المساعد الشخصي الرقمي

مشاهدة النسخة كاملة : افلس نصف الشعب من المساهمات العقارية وسيفلس النصف الثاني من الاسهم !!!


The_Hero70
22-03-2006, Wed 10:04 AM
وش الحل ؟؟

دخلنا في المجال التجارة وفتحنا محلات تجارية ...
وأبتزونا هالعمال ... تأجره ولا بنطلع
وان ما أبتزوك العمال ومحلك نجح فتحوا الناس عشرة محلات جنبك وقطعوا رزقك
غير حاقين البلدية اللي يدورون الرشاوي ... يدورون اي ملاحظة أو مخالفة عليك علشان يبتزك
غير الرسوم اللي لها أول و مالها آخر
ايجار
رسوم لوحة
رسوم تجديد بطاقات العمل للعمال
رسوم تجديد اقامات
نقل كفالة أو رسوم استقدام
سكن
نقل
أشغال كثيرة الله يشغلهم بأنفسهم

دخلوا الناس في المساهمات العقارية ... وسمعوا ان هناك ضوابط
وان وزارة التجارة سوف تحافظ على أموال المساهمين
ولكن ما حصل ان اصحاب المساهمات العقارية أخذوا فلوس الناس لحسابهم الخاص ومنهم من شغلها في الاسهم ... الى ان جاءت طفرة الاسهم واستغلوها فرصة ...
ولذلك نلاحظ الكثير من المساهمات العقارية الجديدة طرحت للاكتتاب في بداية طفرة الاسهم.

فمماطلة اصحاب المساهمات العقارية جعلت الناس تترك العقار وتتوجه للاسهم

مما سبب ركود العقار، وطبعا ً اصحاب المساهمات العقارية استغلوها فرصة للتحجج بأن العقار طايح ... وهم قاعدين يشغلون فلوس الناس في الاسهم

هناك الكثير من المساهمات العقارية الجديدة لم يبدأوا حتى بالتطوير منذ سنتين، وأنا متأكد أنهم مشغلين الفلوس بالاسهم

مساهمة مخطط المها التابعة لشركة المثمن اللي في جدة ، أخذوا الفلوس قبل الطفرة يعني قبل سنتين ولم يبدأوا في التطوير حتى الآن

والحين طاحت الاسهم بسبب صراع بين هوامير الجيل القديم (الوليد والراجحي والعليان وغيرهم ) وبين الجيل الجديد ( الشثري والكنهل والقحطاني والعمري )ضاعوا الصغار في الرجلين وأفلسوا ناس وماتت ناس وتجلطت ناس.

وين حقوق المواطنين ؟؟؟ كيف تطالبوننا بالوطنية والمواطن ليس له حقوق ؟؟؟؟

وين فلوس الناس في المساهمات العقارية ؟؟؟

سمعنا عن التنظيمات العقارية الجديدة منذ اكثر من سنة ولم نرى شيئاً ؟؟؟

ما ذنب من دخل سوق الاسهم ؟؟

اذا كان هوامير الجيل الجديد تلاعبوا منذ البداية، لماذا لم يتم ايقافهم منذ البداية؟

لماذا لم يتم ايقافهم حساباتهم ومحافظهم بحيث لا يستطيعون البيع أو الشراء... واللي داخل في اسهمهم الخشاشية يستاهل، على الاقل اكون ضريت قلة من الناس وليس الجميع

ما يحدث ابادة جماعية ...

لا... وطالع الوليد والراجحي كأنهم منقذين للسوق ... وهم السبب الرئيسي للانهيار

لماذا لم يتم نسبة الـ 5% منذ البداية وقبل التضخم ؟؟؟

اين حماية صغار المتداولين التي ينادي بها جماز الغفلة ؟؟؟

وش ذنب اكثر من 4 مليون متداول ، اغلبهم من صغار المتداولين ... الكثير حصل على تسهيلات بنكية والبعض على قروض ، ومنهم ارامل وايتام ومطلقات

ما ذنب 4 مليون متداول حسب آخر احصائية لعصابة قصدي هيئة سوق المال .

ليش اذا بغينا نكحل الشيء نعميه ؟؟؟

ليش حنا ما نعرف نحل أي مشكلة ؟؟؟

وين فلوس المساهمات العقارية ؟؟؟

لا تجارة ولا استثمار ...

وش الحل ؟؟؟

نحطها في البنوك ونرقد عليها ...

اللي صاير في سوق الاسهم ليس تركيع السوق وأنما تركيع أو تجويع للشعب
original
22-03-2006, Wed 10:31 AM
ليش احنا مانعرف نحل اي مشكله ؟؟؟
ابحث عن مستشارين الغفله
لدينا احترام مو معقول للحاملي الشهادات وخاصه اولئك من مر لندن واخذ بطريقه شهاده الدكتوراه اللذين يحافظون علي كرسيهم ولا يهمهم الوطن ولا المواطنين
ودام الشعب ماله خيار في اختيارهم فلم يهتمون به ومعهم حق لا الومهم
لاننا نستاهل
اين الرجال الخبره اين من يراعون الله اين من يبحثون عن مصلحه الشعب
ابحث في قوقل سيقول لا يوجد من تبحث عنهم انقرضوا
حسبي الله ونعم الوكيل
الخوف ان يكون هذا غضب من الله علينا ولا حول ولا قوه الا بالله
LOBSTER
22-03-2006, Wed 10:33 AM
أنت مواطن

