اخطاء وسطاء التداول وماهو رد الفعل المناسب(الخطاء اللأول)

[ابو سلطان وسطام]

وسطاء التداول في الصالات تحدث منهم اخطاء اكثرها غير مقصوده ولكنها قد تكون قاتله

كيف يكون تصرفنا حيال ذللك ومالذي يمنعنا من ا جراء الازم لضمان عدم تكراره معنا او مع غيرنا
1)علاقة العميل مع الوسيط اليوميه ونشوء صداقه اومعرفه
2)عدم الرغبه في الحاق الضرر باي مسلم
3)تحاشي خلق اي عداوه مع الاخرين
4)الوسيط يبقى بشر يخطئ ويصيب
5)<وهو المهم في نظري><على قوله المثل ترك الداب وشجرته> اترك الصاله او الفرع اوحتى البنك
واروح لفرع او بنك ثاني

وسوف اذكر هنا واحد من الاخطاء الت حصلت معي وسوف نسمع من الاخوان رددود فعلهم

قبل عدة ايام حصل مضاربه بسيطه على سهم مبرد
اشتريت(عشره الاف سهم) بسعر(37,25) وفعلا نفذت العمليه
عرضت الاسهم الى اشتريتهللبيع بسعر(37,75)
بعد حوالي ربع ساعه اخذوا جميع العروض وتم طلب السهم رسميا بسعر(37,75) وانعرض رسميا بسعر 38
سألت الوسيط هل بيعت اسهمي اجاب كله اخذوها
حتى اطمئن ذهبت وطلبت من الصراف استعلام عن اخر خمس عمليت وتبين دخول مبلغ يقارب (37700)
رجعت للوسيط واخبرته بذلك ورد بأنه من قبله تم تنفيذ العمليه وقال ربما لم يخل المبلغ كامل من قبل الاداره
وان على الانتظار وبعدها نرى
بعد نصف ساعه كررت الاستعلام من الصراف وكذلك من الموظفيت بالفرع والافاده كانت بأنه ام يدخل اي
مبلغ غير الذي ادخل اول مره
رجعت للوسيط وقلت له تأكد دام السهم مطلوب بسعر(37,75) قال انه متأكد الكميه جميعا نفذت


ياجماعه هالحين وش اسوي
انتهى الدوام ورحنا كل لهله وفي اليوم الثاني تدرون وش صار اعلمكم في الحلقه القادمه غدا

ما اقدر اصبر لازم اكمل هالحين

في اليوم الثاني رحت للوسيط وسألته وش صار عسى فلوسي دخلت الحساب قال ابي اشوف

طلبت ان يعطيني(برنت) عن المحفظه)
وجدت في محفظتي (تسعة الاف سهم ) مبرد
من جهات هالاسهم انا ماشريت شئى انا بعت الي عندي في مبرد


وششششششششش صار

الاخ المحترم الوسيط باع (الف سهم فقط) مبرد

نسي صفر بس صفر ياجماعه

ومن يومها والسهم ما وصل السعر الي طلب فيه

وكلنا يعرف ان الواحد منا يشتري السهم على اساس يبيعه في الوقت المناسب والي ممكن مايتكررالا بعد فتره

[راكــــان]

فيه هيئه حكوميه مختصه اذا اردت المز يد عنها اخبرتك

[متوقع]

- يخوي ابو التوأم

- انا مره صار معي اني طلبته يبيع بسعر العرض بالسوق
- اخونا راح شرالي وهي بحلقي لليوم هه وش نسوي
يعملونها علينا دايما لكن يوم فكرت اقدم شكزى ومعي اثبات اني عرضت ما طلبت
- تدخلوا الاجواد ههه شوف ياخي ويقولون ضعيف يا شييييييييخ
- خله ياكل عيش اكله خرتيت :D وحدث ولا حرججججج .

[أبو عبود]

المفروض فرع البنك هو الذى يتحمل كامل الخطا اما الموضف فيكون محاسبته على البنك خاصه اذا كان خطا كبير000

[رابح]

ترا معنى وسطاء.. خلوهم يدافعون عن أنفسهم..

شخصياً أتعامل مع ثلاثة بنوك.. بتقولون ماهو صاحي :) بكيفكم..

