المساعد الشخصي الرقمي

مشاهدة النسخة كاملة : في عز فرحتكم اخاف تزعلون مني


ALTMA
15-03-2006, Wed 7:35 PM
مدري يمكن تزعلون لو تكلمت
بس بتكلم
القرارات التي صدرت الم تكن متأخره
يعني بعد خساره تزيد عن 70% ومن رأس المال
بعدين من المتسبب بالمهزله التي كانت ؟
ياسرع ما نسيتوا !!!!!
الجماز موجود ما راح هل هو المتسبب الوحيد اشك وبقوه ؟
وزير الماليه قبل يومين يقول الدوله لن تتدخل ؟
اقول يا حظ الاجنبي المقيم بها الاسعار

بعدين الوليد بن طلال تاجر ما يحط الريال الا وهو داري انه بيرجع 10
بعدين الاسعار كانت مغريه جداً وبرخص التراب
هو ما تصدق بها هو شراء اسهم بسعر رخيص جداً بيبيعها بعد فتره بسعر عالي
هل تم حل المشكله الاساسيه وماهي تلك المشكله ؟
الرجاء عدم التهجم هي مجرد استفسارات وتفكير بصوت عالي
الحراثه
15-03-2006, Wed 7:44 PM
كلامك صحيح 100% الشكر لله وحده
حافظ السر
15-03-2006, Wed 7:48 PM
الله يرحم والديك كلامك معقول جداً الكل متعلق وقدمت جاهزة للأجنبي ونحن معلقين فوق الشجرة وحلال على الأجنبي أكل الثمار ونحن نطالع فية وبيتصدق علينا الله يعين ويلعن كذا سوق
ALTMA
15-03-2006, Wed 7:53 PM
لا ويقولون الراجحي بيدعم السوق
اقول صار سوقنا جمعيه خيريه

الله المستعان
ALTMA
15-03-2006, Wed 8:04 PM
سؤال على الماشي
الي حاط امر سوق وباعوا له اول الافتتاح وش ذنبه والله اعرف واحد بيعت كل اسهمه نسبه تحت اليوم
ليه ما تم الاعلان قبل افتتاح السوق او أن يتم ايقافه لمدة نص ساعه ؟

يسألني العامل الي عندي عن سعر المواشي يبي يشتري
حسبي الله عليه مادرى اني متعلق فيه
دعابه على الماشي
العطار
15-03-2006, Wed 8:07 PM
100 % كلامك صحيح ياخوفي المقيم يصرف علينا المواشي فوق 200 واحنا متعلقين فوق 250 هههههههههههههههه

الله كريم انتقلوا من الخشاش الى القياديات والله كريم
أبو حمود
15-03-2006, Wed 8:08 PM
مدري يمكن تزعلون لو تكلمت
بس بتكلم
القرارات التي صدرت الم تكن متأخره
يعني بعد خساره تزيد عن 70% ومن رأس المال
بعدين من المتسبب بالمهزله التي كانت ؟
ياسرع ما نسيتوا !!!!!
الجماز موجود ما راح هل هو المتسبب الوحيد اشك وبقوه ؟
وزير الماليه قبل يومين يقول الدوله لن تتدخل ؟
اقول يا حظ الاجنبي المقيم بها الاسعار

بعدين الوليد بن طلال تاجر ما يحط الريال الا وهو داري انه بيرجع 10
بعدين الاسعار كانت مغريه جداً وبرخص التراب
هو ما تصدق بها هو شراء اسهم بسعر رخيص جداً بيبيعها بعد فتره بسعر عالي
هل تم حل المشكله الاساسيه وماهي تلك المشكله ؟
الرجاء عدم التهجم هي مجرد استفسارات وتفكير بصوت عالي


مساك الله بالخير..
ماهو الحل الذي تعتقد أنه مناسب؟؟؟
أعطنا رأيك الله لا يهينك حتى يكتمل الموضوع..:confused:
تحياتي..
ALTMA
15-03-2006, Wed 8:09 PM
100 % كلامك صحيح ياخوفي المقيم يصرف علينا المواشي فوق 200 واحنا متعلقين فوق 250 هههههههههههههههه

الله كريم انتقلوا من الخشاش الى القياديات والله كريم

والله العامل الي عندي فطين يسويها
بس لا احد يعلمهم ان التوجه صار الى القياديات
نصرف عليهم الخشاش ونحول على القيادي
ظنكم تمشي عليهم
ALTMA
15-03-2006, Wed 8:11 PM
مساك الله بالخير..
ماهو الحل الذي تعتقد أنه مناسب؟؟؟
أعطنا رأيك الله لا يهينك حتى يكتمل الموضوع..:confused:
تحياتي..