حدك راتبك وكله يروح في الاقساط ! .... وبس!
سهيمي
22-03-2006, Wed 10:41 AM
عمرك
شفت شالو وزير لأنه فاشل

كل الوزراء الي عندنا ماشاء الله

بس حسو انه فيه شي

تدري وين يودنه مستشار عند الملك

ههههههههههههههههههههههههه
يعني منا فينا

اما الشعب في ستين داهيه

حده ياكل من النخله الي حاطينها شعار
ويطالع السيفين الي عن يمينها ويسارها
بين نارين
original
22-03-2006, Wed 10:47 AM
حده ياكل من النخله الي حاطينها شعار
ويطالع السيفين الي عن يمينها ويسارها
بين نارين
هههههههههههههههههههههههه مسموح بشوفها مو اكل رطبها
Ibrahim.m.h
22-03-2006, Wed 10:50 AM
http://www.asmilies.com/smiliespic/3dsmilies/36_11_3[1].gif



يوجد لدينا كمية من الخيام للبيع نقبل كاش او استبدال بسهم
The_Hero70
22-03-2006, Wed 1:02 PM
والله اني صادق <--- واحد بيرفع الموضوع بالقوة هههههه
أبو سهيمات
22-03-2006, Wed 1:11 PM
أشهد انك مانت صادق!!!...هذي اسمها تجارة يعني ربح وخسارة...وانت فقط مثبت ربح وشايل خسارة، لا يحبيبي السوق ماهو على كيفك
آل علوان
22-03-2006, Wed 1:15 PM
بارك الله فيك
طيبة الشعب السعودي ؟؟؟؟
The_Hero70
22-03-2006, Wed 1:33 PM
أشهد انك مانت صادق!!!...هذي اسمها تجارة يعني ربح وخسارة...وانت فقط مثبت ربح وشايل خسارة، لا يحبيبي السوق ماهو على كيفك

والنظام مهوب على كيف كيفك

النظام اللي ما يحميني وما يحمي فلوسي مهوب نظام

التجارة لها نظام وقواعد واسس وجزاءات وعقوبات

التجارة صرحت للعشرات من المساهمات العقارية ووافقت عليها

طيب وين فلوسنا ؟؟؟

اصحاب شركات عقارية يتلاعبون بنا منذ سنوات قبل طفرة الاسهم

هل هذا اسمه ربح وخسارة ؟ اجل وش فايدة هالاوراق والعقود اللي معي ؟؟؟

والا ابللها واشرب مويتها واقتنع انه ما في نظام في البلد

البلد مهوب كله سوق اسهم

افهم

انا اتسائل عن المساهمات العقارية

مساهمة عقارية لها خمس سنوات زي مشاريع العلي؟

وين القانون والنظام عنه؟

صاحب مساهمة عقارية لها اكثر من سنتين الى الحين ما بعد بدأ في تطوير الارض... وش قاعد يسوي بالفلوس الى الحين ... يبيع جح ؟ والا نعناع

افهم ... فتح مخك

انا ما اتكلم عن الاسهم بس
The_Hero70
23-03-2006, Thu 11:01 AM
للرفع مرة اخرى
Stop Loss
23-03-2006, Thu 11:05 AM
أشهد انك مانت صادق!!!...هذي اسمها تجارة يعني ربح وخسارة...وانت فقط مثبت ربح وشايل خسارة، لا يحبيبي السوق ماهو على كيفك

لا والله الا صادق ونصف ، لأن الحرامي يسرقني والنظام ماحماني من سرقته !
حتى بعد ان وقع الفاس في الراس ، وتم ادانة الحرامي و اثبات عملية السرقة لاتزال الاموال لدى الحرامي!
لكن المفاهيم تبدلت الى // السرقة = تجارة !
انترناشيونال
23-03-2006, Thu 11:06 AM
وين حقوق المواطنين ؟؟؟ كيف تطالبوننا بالوطنية والمواطن ليس له حقوق ؟؟؟؟


اللي صاير في سوق الاسهم ليس تركيع السوق وأنما تركيع أو تجويع للشعب

صدقت....................
المصدرالماسي
23-03-2006, Thu 11:07 AM
هذه انشودة الجيل رددوها


حكومتنا الرشيده ........ لكتب فيكي قصيده
شو ما سويتي وقلتي ........ صفينا عل حديده
ناس بتلعب بالالآف .......... وناس بتاكل خبز حاف
والمؤشر والله راح ........... قد ماطلع قد ما طاح
overdrawn account
23-03-2006, Thu 11:12 AM
أشهد انك مانت صادق!!!...هذي اسمها تجارة يعني ربح وخسارة...وانت فقط مثبت ربح وشايل خسارة، لا يحبيبي السوق ماهو على كيفك


عطني حقوقي وحافظ على مكتسباتي وقل تجارة اما غير كذا تسمى نهابة :mad:
ملك روما
23-03-2006, Thu 11:16 AM
كثر الكلام مايفيد ولايزيد
انا ساهمت بالعيد ومساهم بالدريبى وللحين فلووسى معلقه علق الله روسهم تحت ورجولهم فوق
والحين معلق بالكابلات وصدق وشمس ومانى قاادر ابيع
بس مشكلتنا اذا كان الحاكم انه مايحب يقرى ولايشوف التلفزيون
قاتل الله الجهل
يعني ماايحب الثقافه الزايده ودوه البر بس
باي ياعمال الخليج ويااسوق
ستوب لوز ابى اقرى تحت اسمه باند مو موقوف
ملك روما
23-03-2006, Thu 12:49 PM
للرفع
صار سوق غنم مو سوق اوادم