المساعد الشخصي الرقمي

مشاهدة النسخة كاملة : شكلي انا الوحيد اللي تضرر وبقوه من القرار الملكي


الهيئه
15-03-2006, Wed 8:52 PM
كان معي اسهم متعلق فيها اسمنت تبوك والتصنيع وزجاج باسعار عاليه وكل يوم احط عروضي مع خلق الله لعل وعسى يدخل مستثمر يشتري بوحده منهم واحصل على شوي سيوله. جيت اليوم للتداول اسحب رجلي كالعاده بدون نفس الساعه 4.40 . فتحت مباشر لقيت الدنيا نسب فوق، فتحت المحفظه لقيت اسهمي كلها مشيوله على النسب تحت. ارتبكت قلت لازم اعوض شي من الخساره. ضاع وقتي وانا ادور شي اشريه افرح به مع الناس. لقيت مافيه الا الفنادق فيه رجاء وكان يطامر طالع من النسبه تحت لقطته على 381 . راح للتسعين قلت ايه هين هذي نسبه ضمناها ومن بغاه كله خلاه كله يالهيئه. تركت الفنادق يمشي للنسبه لقيت الزراعيين يفتحون نسبهم مالحقت الا على الجوف حطيت باقي السيوله فيه فوق النسبه بريالين. رحت اشوف وش سوى الفنادق لقيته يحوس عند 385 قلت وجع وش عنده مايقفل فوق اتركه بس على راحته. رجعت للجوف لقيته مقزز تحت خفت وعرضت على النسبه. رجعت من صلاة المغرب لقيت الفندق غاير منه ومقزز. طول عمري مااشتغل الا مع عوايد وحريص لكن هالسوق عجزنا لانعرف له. ليتهم كملوا جميلهم ونزلوا اخبارهم بالليل مادام الاوامر كلها مصفره والناس عندها فرصه تطلع على اللي صاير. ياحظ الهوامير بسوقنا دايم الاكله مضمونه لهم.
ابوغلا
15-03-2006, Wed 9:19 PM
صف بكرا وادخل اتصالات وتربع بالمجلس واقلط على مفطح النحة
مـرمـر زمـانـي
15-03-2006, Wed 9:22 PM
الله يعوض عليك بس ترى مو انت الوحيد الناس اللي في الصاله اليوم كل واحد يشكي لهفو اسهمه نسبه تحت وشركات اللي شريتهم ماعندك مشكله فيهم بكره تشوف
د. سارة
15-03-2006, Wed 9:23 PM
صف بكرا وادخل اتصالات وتربع بالمجلس واقلط على مفطح النحة


اتفق معاك اخي...
لماذا
15-03-2006, Wed 9:27 PM
انا لله و انا اليه راجعون ...
هواجيس
15-03-2006, Wed 9:37 PM
اللوم ماينفع
بس من يعرض زجاج ومكررها وصل 16 اقل مكرر في السوق
ومن يعرض اسمنت تبوك بهالاسعار
التصنيع قلعته لانه محرم
هذا درس قاسي
والفنادق فعلا غامض واعتقد انه اخرج هامور كبير منه على النسبه السفلي (تسهيلات) ودخل في الخط واحد جديد
والزراعيات مفروض ما تقربهم وانت تشوف المواشي ماتحركت وهي كبيرتهم التي علمتهم النسب
انا انتقدك لكي تتعلم لذلك تحملني
الرأي بكره انتظر اي جني ارباح ويعتمد على طريقة الافتتاح
الاسعار القديمه انسها خصوصا لمن اقفل نسبه فوق
ارشح لك ترجع زجاج- مراعي -زامل-جرير-اتحاد-اسمنتات
مناجي القمر
15-03-2006, Wed 10:13 PM
انا عكسك يالهيئه طلبت الاتصالات بالنسبه اليوم وقبل 5 دقائق الغيت طلبي من شددت الخوف من دحدرت السوق