ولكن لعدة أسباب.. أولها أتخلص من المشاكل التي تحصل دائماً في أنظمة البنوك..

ثانياً أتخلص من الرقابة ( رأس حربة :D ) .. حقيقة.. أكثر الوسطاء يراقبون عمليات العملاء خصوصاً من يتداول عن طريق الإنترنت.. فأما أن يزاحمك بالطلب أو أن يعرض معك.. أو يبيع عليك..

ثالثاً يمديك تتدلع عليهم.. إذا زعلوك رحت للبنك الثاني..

أما عن أخطاء الوسطاء.. فحدث ولا حرج..
أكثرنا يتحمل الخسارة خصوصاً إذا كانت علاقته جيدة معهم.. وياما أشتروا لي بسعر أعلى أو أحيانا مثل ماصار للأخ أبو سلطان أتفاجأ بوجود أسهم في المحفظة..

أنا برأيي أن الحل هو التداول عن طريق الإنترنت.. فكل شخص يتحمل خطأه.. ولكن عن طريق أكثر من بنك..

[سيف الخيال]

لا الوم الموظف ........... اذا كان الموظف السبب في هذا الخطاء .

[ابو سلطان وسطام]

الاخوان جميعا مبروك الشهر وكل عام ونتم بخير




الاخ راكان

ياليت تعطينا معلومات عن الهيئه الحكوميه علشان الجميع يستفيد

امل ان تكون المعلومات مفصله

[راكــــان]

هي هيئة فض المنازعات الحكوميه وموقعها مقابل وزارة الدفاع عمارة صندوق التنميه العقاريه الدور الخامس لديها جميع القضايا التي تتعلق باالبنوك و قد كسبت عندهم قضيه ضد احد البنوك وهم على خلق في التعا مل ومايضيع حقك عندهم

[أبوعبدالحكيم]

شخصياً أتعامل مع ثلاثة بنوك.. بتقولون ماهو صاحي بكيفكم..

ما الحكمة أخي رابح في ذلك فيكفي اثنان على الأكثر !!

[رابح]

أسرار المهنة ;) ..

أكبر خطأ يابو عبدالحكيم التعامل مع بنك واحد..

بالنسبة لي بنكين لتداول الأسهم.. وبنك ثالث للمؤسسة..

وهناك أسباب أخرى سأذكرها لك لاحقاً..

[أبوعبدالحكيم]

أجل ..وقعت في المطب أخي رابح كما وقعنا الحازمي أمس :)

[ابو سلطان وسطام]

الاخ رابح

حقيقه انا لم افهم الاتي حقيقة.. أكثر الوسطاء يراقبون عمليات العملاء خصوصاً من يتداول عن طريق الإنترنت..
الرجاء الايضاح اذا امكن حت تعم الفائده

[ابوفارس]

الموظف بشر والكل يعرف هذا .

هذا أولاًً......

ثانياً لتجاوز أو لتقليل نسبة الخطأ على الموظف أن يعيد الأمر على العميل ويسأله في النهاية هل هذا صحيح وعلى ضوء إجابة العميل يتم التنفيذ أو التعديل

أليس كذلك

[ابو سلطان وسطام]

الاخ ابوفارس

احسنت ولوتم بطريقه الي ذكرتها للأصبح الخطاء على العميل وليس على الوسيط

لكن الحاصل عكس ذلك تماما

ولاحظ اخي ابو فارس انني سبق وان كتبت الاتي

4)الوسيط يبقى بشر يخطئ ويصيب

[الحاجز]

طيب واللي طلب شراء اسمنت القصيم ........وجاه الوسيط والضحكه من الاذن للاذن ويقولك نفذتلك القصيم

الزراعيه.......:( :( :(

[ابو سلطان وسطام]

والله ضحكتني اخوي الحاجز

اتا اعرف واحد حصلت معه نفس العمليه

[رابح]

يابو سلطان بعض الوسطاء.. يراقبون أوامر وعمليات العملاء.. لأنهم ببساطة يشتغلون بالسوق بأسماء أخرى.. غير أسماءهم..

