المساعد الشخصي الرقمي

مشاهدة النسخة كاملة : خل العوائد تحتري


عصاي
12-12-2005, Mon 10:48 PM
اللي يبي فلوســــــه تزيد = بيدينه وتجــــري جري

يخاطـــــر بقلبٍ حـــــديد = مافاز فيــــها الا الجري

بكل الســــيوله والرصيد = يطب فيها ويشـــــــتري

ياخذ خشــــاش ويستزيد = خل العوائد تحــــــــتري
تقني
12-12-2005, Mon 10:55 PM
تحــــــــتري
أنشهد تحتري
صح لسانك
Stop Loss
12-12-2005, Mon 11:05 PM
انا اشهد ان رايك سديد = ومن ياخذه يصبح ثري
ويطق له بنز(ن) جديد = ويرمي قرنبع مهتري!
والبيت في قصرٍ مشيد = بكوكب زحل والمشتري!!!



ستوب لووز
ذويبان
12-12-2005, Mon 11:37 PM
اصبح الخشـاش العميد .... وبعض العوايد مادري
ياخوفي تجيب فينا العيد .... بسبـب مضـارب مفتري
وتــروح اربــاحـي بـعيد .... وتاخذها ريحٍ صرصري
واصيــــر خبــلٍ مريد .... ويصير في راسي فري



.
دايم السمو
12-12-2005, Mon 11:48 PM
اللي تقوله مافي جديد وكل يوم فيه مددي

خل اللي قلبه حديد يجي يشوف وشهوا سهمي
كل ريال فيها يزيد وراعي العوايد يحتري
كاشفهـم
12-12-2005, Mon 11:51 PM
هذا الكلام ياخوي عصاي = تقوله يوم الخشاش في القاع يحتري

يوم دبل اكثره مرتين وثلاث ويزيد = قامت ابيات القصيد تثنى وتنثري

اشتر با العوايد الحين شوي ولاتزيد = تراه ماهو مثل الخشاش يقوى وبسرعة ينهري .
عصاي
13-12-2005, Tue 8:17 PM
انا اشهد ان رايك سديد = ومن ياخذه يصبح ثري
ويطق له بنز(ن) جديد = ويرمي قرنبع مهتري!
والبيت في قصرٍ مشيد = بكوكب زحل والمشتري!!!



ستوب لووز

تحية خاصة للاخ ستوب لوز ولا يهون الاخوان

اول نتائج الاحتجاج من العوايد نسبت الاتصالات اليوم

يا ( ستوب لوووز ) انت الوحيد = اللي توســـــــــع خاطري
ادعي لك بعمـــــــــــــــــرٍ مديد = واقول ياجعـــــــــــلك ثري
نظمت مفهومي قصــــــــــــــيد = وانا من العــــــــــالم بري

ومن جاب قبل العيــــــد (عيد ) = لا يتهمــــــني بمصـــدري
ابو بدران
14-12-2005, Wed 6:09 AM
عصاي الراي الاكيد = انك بتبطـــــي تحـتري
طبعنا واحد ًعنـــــــيد = يبيعون وحنا نشتري
النصايح ازرت تفيد = وش نفع عقل مهتري
اليمامة راعيها سعيد = اقوووووووول يا نفس اصبري