لماذا هذا التذبذب هل اموالنا اصبحت تحت رحمه عصابه مضاربي الاسهم [الأرشيف]

مساعد بروكر

11-03-2006, Sat 11:58 AM

لماذا هذا التذبذب اليومي طال الامر الان تجاوزت المدة فوق الاسبوعين ونحن تحت رحمه عصابه مضاربي الاسهم هل اصبحت اموالنا تحت رحمه هؤلاء العصابه التى لا رحمه في قلوبهم بل عبيد المال الضرر وصل الى كل بيت نحن لانقول ان الاسهم ترتفع كل يوم ولا تنزل وتهبط كل يوم من دون مبرر ونحن نعيش في طفرة اقتصاديه تنعم فيها المملكه

MOTAMYZ

11-03-2006, Sat 12:29 PM

وسع صدرك ياخوي ولا تزعل نفسك الزم ما على الانسان صحته
يقول المثل إذا كان مقاضيك القاضي من تقاضي
واذا امنو العقاب قل الادب
وهذا اللي صاير لما كانو يرفعون السوق وقفوهم
ولما الكل يشوف الرش والتنزيل الهيئة ساكته ومستانسه
هذا اذا ماكان ابليس واعوانه هم اللي نزلوه وجالسين يتفرجون علينا
الله يكون في عونا
على الاقل اللي مشتغل بفلوسه هذا مايهمه
المسكين اللي ماخذ قرض ولا سلف ولا تسهيلات
وش يسوي
يوم الثلائاء انا وواحد من اصحابي رحنا ناخذ الاجار من عند احد مستاجرينهم
والله طلع يبكي والله رجال عمره فوق الاربعين سنه يبكي واولاده جنبه
وزوجته تترجى فينا نصبر عليهم شهرين لين يتعدل وضع السوق ويمديهم يبيعون
اغترو بالسوق ودخل صدق 640 ريال بكل فلوسه والله اخذنا للمطبخ وفتح ثلاجته ما فيها الا خبز وبيض والله العظيم قدام عيوني
والله اني انا وصاحبي بكينا غصب عنا
تخيلو الموقف معاي
وتجيك الهيئة تقول حنا حذرنا وقلنا وقلنا
لو تجيه نوبه ولا يرتفع ضغطه ويموت
ويسئلكم ربكم وينكم فيه عن الامانه اللي عندكم واموال المسلمين
بتقوله حنا حطينا اعلان لا تشترون اسهم خشاش وانتقو اسهمك طيب اللي نزل كل السوق مو خشاش ولا عوائد
يا جماز انت وشلتك اتق الله في اموال المسلمين
وخاف يوم لا ينفع فيه مال ولا بنون الا من اتى الله بقلب سليم