أعذرني يا نسيبي .. فالسوق غبننا كلنا .. ارجوك سامحني [الأرشيف]

مشاهدة النسخة كاملة : أعذرني يا نسيبي .. فالسوق غبننا كلنا .. ارجوك سامحني

OOQO

16-04-2006, Sun 11:51 AM

حبيبت اشارككم همومي شوي ..

نسيبي دكتور مبتعث في كندا ... جانا في رمضان اجازه قلت له يا رجال البلد في طفره والحق ولا ما تلحق ... الاسهم مولعه والناس ربحانه ...

عطنا فولسك خلني اشغلها لك .. وبعد الزن و الطن واغراءه ب Bmw اللي بيركبها اول ما يجي وقطعه ارض يعمر عليها .. وافق الرجال .. واعطاني مليون ريال ..

قالي واذا نزل السوق ..
كان جوابي محنك .. قلت له شوف يا حبيبي الناس كلها فولسها بالسوق .. ومستحيل الدوله تسمح ان السوق ينزل وتطفر العالم تدري ليه ؟؟ قالي ليه .؟؟ قلتله لان بتصير انواع المشاكل في البلد يعني الناس بتتشرد من بيوتها ..وبتنتشر الجريمه والعالم بيكرهون البلد ... يعني مستحيل وبعدين عندك الأويل >> يعني اعرف انجليزي >> قلت له البترول يقولون رايح 70 دولار .. وفي تجزئه بسوق الاسهم ..

يعني بالعربي طبلت له تطبيل ما يعلم في الا الله ... ولله والله ان كل ذا كان حرص على ان ما تفوته الطفره ...

نرجع للمليون ريال
يا ريتني ما اخذتها يا ريتني ما تلقفت ... اااااه بس
حطيتها مثلوثه ... صندوق الراجحي للاسهم الخليجيه ... سامبا الرائد .. وشريت له في البلاد واتحاد الاتصالات والغاز ...

اللآن اللي باقي فتات كما تعرفون ؟؟؟ وش السواة تكفون دلوني ... ويني اودي وجهي منه ... ويقالي ذكي موزع الاستثمار ومخلي خليجي .. اثاري الراجحي مسوي ذا الصندوق مخصوص علشان يصرف علينا اسهمه .. حسبي الله ونعم الوكيل ..

الرجال يحاول يوفر الريال بالغربه .. وانا ........ آآه ضيعته عليه ..

على العموم .. دعواتكم فالسوق مشواره طويل .. وكأني اشوف 8400 في وجه العدو ..

اخوكم أبوعبدالله

Chart

16-04-2006, Sun 11:55 AM

الله يرزقك وياه ويسهل عليك

تحسب على من كان السبب وربك يسهلها ..

Mnopoly

16-04-2006, Sun 11:57 AM

:)
ولا يهمك بإذن الله راح ترجع له المليون مليونين
أزمة وتعدي متعودين عليها والوعد إن شاء الله بداية رمضان

الرويلي

16-04-2006, Sun 11:58 AM

الحمد لله على كل حال أخي الكريم

أتمنى لنسيبك التوفيق في دراسته ويجب الأ يلتفت إلى مثل هذه الأمور التي قد تؤثر

على إنتاجيته ودراسته .

قرارتك جيدة بتنويع الإستثمار وأسهمك كلها إن شاء الله مستقبلها جيد.

الحمد لله إنك لم تأخذ تسهيلات والإ كان المصيبة إثنتين !

أوصيك ونفسي بالصبر ولاتنسى أن مؤشرات الإقتصاد كلها جيدة .

كل الناس في نفس المركب.

كان الله في عون جميع الإخوة

الغاالي

16-04-2006, Sun 12:00 PM

الله يعوضنا واياك وصاحبك خير

ومافيه غير الصبر وعسى الله يفرجها وتفك تعليقات المسلمين

معاناه مابعدها معاناه يعيشها شعب انعم الله عليه بخيرات من كنوز الارض !!!!

o_Abu Turki_o

16-04-2006, Sun 12:01 PM

ابو عبدالله

مابين رمشة عين وانتفاضتها
يغير الله من حالٍ الى حالي

توكل على الله
انت نيتك طيبه ... وفعلاً هذا الشعور السائد قبل 26 فبراير
ويكفيه دليل على صدقك انك انت بمحفظتك الخاصه بكامل السوق
وان شاء الله انه يقدر هالشيء

