم تكلم بدون اقواس ونقط وخلك واضح ، قروشنا راحت وروساء التحرير في الجرايد الى يومك يكتبون اقواس فاضية !!!!!!!!! ويتركون القراء يعبيها على كيفه !!!
# اقول جيبوا لي موية اتوضأ ابصلي المغرب تأخرت !!!