نبي واحد مخه نظيف ويفكر معي

[العادل]

انا فكرت بس خرفت وانا افكر:)



الحين

هناك تجزئة صحيح

1 سهم

يصير

5 سهم


حلوالكلام


طيب

فيه شركات اعلنت عن زيادات رأس مال
ومن ضمنها المتطورة مثلا

اعلنت عن 3 اسهم اكتتاب لكل 1 سهم طبعا الاعلان بحسب القيمة الاسمية الحاليه 50 ريال


طيب كيف النظام بعد التجزئة

انا مدري كيف طلعت معي

كل سهم من اسهم الاكتتاب راح تتجزأ الى 5 اسهم اكتتاب مقابل كل سهم

يعني تصير 15 سهم اكتتاب مقابل كل سهم بعد التجزئة:)


طبعا راح تتجزأ ايضا علاوة الاصدار الي قالو ((لا تزيد)) عن 70 ريال

ابي احد يبين لي صحيح هالكلام
وايضا علاوة الاصدار لو جزئت على اساس 70 ريال راح يصير فيها كسور وشغلانه

يعني ممكن تنخفظ قليلا لكي يكون العدد صحيح؟

ولا وش الهرجة بالضبط:)


نفس الشيء بيشة ولكن لم تحدد بعد علاوة الاصدار

[العادل]

نسيت اقول

15 سهم هذي الاكتتاب فقط

يعني +5 اسهم الي هي تجزئة الاسهم الحالية

[AL-BRWAZ]

اتوقع 15 لكل خمسه اسهم بعد التجزئة طبعاً

[صديقك المخلص]

لا صعبة ولا هم يحزنون :rolleyes:
المنح والاكتتابات تقرر حسب تاريخ الأحقية أي بتاريخ اجتماع الجمعية العمومية للشركة ويعتمد سعر اغلاق يوم الأحقية
يعني ما تفرق قبل أو بعد التجزئة لا بعدد الأسهم - منحة أو اكتتاب - ولا بقيمة الأكتتاب بما فيها علاوة الإصدار
الحين صارت أبسط :)

[Mnopoly]

شسوي مخي نظيف لازم اجاوبك ;)
مثلاً
50 قيمة إسمية + 70 علاوة = 120 OK :)
إذا إكتتبت يقسمون سهمك على خمسة
يعني يخلونك على وضعك الأول كنهم مايدرون عن التجزئة
بعدين تدق عليهم أنت وتذكرهم بالقرار السامي :D

[طالب نصيحه]

ما اشوف انه بيكون أي تغيير

راح تستمر 3 أسهم لكل سهم

لكن راح تحسب على أسهمك الجديدة

لأن القيمة الاسمية لاسهم المنحة راح تكون 10 ريال بالتأكيد

يعني اذا عندك 9 أسهم الآن

راح تكون بعد التجزأة 45 سهم

والمنحة لك راح تكون 135 سهم مقابل الـ 45 سهم اللي تملكها الآن

يمكن اللي حاسك أنك قارنت الـ 135 سهم المنحة بالـ 9 أسهم قبل التجزأة قبالتالي طلعت معاك 15 سهم لكل سهم :)

أتمنى أكون وضحت لك

[أبـــو محمد]

اتوقع 15 لكل خمسه اسهم بعد التجزئة طبعاً

السهم بعد التجزأة = 5

ونفس الشي احسب اسهم زيادة رأس المال مجزأة

قبل التجزأة 3 اسهم لكل سهم

بعد التجزأة 15 سهم لكل 5 اسهم

يعني 3 لكل 1 حتى بعد تجزأتها :d :d

[مستثمر طويل الأجل]

بصلي وارجع افكررر

[النوخذة]

وأنا مخي انظف ..

قسّم الخمسين على 5

وقسم السبعين على خمسة ..

10 + 14 = 24 ريال على كل سهم

واضربهم في 3 ورح عطهم أبوالوليد ..

[نمر البورصه]

شف دماغى( مكلف )ها لايام ما اقدر اجاوب

بس حسبتك صحيحه 100%100

[ABO_ALTaib]

بسم الله
اضرب عدد الاسهم في 5 واقسم اي قيمة على 5
5\5=1
والله اعلم

[Mnopoly]

ابعيد صيغة الإعلان بإفتراض الخبر نزل بعد التجزئة :)
صرح سعادة رئيس مجلس إدارة الشركة المتطورة الأستاذ خالد بن صالح الشثري بأن مجلس إدارة الشركة السعودية للصناعات المتطورة عقد إجتماعه السادس والتسعون في تمام الساعة السابعة مساء يوم السبت 11/2/1427هـ الموافق 11/3/2006م، وقد ناقش المجلس موضوع الطلب المقدم لهيئة السوق المالية من مجلس الإدارة السابق بشأن مضاعفة رأس مال الشركة وبعد مناقشات مستفيضة حول الموضوع وبمراجعة الخطة الإستراتيجية الخمسية التي أقرها مجلس الإدارة في إجتماعه السابق وعطفاً على إستثمارات الشركة القائمة والتي تتطلب زيادة مساهمة الشركة في رؤوس أموالها، إضافة إلى المشاريع المتاحة للشركة قرر المجلس التدرج في رفع رأس المال حسب الإحتياجات المرحلية لهذه المشاريع والتقدم للجهات المختصة بطلب رفع رأس مال الشركة من مائة وثمانية مليون ريال إلى 432 مليون ريال (أربعمائة وإثنان وثلاثون مليون ريال) وذلك من خلال الإكتتاب لمساهمي الشركة المقيدين بسجلاتها بتاريخ إنعقاد الجمعية العمومية الغير عادية بواقع ثلاثة أسهم لكل سهم قيمة إسمية 10 ريالات وبعلاوة إصدار لا تتجاوز14ريالاً للسهم.

