سهم مقلقني يا ابو بني

[الاحمدي]

اخي ابو بني

اليوم صار عندي شي غريب جدا وابي مساعدتك بحكم تخصصك في البني ستوك.

كان عندي سهم اسمه PDIMQ مشتريه من شهور ( ناسي بكم بس سنتات والله اعلم ) عدد الاسهم 15000 سهم .

المهم

السهم من مده وما يظهر عليه اي سعر وكأنه ميت ( يبين صفر ) وانا مطنشه .
اليوم ظهر عندي سهم في حسابي اسم prdm واختفي السهم ابو صفر وكمان نفس عدد الاسهم 15000 سهم . بسعر نص دولار تقريبا .
انا عرضته للبيع وفعلا اتباع جزء من الكمية .
الان انا قلقان وقاعد اوسوس وخايف الاميرتريد يكونوا غلطانين ويطالبوني بالسهم .

اذا ما عليك كلفه تشوف لي وش الموضوع في السهمين pdimq prcm
هل هما سهم شركه واحده واتغير الاسم ولا انا اكلت حق الخواجات ؟؟

بارك الله فيك

[ممدوح]

ما شاء الله يا لاحمدي
ان شاء الله مبروك
هالكفار ما يغلطون الله ياخذهم
على العموم ليش انت استعجلت وبعت ؟؟؟ :D :D :p :p :p :D :D
ان شاء الله انهم يكونون واحدة وحتى لو لم يكونوا واحدة ولا من درى ولا من سمع ولو فيه علم بيطلع لك خلال يومين
لكن انا طلع علي يمين ما عاد أبيع أسهمي ابو سنتات
شكله اليوم اللي يتمنى فيه الواحد أسهم أبو سنتات أصبح قريب
وأخاف نندم على هذا الموضوع حيث لا ينفع الندم
http://thegulfbiz.com/vb/showthread.php?threadid=9279&highlight=%C7%DE%CA%D1%C7%CD
وانا بدوري ادعوا ابو بني للوفاء بالعهد ووضع أسهم حلوة ندركها قبل الفوت
اخوك يالأحمدي المخلص : ممدوح

[abu_penny]

الاخ الاحمدي تحية طيبة

اولا : تطمن السهم هو نفسه .
ثانيا : معلومات مختصرة عن الشركة :
- كانت الشركة تتداول تحت الرمز : PDIMQ ولكن الغي السهم بسبب طلبها وضع نفسها تحت قانون الافلاس لاعادة ترتيب امورها وهذا هو الاجراء الذي تم وتاريخة بالضبط :


08:30 PDIMQ** Prandium Inc 07/03/2002 Bankruptcy Reorganization - plan became effective 7/2/2002


- في 7 /8 /2002 عادت للتداول تحت الرمز : PRDM

وهذا هو الخبر باختصار :
IRVINE, Calif., Aug 7, 2002 /PRNewswire-FirstCall via COMTEX/ -- Prandium, Inc., (OTC Bulletin Board: PRDM) announced that its new common stock became eligible for trading on the NASDAQ's Over the Counter ("OTC") Bulletin Board system under the symbol "PRDM" beginning at 8:30 a.m. Eastern Daylight time Monday, July 29, 2002


- الشركة لديها 170 مطعم في 21 ولاية امريكية وتستخدم الاسم التجاري :
Chi-Chi's, Koo Koo Roo

- هذا موقع الشركة في الانترنت اذا احببت ان تطلب وجبة بالطائرة او تعرف نوع الطعام .http://www.prandium.com

- اخر اخبار الشركة كان في يوم : 13/11 وقالت انها سوف تقدم تقرير عن اعمالها ولم يحدد الوقت .


والله اعلم والله الموفق

[الاحمدي]

بارك الله فيك اخوي ابو بني وما قصرت

انا عارضها بيع علي 53 سنت واتباع منها 2500 سهم .
شكرا مره ثانيه

اخوي ممدوح
انا بعت لاني شايف السهم نازل بقوه فقلت الحق اللي اقدر الحقه ومشكور علي ردك.

