مذكرات دلخ وده يتجر ،،،

[MASB]

قال الراوي :
يقولون ان تسعة أعشار الرزق في التجارة ... والباقي في غيرها من الوزارات .... وأنا من يوم أني صغير والتجارة تروح وتجي معي .... تعرفون منول ألعابنا نصلحها من الأشياء المتوفرة .. فمثلا نصلح سيارة من جيلون زيت (( شل )) والكفرات من (( قمورة )) ببسي تراها غطيان الببسي الغراش مهوب القواطي ...وانا اذا رحت للرياض مع أبوي اجمع (( قمورة )) ببسي من عند الدكاكين واحطها في كيسة وأجيبها معي لديرتنا لأن ماعندنا الا دكان واحد ولايبيع ببسي يعني مافيه قمورة . تصدقون أني اجلس عند راعي الدكان واذا جاء واحد بيشتري ببسي القط القمر من يوم يفك الببسية ... وأقوم وأبيع القمورة على عيال الجيران .. ابيع المية بريال يابلاش ..... ونقوم ونخفس القمورة ونجمعها في مغاط ونمسه ونحط في وسطه (( مكرة خياط )) بدال الجنط ... وتصير كفر للسيارة ... والله ياغبار تشوفه وراى هالسيارة ... ونتفنن في تصليح هالسيارة واللي أهله مقرشين يحط فيها لمبات ةتصير آخر حلاوة ...
المهم يوم كبرت وجيت ادرس في الرياض وبدت السيارات تجي من اليابان واسعارها رخيصة الدتسن جديد بسبعة آلاف وكل موديل يزيد شوي .... وفيه معنا زملا في الكلية حية قلوبهم .. يروحون لجدة آخر الأسبوع ويشترون سيارة دتسن جديدة (( بغبارها )) ويجيبونها للرياض ويبيعونها في (( البرحة )) عند المعارض ويكسبون فيها حوالي 300 إلى 500 ريال نعمة لأن الراتب ذاك الوقت في الكلية 320ريال فقط لاغير .....المهم جازت لي الفكرة وتسلفت من الربع وجمعت لي سبعة آلاف وقررت أجرب حظي .... وكان فيه واحد من الربع يدور له (( 180(( B ومالقاها في الرياض وقلت نروح أنا واياك لجدة ونشتري من هناك .. وافق ... قطعنا تذاكر لجدة والتذكرة ذهاب فقط بتسعين ريال .. يابلاش ... وحجزنا الظهر يوم الخميس لأن الخميس منول دراسة مهوب عطلة .... وجينا للمطار وأول مرة نركب طيارة (( قراوا )) المهم أننا صرنا أول ناس نركب ... وتمددنا على هالكراسي السنعة وجابوا لنا غدا .. وتحسفنا على الكبسة اللي تغديناها في البطحاء قبل مانجي ...المهم ساعة ونصف ووصلنا المطار وفلوسنا في جيوبنا لا بنك ولا شيكات ,,, رحنا لمعارض على طول .. وندور هالصغير ال (( 180 بي )) ومالقيناها التجار أذكياء اذا بغوا يزيدون في قيمة أي شي .. قطعوه من السوق ... ماتلقاه في السوق ويحرصون عليه الناس .... وبعد مدة يجيونه ويزيدون في سعره .....واذا جاء ولو غالي شروه ... المهم طاحت رجلينا وأذن المغرب مالقينا (( 180بي )) ويوم أظلم اللي ونشترى الدتسن ونركب فيه جديد بقراطيسة ورشته ... ونجلس ندوج عليه بين عشاوين على باقي المعارض .. وماش مالقينا شي ... عقب العشا رحنا (( للقهوة )).. تعشينا ... ونمنا فيها ..(( ولا فندق 10نجوم ))... يعطونك فراش ووسادة وشرشف بثلاثة ريال إلين الصبح .. ولا تنشد نظيف والا لا ... الليل أظلم ولا أحد يشوف شي ...يمكن تشم الريحة .. لكن ريحة الجراك تغطي كل شي ... أصبحنا مع فجر رب العالمين وصلينا ورحنا من عقب الفجر ندور على المعارض .... مادرينا أنهم مايداومون الا بعد الساعة 9 .... ودنا نرجع ننام باقي الصفرة بس المشكلة أن الفرش رجعناها وحاسبنا ولو بغيناها يبون فلوس ثانية والأمور ردية .... لقينا الفوالين ومخابز التمييس فاتحين .. ودقينا فول إلين شبعنا والحمد لله .. وشربنا شاهي .. ومعنا دحيم أخو زميلي الله ياهو قروي بالحيل .. يوم جاب لنا راعي المطعم الشاهي في أكواب .. وفيها ملعقة علشان تحرك السكر ... هالدلخ ... فاهم غلط وعلى باله متطور .. راح يشرب الشاهي بالملعقة الصغيرة ..وكل يناظره وهومبسوط على باله متمدن .....
رجعنا بعد الساعة تسع ندور معارض مافتحوا ... وبعد ساعة ونصف عرفنا وراهم مافتحوا ... علشان اليوم جمعة ...... صلينا الجمعة وقعنا نتبرد في هاك الكبري ... رطوبة جدة وخياس ... ماتعودنا عليها صارت ثيابنا طوال ... وشمغنا خمرت ... وثقلت من الرطوبة .. وقبل العصر على خير رحنا للطائف ندور هالدتسن الصغيرة ومالقينا شي ... المهم المغرب توكلنا على الله ومشينا للرياض .. على هالدتسن الجديدة .. ومانمشي الا 80 كم لأن عندنا ذمة مانبي الموتر يخرب وهو جديد يقولون لنا الأولين أن الموتر الجديد لازم ماتسرع عليه ولاتمشي أكثر من 80 الين يمشي الـف ....
= = = = = .... الباقي بعدين ... الكانب ابو هشام
__________________

