سوق الغلا جلاب

[الريان]

اذكر واحد من شيبانا التجار توفى قبل شهر (الله يرحمه)
اسولف معه مره من المرات قبل سنتين كنت اقول له ان شركات المطاعم(fast food) في اليابان تشتري البطاطس غالي وقلت له هذي فرصه للاستثمار للمزارعين لو يبيعون البطاطس لهم بيربحون ميه بالميه
قال لي بيت شعر الى الحين ما غاب عن بالي
سوق الغلا جلاب لو هي البضاعه رديه

قلت له وش معناها

قال لي دام السوق فيه الاسعار غاليه معناها اي بضاعه تدخل السوق راعيها بيبع كسبان لو كانت بضاعته رديه

انتهى كلامه رحمه الله

وانا اقول ان سوق الاسهم عندنا تلقى فيه اسهم ما تصرف ارباح من عشر سنين واكثر ومع كذا تلقى العالم يضاربون عليها لان اسهم الشركات الكبيره اللي تصرف ارباح رافعين سعرها التجار الكبار كثير فلذلك يتجه صغار المضاربين الى الاسهم الصغيره والرديه لانهم يقدرون يشترون فيها بكميات

ولو قارناها ببضاعه الملابس الصينيه نلقاها نفس الشي (اللي عنده الماده قليله يشتري من الصيني ويتصبر لعله تمشي حاله واللي عنده فلوس يشتري من الايطالي والالماني عشان يضمن جوده المنتج)
نصيحتي يا جماعه الله الله بالسهم الاصلي اللي يعطيك ارباح دامك تقدر عليه , تحط فلوسك فيه وتنساها وتطلع والسهم لا هوب ينزل
اما الاسهم الصينيه( الخشخاش) ما كل واحد يعرف لها رخيصه ولا تعطي ارباح وممكن في اي لحظه تطيح لان ما لها ربح يحكمها


:) :) :) :) :) :smilah: :smilah:

[حاتم]

...اخى الريان ..لولا اختلاف الانظار لبارت السلع..هذا مثل قديم ايضا..وهذا ينطبق على شركات المستقبل ..الرخيصه الواعده..وارباحها فى حركتها اليوميه فقط.. وبركه هواميرها ومحبيها..نقول على الاقل بالمتناول..فهذا النوع يتحسن فى النتائج والمراكز الماليه..وهذا الواقع والصحيح..بس طب وختر..ومثل شايبك (الله يرحمه) يقول لزان لك السوق كلش زين..وجود البضاعه من جود السوق.