والله ودي افيدك
بس السؤال الي عندي
منه المتسبب في الانهيار ولا تقول الجماز
الجماز يضرب بالسوط ابي اعرف من اليد الي تظرب به
ذيب الاسهم
15-03-2006, Wed 8:53 PM
لو عرفت ماحصل بالاجتماع يوم امس كان ماتحدثت عن جماز

كان جماز هو النجم المتوج وهو الرجل الوحيد الذي كان راضي عنه خادم الحرمين وكان مرتاح جدا من تقاريره والهموم التي يحملها ولكنه شكى للملك قلة صبره وحيلته من وزراء اخرين غير متعاونين

اما الضحيه فكانوا كثار ولكن لم يتلقى الاهانه القاسيه من الملك الا شخصين احدهما وزير والاخر محافظ وخاصة الوزير الذي تلقى اهانه بالعرف السعودي تعتبر كبيره جدا واترك لك خيالك الواسع لمعرفتها
المترقب
15-03-2006, Wed 8:58 PM
والله أن جماز والنعم فيه ...


لكن غيره من الحرامية .... لا وفي مناصب
ALTMA
15-03-2006, Wed 9:12 PM
والله أن جماز والنعم فيه ...


لكن غيره من الحرامية .... لا وفي مناصب

ياجماعه انا ما اتهجم على احد
انا عندي سؤال
من المسئول عن المهزله التي جرت
وهل سيتم محاسبته ام سوف تمر مرور الكرام
ولماذا تأخر اصدار الرار الذي صدر اليوم

انا ما ترجع فلوسي بالتهجم على وزير او محافظ
الهيئه
15-03-2006, Wed 9:13 PM
كلامك صحيح يالتما. انا والله راحت اسهمي كلها عوائد على النسب تحت. من شاريها غير هوامير ادخلوا اوامرهم بضربه وحده ماركت على كل الاسهم يبونا نلحقهم يصرفون علينا بعد نسبتين او ثلاث زود على خسارتنا اللي فاتت. باقول لك شي ومايهمني اللي يزعل يزعل واللي يرضى يرضى هالديره للواصلين بس. يعني وش كان يضرهم لو نزلوا اعلانات مكرماتهم بالليل وقت تصفير الاوامر وكل الناس تشوفها وتتخذ قراراتها. المشكله انهم دخلوا اللي انباعت عوائده على النسب تحت في الخشاش لان صار معه سيوله وشركاته قفلت نسب تحت واعتقد ان السوق بالكامل بيطلع من وضعه. انا احد ضحايا هذا السيناريو خذو مني زجاج والتصنيع واسمنت تبوك نسب تحت وشروني الجوف الزراعيه والفنادق وجت نسب تحت. الملك نيته طيبه ويبغى يحل المشكله لكن المكرمه يتقاسمون خيرها اللي بيننا وبينه من هوامير ومسئولين هم اللي ينظمون توقيت الاعلانات ووضع السوق في فترة التداول قبل الاعلان وكل شي. لاحظ اليوم الصباح وضعه مايعطي بصيص امل ولابنسبة صفر بالميه هل كان هذا صدفه. ممكن لكن مااقدر اصدق.
ALTMA
15-03-2006, Wed 9:20 PM
كلامك صحيح يالتما. انا والله راحت اسهمي كلها عوائد على النسب تحت. من شاريها غير هوامير ادخلوا اوامرهم بضربه وحده ماركت على كل الاسهم يبونا نلحقهم يصرفون علينا بعد نسبتين او ثلاث زود على خسارتنا اللي فاتت. باقول لك شي ومايهمني اللي يزعل يزعل واللي يرضى يرضى هالديره للواصلين بس. يعني وش كان يضرهم لو نزلوا اعلانات مكرماتهم بالليل وقت تصفير الاوامر وكل الناس تشوفها وتتخذ قراراتها. المشكله انهم دخلوا اللي انباعت عوائده على النسب تحت في الخشاش لان صار معه سيوله وشركاته قفلت نسب تحت واعتقد ان السوق بالكامل بيطلع من وضعه. انا احد ضحايا هذا السيناريو خذو مني زجاج والتصنيع واسمنت تبوك نسب تحت وشروني الجوف الزراعيه والفنادق وجت نسب تحت. الملك نيته طيبه ويبغى يحل المشكله لكن المكرمه يتقاسمون خيرها اللي بيننا وبينه من هوامير ومسئولين هم اللي ينظمون توقيت الاعلانات ووضع السوق في فترة التداول قبل الاعلان وكل شي. لاحظ اليوم الصباح وضعه مايعطي بصيص امل ولابنسبة صفر بالميه هل كان هذا صدفه. ممكن لكن مااقدر اصدق.

