عاجل جدا لمن لدية فرنسي تداول

[السهم الصاروخي]

دخلت الحين على حساباتي في فرنسي تداول
موقف المحفظة
لاتوجد بيانات
واخر عملية عندي امر بيع بتاريخ يوم الخميس الموافق 16/ 3/ 2006
الساعه11:46 صباحا
ولايوجد اسهم او قيمة اسهم
الرجاء من الأخوان الأفادة
هل تم سرقة الاسهم
ام ان الهيئة طلعت علينا بنظام جديد

[azzam]

راحت فلوسك ياصابر
البنك عنده تحديث ارقد وبتلقاها الصباح جايه من الشانزليزيه

[alizaida]

اخي الكريم هذا لخبطة في النظام وصراحة اول مرة تصير انا اتداول بالفرنسي وما مر علي زي كذا او ممكن ماشريت

[hamads]

صارت معي والصباح رجعت الامور تمام هذا وقت التحديث

[الديناصور]

دخلت الحين على حساباتي في فرنسي تداول
موقف المحفظة
لاتوجد بيانات
واخر عملية عندي امر بيع بتاريخ يوم الخميس الموافق 16/ 3/ 2006
الساعه11:46 صباحا
ولايوجد اسهم او قيمة اسهم
الرجاء من الأخوان الأفادة
هل تم سرقة الاسهم
ام ان الهيئة طلعت علينا بنظام جديد
اممممممممممممم
طيب مادام السوق مسكر الحين وش مدخلك لموقع الفرنسي ؟؟؟
أكيد انك متعلق مثلي وتبي تحط أمر بيع من الحين هههههههههه

[السهم الصاروخي]

صحيح انك دينصور
انا وين وانت وين
بزعمي بحط امر شراء يالدينصور
بس المفاجأة اذهلتني الا وش السواة الدراهم بالاسهم والاسهم بالمحفظة والمحفظة بالبنك والبنك الحين مسكر وانا ماراح اقدر انام
لين اتأكد من الوضع
اصل اللوس دي تحويشت العمر
يكون بدو الاجانب من هالحين بالسرقة
والا وش السالفة

[(( أبو أحمد ))]

سيم سيم
،،،،،،،،

[الديناصور]

السهم الصاروخي لاتخاف كلها ساعتين بالكثير وتلقى الفلوس في المحفظة
كانت تصير معي الحركات هذي يوم كنت في سامبا

[السهم الصاروخي]

ابو احمد
سيم سيم وشلون
انت متداول هندي

[(( أبو أحمد ))]

يقولون سمحوا للأجانب الاستثمار بالسوق
يعني ماهي بعيده أصير هندي

[الديناصور]

ابو احمد
سيم سيم وشلون
انت متداول هندي
يعني مسوي نفسك ماتعرف عن قرار السماح للمقيمين بالتداول في سوق الاسهم السعودي

الله يحييك يابو أحمد وأي توصية انا جاهز

انتا بس سوي إشارة وأنا في سوي توصيه

[السهم الصاروخي]

انا ما لقيت حل حق فرنسي بنك

[abu saeed]

صباح الخير شباب

انا عندي الفرنسي شغال من ابدع ما يكون

[مساهم ليس لديه خبر]

انافتحت محفظتي بالفرنسي
وحصلت فيها زياده 4 ملايين + هنديين + فلسطيني + مصري +بنقالي
يمكن اسهمك عندي يا صهم صاروخي
هههههههههههههههههههههههههههههههههههه

[سهم نشيط]

بنوك اخر زمن همها كيف تاكل المواطن

تركنا لهم الفوائد خوفا من الربا صاروا يفكرون في جيوبنا

[السهم الصاروخي]

لا يوجد شي لا اسهم ولا قروش
وش السواة

[seeking]

السهم الصاروخي أنا مثلك كنت بعرض الساعة 8 لكن للأسف ما لقيت أسهمي بس الكاش موجود

إذا بغيت تأكد كانك عارض يوم الخميس أدخل على استفسار عن امر واختر التاريخ وشف وش السالفة ...

[السهم الصاروخي]

ابشركم لقيت الاسهم
راجعت الفرع
مسكت سرا
جاني الدور
كلمت الموظف وانا خايف يسوون فيها
قال سويت تحديث للمحفظة
قلت لا
قال كم رقم المحفظة
قلت لا ادري
قال عطني بطاقتك
قلت له خذ واشرت له ببطاقة الاحوال
فاخذه وهو يتمقل خشتي ويتبسم وكانني لا اعجبه
ثم سالني
الم تتصل بالفرنسي فون
قلت لا
قال حسنا
سوف يعود كل شي على وضعه الطبيعي خلال دقائق
وفعلا اتصل هاتفيا بشخص عن طريق الادارة واسمعه يملي عليه بعض البيانات
وانا خايف احد يسمع البيانات من ايقتحم المحفظه ويسطو على مابها من اسهم
ولكن الله سلم
وقالي الان اوكي
ودخلت الحين اشيك لقيت الوضع اوكي
بس للاسف جميع الاسهم اللي كنت ناوي اعرضها ماسكين سرا على النسبة تحت
والاسهم اللي بدخلها على النسبة فوق
الحمدلله على كل حال

[مضارب فنى قصير]

سؤال للاخوان كيف الغى امر من الفرنسى تداول الله لا يهينكم المسألة مهمة

[seeking]

سؤال للاخوان كيف الغى امر من الفرنسى تداول الله لا يهينكم المسألة مهمة

لما تسوي أمر بيع أو شراء أدخل على قائمة الأوامر بيطلع أن الامر مقبول ، أضغط على مقبول بعدين بيدخلك على القائمة أختر ألغاء

[مضارب فنى قصير]

لما تسوي أمر بيع أو شراء أدخل على قائمة الأوامر بيطلع أن الامر مقبول ، أضغط على مقبول بعدين بيدخلك على القائمة أختر ألغاء

يعطيك الف عافية يا seeking

[الديناصور]

حسبي الله عليهم يعني لازم اتصل عليهم وأحدّث بياناتي ؟؟؟؟
طيب باتصل الحين والله متعلق في الغذائية ومن امس وانا ابغى اعرضها على النسبة تحت لكن الله لايوفقهم .

[Saudi Expert]

بس للاسف جميع الاسهم اللي كنت ناوي اعرضها ماسكين سرا على النسبة تحت
والاسهم اللي بدخلها على النسبة فوق
الحمدلله على كل حال
نعم أخي الكريم
هذي هي الحقيقة !!!
وهذي هي اللعبة القذرة !!!
الناس تمدح وتدعي للي انتشل السوق - على بالهم - وهي ماتدري إنها مأكولة ولا راح يرجع لها حتى راس مالها !!!
دقوا خشم السوق حتى وصل لأسعار تناسبهم .. وطبوا فيها بايديهم ورجليهم .. والأسهم نسب فوق .. واللي يشترون على عدد أصابع اليد الواحدة .. ومعروفين منهم !!!
والله أول مرة أتمنى إني بنقالي .. كان على الأقل مطفر خلقه ولا أشيل هم !!!
أما إن حصاد السنين وتعب العمر يضيع كذا هباءً منثوراً وبمباركة حكومية !!!
فهذا هو الموت بعينه !!!
حسبنا الله ونعم الوكيل