المساعد الشخصي الرقمي

مشاهدة النسخة كاملة : زحمه فى المنتدى ........!!!!!!!!!


حاتم
30-10-2002, Wed 9:45 PM
..سسلامات ..اعضاء من مده ماشفناهم..اليوم مسوين زحمه فى المنتدى الله يحيهم ويبقيهم بخير ..وابو عمار بداء يتفقدهم واحد واحد بعد هالنجمه المبروكه صاير شعله..وشوفه يسال عن اخينا الحناوى الكابتن ..كلنا فاقدينه فعلاااا..وقدومكم ياخوان بشششششائر خير على سوقنا الواعد ان شاء الله..مع اجمل تحياتى للجميع.
حمد23
30-10-2002, Wed 10:53 PM
اخوي حاتم

انت ما لاحظت يوم ارتفع السوق قبل أمس شوي... العالم كلها طلعت من البيات الصيفي ... بس للأسف السوق ماواصل الارتفاع هذاك اليوم ... لكن اليوم ارتفع وان شاء الله انه يواصل ارتفاعات الأيام القادمة وراح تلقى كل الأخوان مدهرين ... بس خل السوق يعطيهم فرصة .

بس والله هالنزلة القوية المتواصلة للسوق عطتنا دروس كثيرة ولا لا
أبو عبود
30-10-2002, Wed 11:30 PM
الله يتمم البهجه والسرور بين الجميع وبمزيد من الارتفاع للسوق ونشوف المنتدى مدهر بالمواضيع والمناقشات البنائه التى عودنا عليها بقيادة الحكيم واعلام المنتدى وجميع الاعضاء والله المعين00
ريمـــا
30-10-2002, Wed 11:36 PM
احم احم





عشااان تدعون لي في كل ريال تكبووونه سوووري اقصد تكسبونه


يااااحظي والله ياني بحصل دعاااوي


الله يعطيك العافيه ياريمــــــا ويديمك خييييييييييير لهذا المنتدى



يااعمري عليك ياريما يااوجه الخير
كحيلان
31-10-2002, Thu 12:00 AM
صراحه ياديما بديت أشك فيك ,الظاهر أنك هاموره .والأ حظك ماشاء الله عليك قدامك جيتي بعد مامل السوق
من الهبوط وبالنسبه لوجه الخير جميع أعضاء هذى المنتدى وجيه خير وفيهم الخير والله يديم المحبه بين الجميع .

وبالنسبه للاخ العزيز الحناوي ترى الظاهر أنه زعلان من الأخوان أخو نوره وفيصل محمد لأنه نصحهم

بالشراء بالسيارات وماصار عليها شي (هذا الي قالوا لي أياه على الخاص).لكن يضل الحناوي هو الحناوي

له منا كل الأخترام والتقدير .
حاتم
31-10-2002, Thu 1:19 AM
..عاد لو ان هالسوق ياحمد.. اللى ماغيره سوق فى الدنيا ولا احسن منه بششركاته الواعد يزفون فرحت هالتجمع المبارك بارتفاعات حلوه كان شفت.. انقول ياريما انت ملحة المنتدى وكلك خير وبركه ..وابوعبود بس يتحمد ويتشكر من كثر الفلوس مايدرى وين يحطها..والاعاد كحيلان انقول كحل عيونك بالبيارق الخضراء تدهر فى السسسوق.. ولا صارعارف سالفه الكابتن (الحناوى..؟)..سوها مع الاخوان جزاك الله خير وترى السوق فووق وخله يجينا على طوول وينبش لنا فى الزين..ترى له نظره ماتخيب الله يحفظه.
..ياخوان ..حنا تفائلنا وثقتنا بسسوقنا السعودى ماتتغير .لسبب بسيط اقتصاد قوى وشركات واعده ..ولو ان هالشركات فى وول ستريت كان مؤشرهم وين..؟ واملنا ان شاء الله تتحرك عجله السوق والمشكك يخيب ظنه ..وربكم كريم.
حمد23
31-10-2002, Thu 1:37 AM
تسلم حبيبي اخوي الغالي حاتم وعن اذنك

تقول ريما : (احم احم عشااان تدعون لي في كل ريال تكبووونه سوووري اقصد تكسبونه)

اقول والله حنا ندعيلكم في كل مره وكل شئ نكبه .... سواءاً كان ريال ولا شئ ثاني... الله يديمكم ويديم فضلكم. وكلنا كسبانين على أي حال ديما.
حاتم
31-10-2002, Thu 2:01 AM
..لاتلوم ريما ياحمد تراها من الفرحه قصدها ثانى..وش دراك دخولها حرك الاسهم..وقلولها ان جاء مكاسب ابشرى بالخير..وتستاهل.
the_end
31-10-2002, Thu 2:24 AM
اذا كان السوق طالع يحييك يا حاتم ..

الحي يحييك والميت يزيدك غبن ..
ابو مرام
31-10-2002, Thu 2:25 AM
ان الازدياد يدل على صيت المنتدى الطيب والله يزيدنا بالصالحين