وان شاء الله قبل لا يجي بالسلامه برمضان الجاي
الا محفظته بدال المليون .... ملايين
قل ان شاء الله ونا اخوك ... وما تضيق الا ويفرجها الرحمن

سهم أرامكو

16-04-2006, Sun 12:03 PM

أخي أبو عبدالله
الله يجزاك خير .. أخي الكريم لا تلوم نفسك
اللي حاصل بالسوق .. ليس سوء تخطيط منك.. اللي حاصل أكبر مننا كلنا.
أنت أجتهدت .. وكانت نيتك لنسيبيك .. نيتك خير. وهذا أهم شيء.
لا تضايق نفسك .. أي إنسان عاقل .. راح يقول نفس الكلام.

وكل أمر لله .. وإن شاء الله سيفرجها ربك.
اللهم آمين

اسعاف الاسهم

16-04-2006, Sun 12:04 PM

الصبر وتبديل المراكز كان أكثر حل ناجح لي في السوق

والحمدلله قلبت الخسارة الى مكسب الى يومك

والله يوقفك..السوق زين معليك من المطبلين..اصبر وفتح عيونك ولا ترقد

على بعض الاسهم فللبعض حدود..أمنياتي لك بالنجاح وبالمليون يصيروا عشرة

OOQO

16-04-2006, Sun 12:39 PM

أخي Chart وهاوجه يالغالي الله يفك الغمه ان شاء الله

اخي Mnopoly اللهم امين .. وان شاء الله تصير لان الموضوع فشله من جد

أخي الغالي الرويلي يا حبي لك يا راعي زجاج تصدق توني حصلت 5 الاف ريال في الحساب اخت فيها زجاج على 101.25 والرزق على الله ..

النسيب يحضر شهاده فوق الدكتواره واقرب مالها الا انها هي درجه البرفوسر .. والرجال جاي بعد شهريين .. والله يجمل الحال .. اسعدتموني بتفاعلكم

أخوكم ابوعبدالله

OOQO

16-04-2006, Sun 12:43 PM

اخي الغاالي اشكرك على مشاعرك
اخي العزيز o_Abu Turki_o يعلم الله اني ما تمنيت له الا ما تمنيت لنفسي
لكن قدر الله وما شاء فعل الله يصلح الحال وانا عن نفسي والله لو عندي المبلغ لاعطييه اياه ولكن كلنا بالهوا سوا ..

اخي سهم أرامكو ... والله نعم اللي حاصل اكبر مننا كلنا ... يا اخي انت لك معزه مدري ليه .. يمكن علشان نفس الشركه ينكم = يمكن ؟

اخي اسعاف الاسهم الله كريم ويصيرون ملايين ... وتبديل مرتكز على وين يالغالي كلنا بالمركز الثالث والنتيجه لم ينج احد ..

ارجع واقول سامحني يا نسيبي ...
وعلى فكره لنك هذه المشاركه برسله له على الايميل ..

أخوكم ومحبكم ابوعبدالله

@ اكسلانس @

16-04-2006, Sun 12:58 PM

اخى الكريم
الاجابة تعتمد على ((منهو اللى متزوج اخت الثانى))
وترى شرحك سرا .....ومع نسيبي بعد

OOQO

16-04-2006, Sun 1:08 PM

أخوي @ اكسلانس @
هو اللي ماخذ نظر عيني .. بس وش الفرق يا عمي ..

قالوا صفوا صفين قلنا حنا اثنين ... وكله لبن .

AL-BRWAZ

16-04-2006, Sun 1:09 PM

مشالله عليك انشالله ماعليك خوف واكيد نسيبك مايتوقع يناقشك في موضوع استثمارة الموكل لك.. الا بعد سنة ..
انا اشوف وضعك بالنسبة لاماكن استثمارك جداً مطمئنة
والله يعين ويوفق

انذار

16-04-2006, Sun 1:21 PM

شف مصيبة غيرك تهون مصيبتك
واحد اعرفه زين يشتغل في بنك ومملك على وحدة والعرس بالصيف هذا اخذ فلوس بعض اخوان وخوات زوجته ليستثمرها في صندوق البنك عنده يبي يتميلح وخسروا يقول ما عاد اقدر اقبل على بيتهم ومصيبته مصيبتين حرمان وفشيله

