يا أخوان للأهمية .. أي اجتماع للجمعية العمومية العادية .. معناه ( برمصة ) ..

[النوخذة]

والبرمصة هاذي اختصار لــ ( براءة ذمة - مصادقة ) ..

أخذنا من كل كلمة الحرفين الأولين .. ولزخناها بتاء التأنيث ..

يعني مالنا منّة على مصطلحات اللغة العربية ..

يعني بالعربي الفصيح بربسة ..

( أقطع يدي ياالنوخذة .. إذا بربسة .. موجودة في العربي الفصيح )

يعني صبّه .. حقنه .. كله لبن ..

اجتماع عادية ... برمصة

اجتماع جمعية غير عادية .. فرفشة ..

عاد احسبوا حسابكم من الان فصاعدا ..

يا مجالس الإدارات .. إذا دعيتونا ..

لا تقولون : ندعوكم لحضور اجتماع الجمعية العمومية العادية ..

ولا تقولون : ندعوكم لحضور اجتماع الجمعية العمومية غير العادية !

قولوا .. تعالوا عندنا برمصة .. أو .. تعالوا عندنا فرفشة ..

كذا معقولة .. خلّوا العوام يفهمون مساكين ..

تطير بوهتهم إذا أعلن عن اجتماع .. مثل اللي صار للمصافي !

واخواننا في الله ما يدرون أن الدعوة برمصة في برمصة ..

بالعربي الفصيح .. الفصيح .. تعال اشرب شاهي ..

وكل برمصة وأنتم بخير !

[مضارب محت78رف]

آآآآآآه يا النوخذة
خلصت النغماااات نغمة الشربتلي ونغمة المليارات وما لقيت الا
برمصة في برمصة؟

[سهم أرامكو]

هلا والله بفاكهة كل المنتديات

أبو مشاري
شربت شاهي مع الشباب
أعترف

وش الفرق بين
الـ برمصة
و
الـ مطرسة

الله يحفظك
وين ما رحت .. ويبعد عنك الـ برمصة
هههههههههههه

[adra]

هههههه كلام عسل

لكن هنالك شركات " مثلاً " المراعى ماعندهم بربسة أو برمصة شغل عدل 100% وشركات "مثل " طيبة صار لهم سنه وهم يبرمصون ويمصمصون لين الواحد إستوى "إكتوى" هاااااآه ويقولك الواحد منهم شركة نقية يعنى (صدق×صدق) إلا بربسة ومصمصة وإيش الثالثة ! كله ماشى ياشيخ سوقنا سوق مقاصيص والسلام