[ابو رواف]

وانا اقول وين اسهمي ال 15000 في شركة prdm ؟؟ اثاريهم عطوك اياها يا الاحمدي . ولو تستاهل بس اذا خلصت منها رجعها . هههه (( امزح )) . والله يوفقك يا الاحمدي .


وانا عندي مشكلة شبيهه بس نتايجها مدمرة .

انا شريت عدد 16000 سهم في شركة zcc وكا العادة فلست الشركة او ما ادري وش صار عليها , . بسعر 0.1 دولار

المشكلة في ثالث يوم للشركة وقفوا التداول عنها الى اليوم هذا . قلت عادي .
بعدها بشهر اختفت الشركة من الاستريمر , قلت عادي .
بعدها بشهر اختفت الشركة من محفظتي !!!!! ولا حطوا لا رمز الشركة ولا قيمة الاسهم . قلت عادي شكلي جنيت على الشركة والمستثمرين فيها يوم جتهم بركتـي . ههههه.

ها الايام اشوفهم رجعوا لي رمز الشركة و رجعوا قيمة الاسهم (( مو كاش طبعا , حطوا قيمتها لو ابيعها وهي بسعر 0.06 دولار )) . قلت بس يا ابو رواف رح دور شركتك في الاسواق يمكنها تلقاها هنلك وانت ماتدري ,
وغلاتك وانا اروح ادورها في كل الاسواق في otb و amx واسواق ما ادري وش اسمها , ودورتها في سوق الحريم وسوق الجمعة عندهم ولا لقيتها .

ولها الحين اكثر من 3 شهور ولا ادري عنها .

رحت للمسج بورد في الياهو , والقا لي ناس مثلي مضحوك عليهم وقاعدين يسبون فيها ويلعنون في واحد مسؤل في الشركة ناسي وش اسمة بس شكلة نصاب ولاعب عليهم (( قلت في نفسي ماعليك يابورواف هو اول واحد ولا اخر واحد ينصب عليك بعدين ميزتك يابورواف انك ماتدري وش النصبة وهذا يدل انة مو مضحوك عليك , قالت لي نفسي وش رايك تنطم يابو رواف احسن لك . !! .





والى يومك وانا ما ادري عنها .

[الاحمدي]

تفداك الاسهم يا ابو رواف

تصدق عاد .....
هذول اميرتريد والداتيك من قبلهم مدري وش بلاهم

السهم هذا من الشارت حقه كان بدولارين ونص الشهرين الماضيه وعندي مختفي ومصفر وانا نايم في العسل. لا ولمن شفت النص دولار ما صدقت خبر وبعت .

عسي بقية الاسهم المصفره تفتح بدولارت يا رب.

[ممدوح]

بانزل هنا مجموعة من أسهم البيني
للتأمل في الشارت فقط
وشوف الحاجة الغريبة في هذا الشارت
ركز زين في الدائرة

[ممدوح]

هذا السهم خسران 98% من قيمته
مليون سهم =100$
خلهم يقسمون عكسي مهو نخسر المية دولار في YHOO
يعني الخسارة عادي اذا فيه
لكن الربح بيكون دبل
تخيل بس يطلع السوق او ينزل عليه خبر أو حركات مضاربين ويطير الى سنت واحد فقط =10000.00$

[ممدوح]

نبغى من ابو بني والشباب يدرسون لنا كم شركة ونحاول نشتري فيها على امتداد شهر او اكثر كل يوم واحد يشتري فيها وما نبيع نخليها على الاقل سنة ولان سعرها كل يوم يرتفع بيطمع فيها الناس وش رأيكم
كل واحد يشتري فقط بمية دولار وننساها هههههههههه
ملاحظة هذه الشركة أعلى سعر لها في السنة دولار نعم دولار
والحين نازلة اكثر من 99% من قيمتها واليوم فوق متوسط 13 يوم لكن مهو مقياس على سعرها
ههههههههههههههههههه