أبو بندر الشمالي

16-04-2006, Sun 1:28 PM

أنت نيتك طيبة ...وإن شاء الله يرجع له ماله ....
أهم شيء إذا درا مايخذ المرة ...وإلا يزيد الطين بله ....عموماً انت اخترتله شركات محترمة وهذا اللي عليك ....أنت لاتستطيع أن تمنع القدر

الـظـافـر

16-04-2006, Sun 1:36 PM

معوضين خير
أركدعليها وان شاء الرحمن بتعود
ريح
باااااااااااااالك
الجميع معك
وخذ كم شهر وان شاء الله تتعدل المور من ربك
الصبر الصبر

OOQO

16-04-2006, Sun 2:11 PM

أخوي Al-brwaz ان شاء الله ان الرجال يصبر سنه ... لانه يبي سياره اول ما يرجع ويبي بيت بس الله كريم .

اخي انذار الله يكون في عونه ... يا كثر اللي تميلحوا .. انا يوم جيت اشترك بفلوسي في صنوق الامانه سمعت لبناني يسأل اللي في الامتياز ...شو هيدا سندوء الامانيه .. قاله المتميلح جب اي فلوس عندك وحطها فيه هذا ..وو هذا وهذا .. وجلس يمدح فيه .. واخوكم توني هاه حاط مبلخ حليو الان 30 بالميه ماينص .

اخي أبو بندر الشمالي يعلم الله ان هذه هي نيتي ,, والحمدلله على كل حال

عزيزي الـظـافـر اللي مصبرني اننا كلنا في قارب واحد ... والحمد لله ما لما الا الصبر

وفقني الله واياكم ..

محبكم أبوعبدالله

الرويلي

16-04-2006, Sun 2:14 PM

samsam

16-04-2006, Sun 2:23 PM

الله يعوضنا واياك وصاحبك خير

OOQO

16-04-2006, Sun 2:29 PM

مبروك عليك أرباح زجاج الرائعة !

وتستاهل كل خير إنت ونسيبك وإن شاء الله ما يجي الإ والمبلغ دبل الدبل ;)

والله يا حبيبي وانت تستاهل الف دبل الله يرزقك من حيث تحتسب ولا تحتسب ..

ان شاء الله يشد السوق ويفرجها ربك .. وانت راعي الاوله بزجاج

OOQO

16-04-2006, Sun 2:30 PM

ياليتنا من حجنــا سالمينــا ... كان الذنوب اللي علينا خفيفـــات

.

رحنا نبي نخفف ذنوب علينــا ... وجينا وعليها كثرها عشـر مــرات

@ اكسلانس @

16-04-2006, Sun 8:07 PM

أخوي @ اكسلانس @
هو اللي ماخذ نظر عيني .. بس وش الفرق يا عمي ..

قالوا صفوا صفين قلنا حنا اثنين ... وكله لبن .
الفرق كبير جدا :eek:
وكنت اتمنى العكس:D
عموما قل لنظر عينك تدارى عليه وتشوف خاطره وتشغله عن السوق وتقلل الطلبات
ترى ماهوب ناقص :mad:

المندفع

16-04-2006, Sun 8:21 PM

حســـــــــــــــــــــــــــــــــــــبي الله ونعم الوكييييييييييييييييييييييييييييييل

هواجيس

16-04-2006, Sun 8:36 PM

اسمعني زين
الصناديق مدري عنها
لكن اسهمك
بلاد اذا وصلت 160 بع
اتحاد اذا وصلت 140 بع
الغاز انتظر شوي حتى نعرف قاعه
وان شاء الله يوصلون رغم انهم وصلوا ومدري وشلي خلاك ما تبيع
البلاد وصلت 166
والاتحاد وصلت 150
لو بعت استرجعت الاتحاد ب97
والبلاد بـ115
لكن زرعنا لو في وادي عسى طلع لنا ياليت
تفتح عمل الشيطان
قدر الله وماشاء فعل

OOQO

16-04-2006, Sun 11:37 PM

أخي @ اكسلانس @
ما عرفت ان هذا قصدك هههههههههههه

المندفع
شاكر مرورك

أخي الغالي هواجيس
سامعك زين ونص ... والله يالغالي انا كان الهدف استثمار متوسط وليس مظاربه
لكن يرزق الله ان شاء الله شاكر تفعلك مع الموضوع حتى اني شكيت لا تكون نسيبي هههههههههه وفقك الله

محمد ابن أبــيــه

16-04-2006, Sun 11:43 PM

هو درى و الا الى الحين ؟

OOQO

17-04-2006, Mon 12:02 AM

عزيزي محمد ابن أبــيــه
مهو بكل التفاصيل !!@@!!

