تعرف على المضاربين في السوق ..... واختر من تشاء منهم

[العيسى]

مع النزول طلع المضاربين على حقيقتهم ، فهم انواع :
1 = مضارب فاهي : نزل السوق نسب وهو مادرى ، وما انتبه الين الحين
مثل : مضارب بيشة وشمس وثمار والغذائية
2 = مضارب خواف : عاض ( ن ) ثوبه من امس ، وملقي السوق ظهره ، ومن يوم ينزل المؤشر ولو 10 نقاط ؛ تلقاه حاك في النسبة تحت
مثل : مضارب طيبة والجماعي والبحري
3 = مضارب مسوي نفسه ثقيل : ما اهتم بالسوق اول مانزل ، بزعمه ان سهمه عوائد ، ويتوقع انه بيرجع على طول ، بس يوم شاف الساعة 11.57 على طول ذب السهم نسبة وانحاش
مثل : مضارب زجاج والمراعي والاسمنتات
4 = مضارب ما جاء وراحت عليه نومة او يتوقع مافيه تداول اليوم : تحس ان سهمه تفيخه ( بالونه ) كل(ن) يرده من جهة
مثل : مضارب الدريس وجرير واسمنت العربية
5 = مضارب موكل(ن) ولده ورايح مشوار :والولد ماعرف يتصرف ، وهق ابوه ، شرى بكل اللي معه والسوق منسب تحت
مثل : مضارب فيبكو والمتطورة والخزف ومبرد وحايل .

[الذويبي]

حلوة مضارب فاهي



:eek:


مضارب الجماعي بكل تأكيد

[كاترينا]

نسيت التصنيع الله يهديك

صاير مطراش هو اللي يعس السوق اذا فيه نزول لاسهم السوق أو لا

واذا تاخر عليهم راحو وراه على تحت

واذا تاخرو عليه عرف ان ماهنا الا العافيه ورجع لمحله

يعني ممكن يصنف مراسل

[جور الأيام]

اقول اخوي العيسى مضارب إمانتيت تحت اي قسم؟

[عذبه]

مع النزول طلع المضاربين على حقيقتهم ، فهم انواع :
1 = مضارب فاهي : نزل السوق نسب وهو مادرى ، وما انتبه الين الحين
مثل : مضارب بيشة وشمس وثمار والغذائية

الا مضارب بيشه لو سمحت :D

يمكن قصدك مضارب شقردي ..!!


.

[العيسى]

حلوة مضارب فاهي





:eek:


مضارب الجماعي بكل تأكيد

مضارب الجماعي من النوع الثاني
اقرأ ورقة الاسئلة جيدا قبل الاجابة

[العيسى]

نسيت التصنيع الله يهديك

صاير مطراش هو اللي يعس السوق اذا فيه نزول لاسهم السوق أو لا

واذا تاخر عليهم راحو وراه على تحت

واذا تاخرو عليه عرف ان ماهنا الا العافيه ورجع لمحله

يعني ممكن يصنف مراسل
قصدك ان مضارب التصنيع ما يعرف شيء ، يعني صاير مضارب بالواسطة

[العيسى]

اقول اخوي العيسى مضارب إمانتيت تحت اي قسم؟
مضارب اميانتيت من النوع الحلوف

[العيسى]

الا مضارب بيشه لو سمحت :D

يمكن قصدك مضارب شقردي ..!!


.
صدقيني فاهي وفاق(ن) ثمه ، والى الحين ما افطر
وشوفي السبت اما ذبها نسبه من الساعة ثمان

[بدرالشوق]

6= مضارب كمخه... مو داري السوق نازل ولا طالع...

مثل مضارب فتيحي وصدق والسيارات

[Keep Smiling]

مظاربين المزح الدغل (دمهم ثقيل ماينمزح معاهم): سابك - راجحي - اتصالات - كهرباء

[عليان]

ليس مضارب بيشة بفاهٍ فقد انتبه لسهمه ورفعه في اللحظة الأخيرة ليقفله على مشارف النسبة العليا ليت قروشي فيه أو لي أخ مثله . أما المهبل والفاهين فهم الذين تركوا أسهمهم في النزيف وهجّوا .

لكن كلها من مبرد فقد نسب أمام عيني فوق ونسب تحت في جزء من الثانية أظنها غلطة من مشترٍ ، ولا أعلم أين وقف صدق من قال إنها حركة إرهابية (دغفة)

[العيسى]

6= مضارب كمخه... مو داري السوق نازل ولا طالع...

مثل مضارب فتيحي وصدق والسيارات
قصدك انهم يعاكسون السوق احيانا
كأنهم سيارة كنس الشوارع لها دركسونين من الدلاخة

[العيسى]

مظاربين المزح الدغل (دمهم ثقيل ماينمزح معاهم): سابك - راجحي - اتصالات - كهرباء
كأنهم مصارعين السومو
وش حليلهم اذا كانوا هادين بس اذا تحركوا توطوا خلق الله

[AL-BRWAZ]

وش تصنف مضاربين الكهرب؟:(

[الاوفوكاتو]

2 = مضارب خواف : عاض ( ن ) ثوبه من امس ، وملقي السوق ظهره ، ومن يوم ينزل المؤشر ولو 10 نقاط ؛ تلقاه حاك في النسبة تحت



أكيد أنه قصيّر
ويحك في اصغر مطب صناعي

[الساطع]

jhhhhhhhhhh

[أستاذ]

ههههههههههههههههههههههههه
ياحليلكم انتم وهالتصنيفات اللي ماتخرش الميّه
إلا حلوه اللي مثل سيارة كنس الشوارع بدركسونين
والله ضحكتوني

[العيسى]

وش تصنف مضاربين الكهرب؟:(
مضاربين الكهرباء : كأنهم بياعين الجح في الشوارع
ما يمديهم باسطين وبايعين كم حبة ... الا وسيارة البلدية والا الشرطة تطاردهم
الله يرحم حالنا وحالهم

[ابوحمد]

ومضارب الدوائية مع اي القوائم

[العيسى]

وبعد شهر تقريبا
هل تغير اسلوب مضارب سهمك ؟؟