المساعد الشخصي الرقمي

مشاهدة النسخة كاملة : بمناسبة اجازة السوق:ماغير اسامر ضحكة الجدي لسهيل


aaajrm
19-08-2005, Fri 5:46 PM
ابطيت ياقلبي تحــــــــرا المراسيل
من قلب يستكثر عليك الرساله

غرامه اللي كحل العين تكحيل
مات الغرام وباقياتٍ ظـــــــــلاله

لوهو بكيف العين ماتسهر الليــل
ولو هو بكيف القلب وثق حبــــاله

يلومني في حب ( ؟؟؟ ) العواذيــل
والعاذل المهبوول مالي ومــاله

من دار زايد لين تقبل على النيل
كل الحظر والبدو مابه جماله

بعض الغرام يهد حيل الرجاجيل
وبعض الغرام مراهقات وجهاله

ياطير ياللي بالسما دوك بالحيل
احملك للزين مني رســـــــــــــــاله

تنثر سلامي فوق قصره مع الليل
وانشد عن اعلومه وعن حال حاله

قله عيوني عقب فقده هماليل
اتبع سراب اللال رجوى وصاله

ماغير اسامر ضحكة الجدي لسهيل
واحضن طيوفه واتمنى خياله

اتعبت نفسي في زمان الغرابيل
واللي حكالي خوفي انه حكــا له

بالحيل احبه واعشقه موت بالحيل
انا على عهده وكل الولا لـــه

ياخافقي لو صار بالوقت تبديل
والله فلا انسى حب سقت الغلا له

عهدٍ قطعنا قبل قطع المواصيل
مات العهد والا عهوده سهــــاله

هذاك عندي جيــته جيٍت الســيل
ونا وقلبــي والقصايد حــلاله

منقووووووووووول
WISH
19-08-2005, Fri 6:47 PM
Sah elsanek ya Bu Nancy
aaajrm
19-08-2005, Fri 7:03 PM
Sah elsanek ya Bu Nancy

ومن قال وتراها جتك عطيه
الكـــايد
19-08-2005, Fri 10:53 PM
صح لسانك وماقصرت
الرويلي
22-08-2005, Mon 11:41 PM
صح لسانك وماقصرت