المحاسب

17-04-2006, Mon 12:03 AM

الله يجيب الفرج ان شاء الله
اتكل على الله وانا اخوك وان شاء الله تتحسن الامور

الا على فكره بيني وبينك كني اعرف نسيبك اذا ماخاب ظني

OOQO

17-04-2006, Mon 12:06 AM

عزيزي المحاسب
ان شاء الله تتحسن .. والله الحاله صعبه .. والحمدلله على كل حال

ماظنتي تعرفه على العموم كلك خير وبركه

أبو طيف

17-04-2006, Mon 12:13 AM

لاحول ولاقوة إلا بالله

حسبنا الله ونعم الوكيل أقول يابوعبدالله ..... الصبر ثم الصبر ثم الصبر

أحمد ربك أنك ما أخذت تسهيلات بضمان المحفظة ( بالمرابحة شرعية كالمعمول بها في الراجحي مثلا ولا أقصد الربوية ) كان ألحين مفلس ؟؟!!

أبو طيف

17-04-2006, Mon 12:14 AM

OOQO

17-04-2006, Mon 12:15 AM

أخي ابوطيف والله امنك صادق كان المصيبه مصيبتين
والحمد لله على كل حال ---- شاكر مرورك الكريم

OOQO

17-04-2006, Mon 12:16 AM

هههههههه أبو طيف المبلغ ما يبيض الوجه ... ولا يعطوني على ما اتوقع
وبيني وبينك شكلها أسود هههههههههههه

sergeant

17-04-2006, Mon 12:32 AM

اعانك الله يا اخي

محمد ابن أبــيــه

17-04-2006, Mon 12:52 AM

عزيزي محمد ابن أبــيــه
مهو بكل التفاصيل !!@@!!

كويس يعني يعرف بشكل تدريجي احسن من مايعرف بشكل كلي و مفاجىء يعني اسلوب الصدمه ,,,

وضعنا يتكلمون فيه بأوربا والقنوات الفضائيه العربيه ما لها سالفه الا سوقنا ....

الله يعينك اخوي

محبوب

17-04-2006, Mon 2:29 AM

الله يعينك على اختك والا نسبك يمكن يستحي بس اختك هي اللي بتشنعك هههههههههههههههههههه

امزح معك يارجال بأذن الله ستعود المياه لمجاريها

OOQO

17-04-2006, Mon 11:08 AM

الله يعني عليهم الاثنين ...ههههههههه هذي دراهم عديل الروح .. يعني شيلا الحيا مرررررررررررررره وحده

آل علوان

17-04-2006, Mon 1:18 PM

أحمد ربك أنك ما أخذت تسهيلات بضمان المحفظة ( بالمرابحة شرعية كالمعمول بها في الراجحي مثلا ولا أقصد الربوية ) كان ألحين مفلس ؟؟!!

فعلا الحمد لله ان ماعندك مرابحه على المبلغ الله يعوضك خير ويرزقك انت ونسيبك
وجميع المسلمين الربح الوفير في الدنيا والاخره

شدني في الموضوع تفاعل الاعضاء في المنتدى مع العضو OOQO والحمدلله هذا
شي يبشر بالخير فعلا رغم ان الجميع متاثر وخسران مع ذلك تجدهم يقدمون الحلول
ويهدون من ورطة اخيهم مع نسيبه الله لايحرمنا من رحمته ويرزقنا السعاده في الدنيا والآخره

OOQO

18-04-2006, Tue 12:24 AM

فعلا اخوي مصدر مهم

شئ يوسع الخاطر وهذا اللي مهون عليّ

محمد الغامدي

18-04-2006, Tue 12:35 AM

الله يعوض عليك وعلى نسيبك والله يرزقك وبإذن الله إنك تعوض ما راح

والرجال هم صناع المال مو العكس وإنت فيك الخير والبركه وبتردها لنسيبك

وفوقها أرباح بإذن الواحد الأحد.

OOQO

18-04-2006, Tue 12:37 AM

اخي محمد الغامدي

اللهم آمين
اللهم آمين
اللهم آمين
اللهم آمين