[abosamar]

لا نظيف ولا يحزنون

نفس الكلام فقد بالقسمه على 5

سواء السهم الحالى او اسهم المنحه والاكتتاب

1 = 5 اسهم = 15 سهم اكتتاب + علاوة الاصدار تقسم ايضا على 5 وتضاف

[الهيئة]

انا مخي في اجازة بعد طلوع النتيجة ارسلها لي على الخاص
ولك تحية

[العادل]

يعني الخلاصه

1 سهم الان يصير بعد التجزئة وبعد زيادة رأس المال 21 سهم؟

[امير الشاشه]

يأبن الحلال خلك في السليم واترك عن الخربطه وش اللي طمرك بالمتهوره لين تخلص الخرابيط وبعدين هلايام مافيه احد مخه نظيف اعطبوبنا بالتصحيح حتى مانعرف اسعار التكلفه من كثر مانعدل

[بن وايل]

أخي الكريم



نسبة التوزيع لا تتغير لأنها نسبة وتناسب ، اللي رايح يتغير علاوة الإصدار وعدد الأسهم المكتتب بها

مع تمنياتي للجميع بالتوفيق

أبو فيصل

[امير الشاشه]

السيارات بالصدفه اخذتها قبل ثلاث ايام سمعت واحد يقول اقل مكرر ارباح يوم جيت ثاني يوم ولاربع السعر رايح اثاريهم معطينا منحه وانا اخوك

[العادل]

يأبن الحلال خلك في السليم واترك عن الخربطه وش اللي طمرك بالمتهوره لين تخلص الخرابيط وبعدين هلايام مافيه احد مخه نظيف اعطبوبنا بالتصحيح حتى مانعرف اسعار التكلفه من كثر مانعدل

انا الله يسلمك في السليم إلا 4 اريل:)
لأن القيمة الدفترية الحالية 46 ريال
واي شركة جديدة قيمتها الاسمية 50 ريال يعني الفارق 4 اريل
وابشرك ما هيب مطولة في الربع الاول راح تكون موجبة بإذن الله بسبب تقييم اسهم ينساب:)
يعني ما حنا بعيدين عن السليم إلا شبر:)

[العادل]

طيب
يعني
زي ما قلت

1 سهم الان بالقيمة الاسمية 50 ريال= 21 سهم بالقيمة الاسمية 10 ريال بعد التجزئة وزيادة رأس المال

صح كذا

[مواعد]

يوم شفت السوق كل يوم احمر قلت والله يا حنا اغبياء

ولما السوق كله احمر قلت

بعذرنا اغبياء !! او نتغابا ,,



طلع عندنا ناس تفكر صح

قلبو الاحمر لاخضر

والحين جاي تقول لنا وش لون ياخذون فلوسنا ووش لون يقسمونها


مثل ما قال

منو بولي

الغباء احيانا نعمه من الله انس اسهمك وبعد شهرين اتصل عليهم وبتلاقي اسهمك مضاعفه وبسعر اليوم بعد التجزئه..

عاد ولا تتمدي بالغباء وتقول ليه ما جزءتو اسهمي

[المعتمد إبن عباد]

الهدف هو مبلغ الزيادة ( الدراهم ) وليس الاسهم
وعليها يتم الحساب

[كحيلان]

علشان تريح مخك سيتم الإعلان توضيحي بهذا الخصوص لاتقلق ...

[أبونوااف]

قسم بالله سؤالك صعب ولا فيه أمل يمر ببالي هالسؤال أصلاً !
<-- طلع أغبى منك :)

[نسبه فوق]

لمن يملك الآن 50 سهم مثلا ..

بعد التجزئه بتصير 250 سهم .

بعد رفع رأس المال بتصير :

750 سهم :) .

[ams]

ماراح يتغير شيء

3 اسهم لكل سهم قبل التجزئة او بعدها ..

اللي راح يتغير القيمة فقط .. يعني كان السهم بـ 50 ياخذ 3 اسهم
الان السهم بـ 10 ياخذ 3 اسهم ..

تفكيرك صحيح لكن مخك ماقدر يكمل ووقف :p :D
عارف ليه ..

لانك حسبت السهم قبل التجزئة وقلت بياخذ 3 لكنك حسبت قيمته بعد التجزئة وماقسمت السهم الاساس اللي بناء عليه تتم المنحة ..

يعني اول قسم السهم ثم امنح
او امنح ثم قسم

[باشا]

عدد اسهمك قبل التجزئه * 5 * 3*14 ريال = المبلغ المطلوب منك

14 ريال = 10 ريال القيمه الاسميه الجديده + 4 ريال علاوة اصدار

وسلامتك :rolleyes: