الراجحي يشتري لي اسهم من عنده ويخسرني 130 ريال بالسهم (قانون الغاب )

[ابو مشعل البالتوك]

الراجحي يشتري لي اسهم من عنده ويخسرني 130 ريال بالسهم

تفاجات يوم السيت بمحفظتي اسهم بكميه كبيره نازله بالمحفظه واتصل عليهم وش السالفه قالوا هذي الكميه سبق وان طلبتها انت لكن للاسف مانفذت لك الا اليوم
قلت مابيها انا طلبي ليوم واحد والطلب قديم وانتم مانفذتوها ولاحجزتوا المبلغ عشان اقول الامر متعلق قالوا لا المشكله عند موسسه النقد علقوا الامر قلت وانا وش ذنبي قالو حنا مثلك ... تتحملها انت ولا نتحملها حنا قلت الخساره جامده قالوا قدم خطاب لعل وعسى قدمنا من يوم الاحد ولاحياه لمن تنادي

يعني يخسرونك غصب ويشترون لك باسعار عاليه ويقولون مارايح تبيعها الا بخساره وغصب عنك والخساره انت مسئول عنها المشكله الخساره جامده واكثر من مليون

مادري حنا بدوله مافيها نظام والا بغابه القوي ياكل الضعيف والا ايه علموني

والادهى والامر من ذلك واحد طلب احد الزراعيات قبل شهر ولا نفذ له وتفاجى الاسبوع الماضي نزلتله باعلى سعر طلب فيه وخسارته اكثر من 60% وعنده تسهيلات وانكشف الحساب وهو مايدري والمواطن مسكين

الهيئه من جهه والبنوك من جهه وين نروح يجماعه نهاجر والا وش نسوي

امل المشاركه وابداء رايكم وشكرا

[الخاص]

نفس الشيء عندي .

عطني أرقام هواتفهم الله لا يهينك.

[small modharib]

أقسم بالله العضيم نفس الشيء حصل معي إذا كان الراجحي السبب فهو بهذه الطريقة أكبر حرامي.

أمّـا إذا كان السبب مؤسسة النقد وهي جهه حكوميّة فأقول هل أصبحة الد.............؟

[المستحيل]

ذبحنا الراجحي بالشرعية المزعومه

الحمد لله الي خارجنا منه بس بعد 163000 الف خسارة ولكن اقول اسال الله ان اراها في مال واولاد منكان سبب في تعليق الامر وكان لي حوالي الاربعة ايام والنظام متعلق

بحثنا عن الشرعية فاذا هم يسرقون امولا الناس باسم الشرعية

نرى صدق المحرم في التعامل ونرى كذب الشرعي والضحك على ذقون الناس

كل ما املك ان اقول ليذهب السوق والراجحي الى مزبلة التاريخ

وان اطلق لهم اصدق الدعوات بان يمحق الله كل من تسبب وان يجعل اغلى امانية الموت ولا يجده وان يذيقة الحسرات في ماله وابنائه ومن يعول

لا احد ينكر فانا مظلوم والمظلوم له حق الدعاء من غير تعيين

[المعذب]

الراجحي هو السبب 1000000000000000%
سبق انني بعت اسهم بمبلغ كبير وعلق الامر ولا ادري عن العملية هل بيعت ام لا وتم حجز المبلغ اكثر من خمسة ايام وتم فك المبلغ بواسطة كبيرة وبصعوبة بعد ايام
ثم سحبت فلوسي وتركت بنك الفلس بنك الراجحي المتخلف

[abobander]

طيب يااخوان انا سامبا نفذ لي مرتين باجزاء الريال في الجماعي والراجحي
قبل اسبوعين تقريبا
امحق بنوك وامحق مؤسسة نقد

[sattam]

أخي الكريم حصل معي مثل ما حصل معك تماما وهذه مهزله إن إستمرينا في السكوت عليها المصرف يعوض خسائر صناديقه من محافظ عملائه و
هذه بعض أرقام معلف الراجحي ( منقول )
- فاكسسس مباشر لدي مدير الهيئه012797755
2-الدعم الفني والخاص بالتعليقات وتحويل الاسهم في المحفظه بطريقه الغلط
012116485عبد الرحمن الفرحان ومعه مجموعه كبيره وتلفونهم المباشر لكنهم كثيرا مايردون عليه 00
مدير الدعم الفني والمسئول الاول/ وليد الطويل 012116717و012116188
و000000000000وفاكسسسسسسسس الشكاوي لدى الدعم الفني0 14600705
الاتصال على :

012116444 مكتب المدير العام

012116437

مدير ادارة الأسهم والاستثمار
عمر الفنتوخ
012116169
او حميد العنزي
012116436
مدير نظام تداول
سليمان العبيد
012116555
وليد الطويل ( مباشر )
012116178
سعيد الغامدي
012116445
اهم شيء رقم المدير العام لازم تصر على مكالمة المديرالعام مهما قالوا لك من اعذار
إدارة تداول
012181200
012181236
فاكس 012181220

[Optimist]

ابو مشعل حصل معاي نفس الشي في بنك الشؤم بنك الراجحي

ورطني بأسهم وبأسعار لاتصدق وفي النهاية يقول الامر كان معلق ولمدة أسبوعين !!

والمشكلة السيولة موجودة !!! كيف تعلق الامر ؟؟؟؟

انا والله ودي ارفع قضية على البنك وأتمنى من جميع المتضررين الوقوف معي ومساعدتي صدقوني راح نطلع بتيجة

لمراسلتي Bader2004@gmail.com

[ابو مشعل البالتوك]

حسبي الله ونعم الوكيل

[مقرن]

قسما بالله العظيم حصل معي نفس الشي
الراجحي ينهب اموالنا ياناس

[DREAM]

اقسم بالله حصل معنا نفس الشيء بس في سامبا

[محمد الغامدي]

1-سجل الخطأ إللي صار عليك
2- أطبع الإثباتات ( أن طلبك كان ليوم واحد + ويوم دخول الأسهم لمحفظتك ).
3- أكتب خطاب إعتراض.
4- إرسلها للبنك - وصورة لمؤسسة النقد.

وحقك لن يضيع - فقط أثبط وطالب ولا تسكت.

[ابو مشعل البالتوك]

اخوي محمد الموسسه ردد ياليل ماطولك

[شت داون]

حولوا الكاش للجاري فورا من باب الاحتياط