فإذا وضع العميل أمر.. قالوا أكيد هذا عنده خبر أو معلومة وراحوا حطوا أمر مع أمره.. صدقوني تصير.. واسألوا الوسطاء..

[ابو سلطان وسطام]

الاخ alhazmi
الرجاء ايضاح
لا الوم الموظف ........... اذا كان الموظف السبب في هذا الخطاء



وشكرا

[سيف الخيال]

الضغط على الموظف يولد هذه الاخطاء .

ثانيا الموظفين بحاجة الى تدريب على هذه الانظمة جيدا .

المفروض ابتعاث الى الوسطاء المتقدمين في هذا المجال لكي يكتسبون خبرة جيدة ، ولكن بنوكنا فالحة بشفط الدراهم فقط لاغير .

[ابو سلطان وسطام]

انا اوافق معك في هذه

وفعلا هم بحاجه الى تدريب

امس كنا نناقش موضوع خاص بنظام تداول الموظف (الوسيط) مصر على رايه الخاطى

حتى تم اقناعه بأن قمنابتنفيذعمليه على الشاشه لاثبات انه غلطان
مع العلم يفترض ان يكون ملم بجميع المعلومات الازمه
وحدث ولاحرج عن البطى والتخير

[ابو سلطان وسطام]

الاخ عبود

لو فرضنا ان البنك تحمل ثم حملها على الموظف.... يبي يجيك الموظف قبل ما يتحملها
البنك ....ويفك نفسه


المطلوب ان يتعلم الموظف انه اخطاء ويحاول ان لايكرر الخطاء ..او انه يثبت انه غير

مكترث

[ابو سلطان وسطام]

وين الوسطاء حتى يدافعوا عن انفسهم

او لتبرير مواقفهم وشرح ما لديهم

[ahmad5]

هيئة فض المنازعات المصرفية مختصة بحسم النازعات التي تكون ضد البنوك وإذا اردتم معلومات عن هذه الهيئه واجراءات الترافع امامها فأنا رهن اشارتكم

[قاصد خير]

اخر عهد لي بالسوق المحلي عام 98 تركتة لانة سوق متخلف ولا فية تقدير لنوعية العمل هذى شركات عالمية عايشة علىالاسهم وربعنا يفكرونة تسلية وقمار يوم اني قررت اترك السوق طلبت من الموظف يبع كل اسهمي في اسمنت العربي الاخ راح وشرا زود-موظف ثاني تطلبت منة يبيع اسمنت السعودية كان يوم خميس اخر يوم للاارباح وطلبت منة يبيع بسعر السوق بعد ما قفل السوق يقول اسف ما انباعت وبعد ما تكلمت علية من الزعل يقول يا خوي انا مالي دخل في السوق انا صراف وحاطيني مكان الموظف الاساسي لانة في اجازة ونا معرف ادخل الامر في الجهاز هذي المصايب كلها شفتها في بنك الهولندي الفاشل خصوصا فرع مدينة الخميس-والافشل منة فرع الخبر السوق المحلي والسوق الامريكي ياجماعة بصراحة ومن خبرة لالاتعامل مع عربي او حتى مسلم في هذى المجال واللة من خبرة خلك مع البروكرية الامريكان 100في100 فقط

[abo hamad]

حصل معي بالفرنسي ما لم يحصل مع فرد اخر
اسم العميل الاخر الاسم الاول - نفس اسمي
رقم حسابي مشابه لرقم حسا به الى حد كبير - طبعا حا ورت الموظف وقلت له اعرض لي الكهربا
قال ما عندك كهربا وانا متا كد من ما بمحفظتي من اسهم وعددها طبعا هي (تحويجه ) مع شوية كاش
اصر اخونا على رأيه وهذا الكلام بيني وبينه تلفونيا وهو ايضا ايضا يتكلم مع زملاؤه يعني مهو مركز
الا بعد ما قلت له اصحى يا نا يم 0
طبعا الموظف المحترم اعطاني ما بمحفظة العميل الا خر ببدا ية الحوار 0
هذا نموذج لما يدور بالبنوك ضاربين بخدمة العميل ومصلحته عرض الحا ئط , رغم العمولات العاليه
واللي يتقا ضونها بسبب خدمتهم السيئه 0