إنا لله وإنا اليه لا راجعون
ليس هكذا تورد الابل
يا اصحاب المصالح خافوا الله قال تعالى (المال والبنون زينة الحياة الدنيا)
تحاربون الشعب في ارزاقه
قطع الاعناق ولا قطع الارزاق
حسبي الله ونعم الوكيل
أبو حمود
15-03-2006, Wed 9:41 PM
كلامك صحيح يالتما. انا والله راحت اسهمي كلها عوائد على النسب تحت. من شاريها غير هوامير ادخلوا اوامرهم بضربه وحده ماركت على كل الاسهم يبونا نلحقهم يصرفون علينا بعد نسبتين او ثلاث زود على خسارتنا اللي فاتت. باقول لك شي ومايهمني اللي يزعل يزعل واللي يرضى يرضى هالديره للواصلين بس. يعني وش كان يضرهم لو نزلوا اعلانات مكرماتهم بالليل وقت تصفير الاوامر وكل الناس تشوفها وتتخذ قراراتها. المشكله انهم دخلوا اللي انباعت عوائده على النسب تحت في الخشاش لان صار معه سيوله وشركاته قفلت نسب تحت واعتقد ان السوق بالكامل بيطلع من وضعه. انا احد ضحايا هذا السيناريو خذو مني زجاج والتصنيع واسمنت تبوك نسب تحت وشروني الجوف الزراعيه والفنادق وجت نسب تحت. الملك نيته طيبه ويبغى يحل المشكله لكن المكرمه يتقاسمون خيرها اللي بيننا وبينه من هوامير ومسئولين هم اللي ينظمون توقيت الاعلانات ووضع السوق في فترة التداول قبل الاعلان وكل شي. لاحظ اليوم الصباح وضعه مايعطي بصيص امل ولابنسبة صفر بالميه هل كان هذا صدفه. ممكن لكن مااقدر اصدق.


أعتقد أن قرار البيع والشراء راجع لك أنت وليس للهوامير..
ما فيه أحد أجبرك على عرض أسهمك على النسبة وكان من المفروض أنك تصبر أسبوع وأسبوعين أو شهر حتى يرتد السوق
أعتقد أن وقف الخسارة يكون عادةً في أول مراحل النزول وليس بعد عاشر نسبة، إلا إذا كنت مجبر على أنك تبيع بخسارة للتسهيلات أو خلافه فهذا شيء ثاني...
هل كلامي صحيح ؟؟
Ibrahim.m.h
15-03-2006, Wed 9:51 PM
الوليد لديه تأثير إقتصادي قوي وموثر في الاسواق المالية يكفي تصريحه

الامير من الشخصيات الإقتصادية الموثرة على جميع الاسواق الاعالمية فكيف كسوق مثل سوقنا.....
الهيئه
15-03-2006, Wed 10:01 PM
أعتقد أن قرار البيع والشراء راجع لك أنت وليس للهوامير..
ما فيه أحد أجبرك على عرض أسهمك على النسبة وكان من المفروض أنك تصبر أسبوع وأسبوعين أو شهر حتى يرتد السوق
أعتقد أن وقف الخسارة يكون عادةً في أول مراحل النزول وليس بعد عاشر نسبة، إلا إذا كنت مجبر على أنك تبيع بخسارة للتسهيلات أو خلافه فهذا شيء ثاني...
هل كلامي صحيح ؟؟





اسمح لي كلامك غير صحيح للاسباب التاليه


1. انا مادخلت الشركات من بداية النزول ولذلك ماهي عاشر نسبه انا من ضحايا ارتداد الخميس المشئوم

