المساعد الشخصي الرقمي

مشاهدة النسخة كاملة : اريد افضل بنك كوسيط


ابو مروان
23-12-2002, Mon 5:24 AM
السلام عليكم ورحمة الله وبركاتة

ياجماعه انا في المدينة المنورة واعتقد انه مايوجد فرع لاحد البنوك كوسيط يمكنني من شراء الاسهم الامريكيه وياليت يكون الشراء والبيع عن طريق الانترنت او الهاتف وباللغه العربية

اتمنى منكم مساعدتي
عبداللة
23-12-2002, Mon 7:26 AM
اخوي الوسطاء كثيرين

بس اللي في السعوديه طماعين ويا خذون عموله كثيره...يعني مكسبك يرووح عمووله اذا كنتا مضارب يومي

بنوك السعوديه اللي عندها وساطه بالانتر نت هي

الامريكي

الاهلي ........ياخذ على كل 1000 سهم 27 دولار شراء ومثلها بيع وثلاث سنتات على كل سهم زياده

الراجحي وياخذ حول الثلاثين على ما اعتقد لكل 1000 سهم شراء ومثلها بيع


اعتقد انسب وسيط بالعربي هو الاوسط بالكويت وياخذ 18 دولار على اول 3000 سهم وما زاد نصف سنت على السهم في الشراء ومثلها في البيع وممكن تكلم بالتلفوون وينفذون لك العمليه




وهذا رابط الاوسط( طريقة فتح الحساب)

http://www.kmefic.com.kw/alawsat/index.htm



وهذي معلومات عن الاوسط(دعايه) بس العموله نقصوها الى نصف سنت للي اكثر من 3000 سهم

http://www./vb/showthread.php?s=&threadid=2310






وهذا رابط عن بنك برقان بالكويت وفيه ذكر لبعض سلبيات الاوسط

http://thegulfbiz.com/vb/showthread.php?threadid=18058




اما احسن وسيط عن طريق الانتر نت فهو اميريتريد بس انجلش واكثر الشباب فاتحيين فيه حسابات ويا خذون على العمليه 11 دولار بصرف النظر عن الكمييه
وهذا الرابط حقه

http://www.datek.com


وسلاااااااااامتك
الغنى
23-12-2002, Mon 11:11 PM
مشكور أخوى عبداللة على كلامك ,بس اقدر ادور حسابى أكثر من مرة فى اليوم فى أميرتريد؟؟
عبداللة
23-12-2002, Mon 11:51 PM
نعم اخوي

تقدر

من يوم تتم العمليه للبيع الفلوس في حسابك مباشره
الغنى
24-12-2002, Tue 12:09 AM
أنا دخلت فى موقعهم أبى أفتح حساب وما فهمت شى ؟؟!!

تقدر أخوى عبداللة تعلمنى الخطوات لو سمحت؟
ابو مروان
24-12-2002, Tue 5:14 AM
مشكلتي الانجليزي ماعرف استخدم حسابي عن طريقه عشان كذا كنت ادور بنك بالسعوديه

بنك الجزيره على ما اعتقد لازم 50 اللف ادنى اشتراك:(
ابو مروان
24-12-2002, Tue 8:18 AM
طيب اخوي ابو عبد الله ياليت تساعدنا وتشرح لنا كيف نتعامل مع الاوسط

طريقة البيع والشراء واهم الاشياء الاساسيه ياليت تشرحها لنا
د.أحمد
24-12-2002, Tue 8:22 AM
البنك الراجحي يقوم بعمل وسيط ...

يحتاج رصيد 2000 دولار فقط .. و إشتراك سنوي 100 دولار ..

و ياخذ عموله 25 دولار على كل عمليه تحت الف سهم ...

و ممكن تشتري و تبيع من الإنترنت ..

كما أنه يقول .. انه لا يتعامل مع الشركات إلي أنشطتها مخالفه للشريعه ..
عبداللة
24-12-2002, Tue 9:53 AM
اخي الغنى

مقدر اعطيك معلومات بالدقه لأن تعبية النوذج لازم يكون بحرص شوي ...من الافضل يكون معك واحد يعرف لغه اذا جيت تعبي النموذج لأن اي خطاء لو حرف واحد ممكن يسبب مشكله
وانا اذكر ان فيه موقع اسمه فهد موجود فيه نموذج داتك مترجم بس ممكن النموذج يتغير بعد اندماج داتك و اميري تريد ولو تسوي بحث في منتدى الوسطاء تبي تلقا رابط الموقع اللي فيه النموذج مترجم


اخ ابو مروان

كل شي ابسط مما تتخيل....
زي ما تشوف في الرابط تعبيه النموذج مترجمه بالعربي

ولما تفتح حساب يبي يرسلون لك برنامج ستريمر وفيه ممكن تسوي عمليات البيع والشراء وهو افضل من الموقع نفسه لانه سريع جدا
علشان تسوي عمليه تعبي ثلاث خانات رمز الشركه و الكميه و السعر وبعدين تدخل البن نمبر حقك
هذا كل شي
في البدايه اللي هي اول عمليه ممكن تكلم بالتلفون الاخ عبد المحسن قاروني (رقم التلفون موجود في الرابط فوق)و يعطيك توجيهات بسيطه ويخليك تسوي عمليه ما تتنفذ كتجربه......وهذي ميزه الاوسط انك لما تبغى تستفسر عن اي شي تلقا احد يعطيك وجه
يعني اصعب شي انك تدفع فلوسك لهم

ايضا اخوي وانت تعبي النموذج اي شي يصعب عليك ارفع السماعه و استفسر منهم



ولاكن يا اخوان انتم سألتو عن الوسطاء ولم تسألو عن الرآي في العمل في الاسهم الامريكيه هل هو جيد ولا بالعكس
ممكن تسألون في منتدى الاسهم الامريكيه ترى الاخوان هناك نشاما و شقرديه و يبي ينصحونكم نصيحة اخو
الا اذا كنتم من المتداولين في قاعات البنوك وعندكم خبره سابقه في السهم الامريكيه

وسلامتكم
الغنى
24-12-2002, Tue 1:28 PM
مشكووووووور وما قصرت اخوى عبداللة