[بزبوز]

هههههههههههههههههههههه الله يسعدك بس شكل موضوعك قبل الكباري والطيارات شكله فيه شويه مبالغه

[وجيـــه]

هههههههههههههههههههههههههههههههههههههههههههههههههه هههههههههههههههههههه

شوف اذا ماتكمل القصه بزعل ....................

كله كوم والشاهي يشربه بالملعقه كوووووووووووووووم ( الله يرج شيطانك)

[بزبوز]

هههههههههههههههههههههههههههههههههههههههههههههههههه هههههههههههههههههههه

شوف اذا ماتكمل القصه بزعل ....................

كله كوم والشاهي يشربه بالمعلقه كوووووووووووووووم ( الله يرج شيطانك)
ماسألت اوجعته عينه والا لا

[وجيـــه]

ماسألت اوجعته عينه والا لا

بزبوز انت مافهمت الرجال قاعد يشرب بالملعقه مثل الشوربه يعني ههههههههه

[بزبوز]

بزبوز انت مافهمت الرجال قاعد يشرب بالملعقه مثل الشوربه يعني ههههههههه
اجل فضحنا عسى ماقال من نجد

[وجيـــه]

المهم بيكمل القصه الليله ولا كيف !!!!!!!!!!!!!!!!

[بزبوز]

المهم بيكمل القصه الليله ولا كيف !!!!!!!!!!!!!!!!
بس فضحنا والا لا :) :cry:

[المعاصـر]

ههههههههههههههههههههههههههههههه
فمثلا نصلح سيارة من جيلون زيت (( شل )) والكفرات من (( قمورة )) ببسي تراها غطيان الببسي الغراش مهوب القواطي


قواطي صلصه احسن

[الذكي]

ههههههههههه عجل علينا باالباقي.......ولا خلها كل ليله حلقه من بعد الوحده

بس بصراحه خييال واسع.....واحلي شي نومه القهوه.. تلقاهم مبسوطين..


ولا تنشد نظيف والا لا ... الليل أظلم ولا أحد يشوف شي ...يمكن تشم الريحة .. لكن ريحة الجراك تغطي كل شي ..