2. انا زي كل واحد اخر ينتضر تدخل الدوله كاخر حل للي يحصل (وفعلا صار اخر حل) . اجتمعوا البارحه واتخذوا قرارات واعلنوا جزء منها البارح (السلبي) وهو استمرار نصرتهم للهيئه ظالمه او مظلومه. صدقتهم انا وغيري ونسينا كل بارقة امل. اليوم وباول دقيقه تقريبا من التداول اعلنوا مكارمهم مباشرة بعد ان اشترى الهوامير ومحافظ القربين لمصبات الخير على النسب تحت عروض بمئات الالاف من اسهم المواطنين اللي بنوا على نتائج الاجتماع المنقوصه اللي اعلنت لهم البارح. اصحى تقول لي ان اللي اعلنوه اليوم ماقرروه باجتماعهم امس بكذا ترى تكون تستغفلني وترى مليت من الاستغفال بهالسوق. انت توحي.
mooj
15-03-2006, Wed 10:04 PM
والله العامل الي عندي فطين يسويها
بس لا احد يعلمهم ان التوجه صار الى القياديات
نصرف عليهم الخشاش ونحول على القيادي
ظنكم تمشي عليهم
هذا اللي قاعد يسويه فينا الهوامير ، على كذا احنا هوامير الهنود ، واذا طاح السوق على روس الهنود خل ابو الكلام يدعم السوق ( بفلوس ) ما هو بــــ ......
ابوعبدالاله
15-03-2006, Wed 10:10 PM
طرح جيّد ... بل ممتاز

أخي الكريم
الكثير هنا يعتقد بأن توجيه خادم الحرمين الشريفين بدراسة التجزأة ودخول المقيم في السوق مكرمة للأسف .. تناسوا بأن ألسنتهم وأصواتهم بحّت وهم يتناقلونها خلال عام مضى على الأقل بإعتبارها محفزات ! وأن جُل الإرتفاعات التي صاحبت السوق خلال عام كان من أهمها تلك الأسباب ..

سيدي المشكلة ليست في جمّاز .. ولا في الثقة التي يزعمون بأنها فُقدت من السوق
بسبب بعض القرارات التنظيمية بل في البنوك ثم البنوك ثم البنوك ومن يقف معها وأعني بها الأب الروحي لها ( مؤسسة النقد ) !

هي الواهب الناهب في السوق .. هي من تقرضك وتبيع لك رغماً عنك !
هي من فتحت صناديق الإستثمار وقيّدت حريتك في السوق !
هي من تستطيع كشف عوراتنا بدون حسيب أو رقيب !

ببساطة .. هي من يخطط وينفذ .. هي من يقرر متى نصحح ومتى ينتهي التصحيح !
لا لأنها صانع سوق رسمي .. بل لأنها أكبر حرامي !

الأخبار الإيجابية المستهلكة التي نسمعها حالياً ماهي إلا إيذان بإنتهاء التصحيح الفني فقط !
ودخول التبرعات الخيرية خير دليل !

أخيراً .. لن تكون مكرمة بمعناها مالم يكن هناك عقوبة تناسب الجرم الذي تضرر منه الجميع !
في الحلق غصّة .. دمتم بخير !
من بعيد
15-03-2006, Wed 10:10 PM
تبون الحق والا ولد عمه ؟؟؟؟؟؟؟؟
الفنار
15-03-2006, Wed 10:15 PM
سؤال على الماشي
الي حاط امر سوق وباعوا له اول الافتتاح وش ذنبه والله اعرف واحد بيعت كل اسهمه نسبه تحت اليوم
ليه ما تم الاعلان قبل افتتاح السوق او أن يتم ايقافه لمدة نص ساعه ؟

يسألني العامل الي عندي عن سعر المواشي يبي يشتري
حسبي الله عليه مادرى اني متعلق فيه
دعابه على الماشي

اسمحلي
اللي يعرضون اسهمهم على النسبه تحت
ما يعجبهم العجب
اذا محد اشترى اسهمهم قالوا وش هالسوق نعرض ولا في احد يشتري
واذا بيعت اسهمهم قالوا اخذوا اسهمنا اللي مايخافون الله
طيب انت عارض اسهمك يعني انت تبغى تبيع وش اللي مزعلك
صديقك المخلص
15-03-2006, Wed 10:41 PM
أعتقد أن قرار البيع والشراء راجع لك أنت وليس للهوامير..
ما فيه أحد أجبرك على عرض أسهمك على النسبة وكان من المفروض أنك تصبر أسبوع وأسبوعين أو شهر حتى يرتد السوق
أعتقد أن وقف الخسارة يكون عادةً في أول مراحل النزول وليس بعد عاشر نسبة، إلا إذا كنت مجبر على أنك تبيع بخسارة للتسهيلات أو خلافه فهذا شيء ثاني...
هل كلامي صحيح ؟؟


