المساعد الشخصي الرقمي

مشاهدة النسخة كاملة : ابو عمر رجع للسوق ياشباب


عزيززز
28-09-2001, Fri 6:12 PM
السلام عليكم


ابو عمر رجع للسوق ياشباب

مبروك لنا جميعا هذا الرجل الطيب
صاحب التفكير القويم
alharbi
28-09-2001, Fri 8:03 PM
والله والنعم بابوعمر
وحياه الله

بس وين هو وكيف عرفت انه رجع يالغدار
الحـربي
30-09-2001, Sun 12:54 PM
مشكورين على مشاعركم ياشباب

والواقع اني لم ارجع بصورة كاملة ولكني قلت للغدار اني اليوم شريت بالسوق لسبب ان نازبول والاستاذ يقولون هذا وقت الشراء والحمد لله شريت بكم شركة وتوفقت فيها.

وبعدين السبيعي ماقصر قال لي اشتري من شركة الكنز المدفون ولكن بسبب عدم مطابقتها للشروط الشرعية رفضت ولك امس اعطاني شركة ثانية وتتطابق حسب مؤشر الداو جونز وشريت فيها مع السبيعي يمكن تطلع نظريته صحيحة والا الله يعوض علينا .

وصدقوني اتمنى رجوعي للسوق ولكن الدراهم غالية والسوق لازال لم يعطي اشارة الرجوع بالكامل وتحياتي الخاصة للحربي بالانكليزي

مشكورين مرة ثانيه وعساكم ذخر
alharbi
30-09-2001, Sun 3:36 PM
حياك الله يابوعمر

والله من زمان عنك وعن اخبارك الله يجزاك خير

واشكرك على شعورك نحونا يابوعمر

وترى السوق لازال يترنح ولم يثبت انه ممكن يستثمر فية وخاصة بالنسبة لغير المضارب اليومي

اما العوده للي مابيوجع راسة فينتظر الى ان يرتفع السوق لاسبوع على الاقل واعني انه يصل لل 1800 او 1700 نقطه على اقل تقدير ومن ثم يمكن الرجوع

اما انا انصحك بالمضاربه اليوميه والله فيها شغل طيب ترى خاصة هذه الايام

وترى يابوعمر ذاك اليوم في الغرفة شوقتنا للسوق السعودي بس ترى نحن في انتظار نصيحتك عنه وانا انوي بصراحة استثمر جزء في السوق السعودي بمجرد ما يعتمدون ويشغلون نظام تداول الجديد

هل تنصح به وفي اي الشركات
لاتقول الاسمنت تراه طلع فوق نفخوا الاسمنت اكثر من اللازم

اخيك الحربي الانجليزي هههههه
الحـربي
30-09-2001, Sun 9:40 PM
اخوي alharbi

مرة ثانية شكرا لك بالنسبة للسوق الامريكي انا دخلت من اجل المضاربة ولقد جربت يوم الجمعة الماضية بعض المضاربات في هذه الشركات التي اخذت اسمائها من قائمة الاستاذ في منتدى المؤشر وهي

SYMC
LSCC
MCHP
XLNX
CCMP

والحمد لله كلها فيها ارباح طيبة الا الاخير بعته بخسارة وبعدين اشتريت من شركة السبيعي الجديدة وننتظر.

على كل حال انا ماراح انتظر السوق حتى يرتفع الى 1700 او 1800 نقطه اذا شفت بوادر ارتفاع راح اكمل المشوار والا اعتز فتره كالمرة السابقة وانتظر لحين فرصه ثانية.

اما السوق المحلي الحمد لله حصلت ارباح طيبة وطلعت منه بعد الضربة بيوم وهذه الايام اشتغل فيه على خفيف جدا ولاانصحك بالدخول الا بعد تشغيل النظام الجديد يوم السبت القادم وتجربته والزين فيه انك تقدر تشتري وتبيع بنفس اليوم وانشاء الله بعد بدايته ونجاحة اعطيك بعض الشركات التي تصلح للمضاربة السريعة والله يوفقك
alharbi
30-09-2001, Sun 10:32 PM
اخي ابوعمر
ترى كنت اقصد بالنسبه لل 1700 او 1800 نقطة في الناسداك للي ناوي استثمار

اما المضارب يشتغل يوميا وفي كل الاحوال

وبالنسبة للسوق السعودي انا غير متابع له واشهي الضربه الي تقول عليها
عسى ماسارت فيه ضربه بس
الله يستر

اما شركة السبيعي (تسجلت باسم السبيعي الشركه خلاص هههههههه) والله ارتفاعها عجيب

ولاتستبعد انه انسايدر في ذالشركة هههههه
الحـربي
30-09-2001, Sun 10:53 PM
اخي الحربي

قصدي بالضربة حقت امريكا لانها ضربت سوق الاسهم ضربة قاصمة اما شركة السبيعي خل بالك الشركة الاولى التي ارتفعت لاتنطبق عليها الشروط الشرعية ولكن الثانية تنطبق عليها الشروط حسب مؤشر داو جونز وانا شريت 3000 سهم ب 3.05 دولار الله يستر مايورطني السبيعي .
alharbi
30-09-2001, Sun 11:15 PM
والله يابوعمر الاوله انا شريت فيها
ربشنا السبيعي
اما الثانيه ناويها انا ان شاء الله يوم الاثنين

بس ترى اخر عمليه عليها تمت ب 100 سهم شراء عند 3.16

ووضعها طيب وباذن الله بنعين خير منها ان شاء الله

وحجم التداول زاد بطريقه غريبه وهو واضح شوف في الشارت والشراء ايضا زاد عليها

على اي حال ماظن ان شاء الله انها بتنزل اكثر ولكن لضمان خط الرجعه اعمللها ستوب ليميت اوردر لتضمن باذن الله انك ماتخسر فيها لاقدر الله

ولو ان نسبة ارتفاعها كبيره ترى

السهم عنده مقومات الارتفاع بصراحه يابوعمر
صنهات
13-11-2001, Tue 8:03 PM
السلام عليكم ورحمة اللهّ وبركاتة
في نظري ان السوق الاسهم السعودية فية فرص ممتازة وسريعة
وخاصة بعد استيعاب النظام الجديد تداول