تكفون يا ال سعود

[مدرعم في الاسهم]

تكفون يا ال سعود تكفون تكفون == سلايل امعزي شجيعين وقروم

ياناصــرين الجار وابليــس ملعـون == حريبكم يـحرم على عينه النـوم

انته يابو متعب على ارواحنا تمون== يا الحاكم العادل من اسنين لليوم

جميع شعبك فدوتا ً لـك يـمـوتون == الموت فدوه لك ولا يـموت مظـلوم

غنينا اصبح بين لحظات مديون == وفقيرنا يـقـوم ويـطيح ويـقـوم

تشمتوا فينا مسـاكـين وعفون == وصلت سوالفنا إلى الفرس والروم

الاجنبي والتجـزية مايـفيدون == ماينفع الا طرد جـماز والزووووووووم

ما يغـفر التاريخ للـي يخـونون == يضحك علينا في مقدر ومقسوم

[السهم الصاروخي]

الاخوان بمستودعات المنتدى يصلكم المدرعم وعطوه مايلي

سنعوا للمدرعم وايت ولوري وخمسة الاف سهم المواشي
واصرفو له الف حزمة من الغذائية وشماغين عجلان وكرتون مناديل
ودباب ثلاث كفرات
واكتبو عليه تعهد انه ماعاد يكتب معاريض بالساحات

[مدرعم في الاسهم]

الاخوان بمستودعات المنتدى يصلكم المدرعم وعطوه مايلي

سنعوا للمدرعم وايت ولوري وخمسة الاف سهم المواشي
واصرفو له الف حزمة من الغذائية وشماغين عجلان وكرتون مناديل
ودباب ثلاث كفرات
واكتبو عليه تعهد انه ماعاد يكتب معاريض بالساحات
مانبي غير الوايت والوري ودباب ابو ثلاث كفرات الله يطول في عمرك ويجعلك ذخر للمدرعم والمدرعمين

[الوجعان]

يا مدرعم الاسهم بالهون بالهون == أمر مقدر يا رفيقي ومحتوم

والله لو يعطونك أموال قارون == ماعاد تنفع ضاعت علوم وسلوم

أصبحت أنا وياك من دون في دون == والله يعين اللي معزز ومحشوم

أبنشدك وشي سواة اللي مغبون == مغبون لين انه غدا طفل محروم

[زهرة]

ههههههههههههههههههههه هذا قدرنا ونسأل اللطف من الله

[adeel]

أذكروا الله ........ وش اللي صاير والله اننا في العلالي وبليس ملعون
وهذه اسهم بمعني سوق عرض وطلب اليوم في نزول
وغدا بأذن الواحد الاحد صعود
ولاهي بضاعه تتلف من التخزين هذه اسهم
أحفظها بالشنطة لين ياتي ربحك وبع
شف الناس اللي حولك بالدول الثانية وترضي..........والله المستعان

[الدكتووووور]

يااخ مدرعم لك الله ماتهاونا ابو متعب يكد لك العوده ويضمنها ان شاء الله

[المفعم]

العوده ..صارت.....هههههههههههه..3000 نقطه.....