اللي أعرفه انك مسيل المحفظة والا أنا علطان .. انت وش تبي توصل له بالضبط بلا لف ولا دوران .. تبي تجرد المواقف كعادتك من المسئولية .. سبحان الله في طبعك .. ردي هذا مكرره عليك أكثر من مرة ولكن صدق المثل اللي يقول :
عند غياب العقل لا تخاطب الأذن الصماء
وهذا رابط لأحد مواقفك
http://www.thegulfbiz.com/showthread.php?p=1178651#post1178651 (http://www.thegulfbiz.com/showthread.php?p=1178651#post1178651)
الشفافية تثير الغضب .... ولكنها تريح الضمير .... أحد جربها ؟ ;)
صديقك المخلص .....
الهيئه
15-03-2006, Wed 11:30 PM
اسمحلي
اللي يعرضون اسهمهم على النسبه تحت
ما يعجبهم العجب
اذا محد اشترى اسهمهم قالوا وش هالسوق نعرض ولا في احد يشتري
واذا بيعت اسهمهم قالوا اخذوا اسهمنا اللي مايخافون الله
طيب انت عارض اسهمك يعني انت تبغى تبيع وش اللي مزعلك


الفنار منطقك غريب. اللي عرضوا اسهمهم لاتلومهم وهم يقرون لك انت وامثالك اللي مسوين محللين فنيين وانت بنفسك معلن اننا في وضع انهيار اذا كسرنا 15900 واليوم كسرنا ال 15000 هل يلام واحد في سوق منهار اذا عرض اسهمه على النسبه تحت. مارايح اكلف نفسي اجيب رابط موضوعك بس انت اكيد تعرفه زين وحبره مانشف للان.
هذا شي الشيء الثاني، فيه منهم من بقي بالسوق يتامل بتدخل الدوله وفعلا تدخلت الدوله وسووا اجتماع واعلنت نتائج لاتغير بالوضع شيء والدليل ان السوق واصل النسب صباح اليوم بعد الاعلان البارحه. تاكدوا انه بعد موقف الدوله استنفذت كل الحلول قاموا عرضوا اسهمهم بناء على اعلان امس. خلال التداول وبعد مص عروضهم مباشره طلع نتائج لاجتماع امس مختلفه تماما للي اعلن امس. اسالك باللي خلقني وخلقك (وليس باسم اصنام هنا وهناك) لو عدلت واستخدمت ماوهبه الله لك من منطق سوي بعد كل هذا هل اللي عرضوا على النسبه تحت غلطانين، والا انت اللي منت لم جاده ونظرتك سطحيه للامور
ALTMA
16-03-2006, Thu 1:36 PM
يا اخوان نسيتوا الموضوع الاساسي

المهم سؤال اخير قبل اقفال الموضوع
هل ستعود الهيئه الى مسلسل الايقافات من جديد ؟
واذا كان الجواب نعم
فأين هم عن مضارب القصيم ز وفيبكو اليوم وامس
والا بعد خراب مالطه كا العاده
mohammed100
16-03-2006, Thu 1:59 PM
هذي شفافية العساف وشلته
وعلى فكره اذا باعو الربع الاسبوع الجاي على المسلمين ابشر باعلان طرح جزء من اسهم الدوله في سابك وبعض الاسهم الاخرى واعلان تشكيل لجنه بذلك
ALTMA
16-03-2006, Thu 3:35 PM
هذي شفافية العساف وشلته
وعلى فكره اذا باعو الربع الاسبوع الجاي على المسلمين ابشر باعلان طرح جزء من اسهم الدوله في سابك وبعض الاسهم الاخرى واعلان تشكيل لجنه بذلك

الله يستر
الله
ALTMA
16-03-2006, Thu 7:43 PM
اسئله لم اجد اجابه لها ارجو منكم المساعده
هل انتهى الانهيار او اللعبه القذره ؟
هل تم محاسبة من كان السبب في هذا الانهيار ؟
من كان خلف هذا الانهيار ومن هو المستفيد منه ؟
هل السيوله امس واليوم كافيه لرفع السوق ؟
&الـشــنـب&
16-03-2006, Thu 8:59 PM
حبيبنا

كلنا فرحانين !!

الحركه متعمده والنزول قسري .. والهوامير متعلقين فوووووووق

( ثوابت لابد أن تكون موجوده ولا تغيب عن ذهن أحد )

ومن أهم الثوابت ايضاً : لا يوجد شيء اسمه خشاش

مع حبي واحترامي للجميع .
mohammed100
19-03-2006, Sun 11:35 AM
هذي شفافية العساف وشلته
وعلى فكره اذا باعو الربع الاسبوع الجاي على المسلمين ابشر باعلان طرح جزء من اسهم الدوله في سابك وبعض الاسهم الاخرى واعلان تشكيل لجنه بذلك
طبعا المستثمرين:) الي دخلو الاربعا خرجو بمكسب من 20-5-% خلال ثلاث ايام هذا الاستثمار ولا بلاش