[وجيـــه]

بس فضحنا والا لا :) :cry:
لا يا شيخ عاااااااااااااااااااااااادي تشخيص ;)

[دايم أخضر]

وأنا اللي قاعد أشخص عند ولدي بمثل هالسوالف..
تصدق عاد أكتشفت اني توني بزر .. لأني مالحقت على دوام الخميس:)

[Saads]

السلام عليكم

يابزبوز الكبارى موجوده بجده اكثر من اربعين سنه
وكبرى شارع خزام دليل على ذلك

بيوتفل ستورى بليز كملها تراك ذكرتنى بافلام ارض العمالقه اللى كان يجيبه تلفزويون جده قبل اكثر من اربعين سنه المسلسل خمسه دقائق ويعطل لمده نصف ساعه تجيك عباره مكتوبه بالقلم(نأسف على هذا الانقطاع سنعود بعد قليل) يقتلون عندك شئ اسمه تشويق

فلا تذكرنى بتلفزيون جده فى هاك الحقبه

عجل عجل الله لايهينك اكمل جميلك

[Arrow]

هاه وبعدين

[Citycenter]

WooooW realy it's very nice story .When I was reading it, all old picturs and felling appeared on front of me.Thanks alots that you make us think about the bast.!:) !!

[شهاب]

اعتقد انك تتكلم في فترة السبعينيات

1976

عرفتها من موديل المية وثمانيين بي

او القعية

[ابونووووورة]

WooooW realy it's very nice story .When I was reading it, all old picturs and felling appeared on front of me.Thanks alots that you make us think about the Past.!:) !!

ههههههههههه
والله روووووووعه

تصلح تسوى حلقة من حلقات طااااااااااااااااش

[سهمي]

هههههههه
والله خوش سياره
مصنوعه من شل وكفرات غطيان
ماشاء الله عليك يابو فيصل خطير
مخترع من يومك صغير الله يخليك لعين ترجيك

لا يدرون عنك اليابانيين والالمان ترا يخطفونك لانهم يدورون العقليات المخترعه

الا ماقلت لنا وش سوى خوينا في السوق شكله صار هامور

سهمي

[مي ad]

هههههههههههههههههههههه الله يسعدك بس شكل موضوعك قبل الكباري والطيارات شكله فيه شويه مبالغه

اولا احب اشكر اخونا masb
لانها فعلا مشوقه وحقيقيه بشهاده ناس اعرفهم كانوا يسوون
هاطريقه ويقولون ان كل كلامه صحيح
ثانيا اخوي بزبوز الظاهر انك توك صغيرونولا لحقت على هالسوالف ياولد النعمه هههههههه

[الاجودي]

اعتقد انك تتكلم في فترة السبعينيات

1976

عرفتها من موديل المية وثمانيين بي

او القعية

++++++++++++++++++++++++++++++++++++++++++++++

لا تقريبا عام 1392 هـــــــــ

الله يازمان سقى الله \يك الايام

[Thiban]

انت تتكلم في فترة السبعينيات 1974

اللة يالزمان البي واللة كم مرة قحصنا عليها

[عتيبي الشمري]

هههههههههههههههههههههههههههههههه

كمل كمل ترى ماحنا عاذرينك
نبي باقي القصه

[محمد سعيد]

ترى ذيك الايام كانت السيارات فى الشرقية ارخص واقل تكلفه واقرب للرياض من جدة 000الله يحفظك ذكرتنا بايام زمان وحلوتها

[بزبوز]

اثركم كلكم شياب انا ماشفت التلفزيون الابيض والاسود وانتو تتكلمون عن زمن السحتوت

[العـوض]

راااااائع

تصدق بعض هالامور لحقت عليها في ديرتي


أهم شيء نفست عن نااااس كانت متضايقة من السوق الله يجزيك بالخير

[مي ad]

اثركم كلكم شياب انا ماشفت التلفزيون الابيض والاسود وانتو تتكلمون عن زمن السحتوت

ياناس اموت واعرف وشو السحتوت اللي قاعد يقوله الصغيرون

[المنبهر]

كأنك تحكي عن قصة حصلت لي مع قريب. لكننا ما طرنا. رحنا مع قريب لنا على قلابي. وكان يشتغل في ميناء جدة. وساكن في بيت لأبوخداش إن كنت تذكره (في الكرانتينة). أخذنا مشوار تمرين الددسن 20 ساعة مستمرة. والله زمان.

[roumer]

والله حلوه

ننتظر منك الباقي اخوي تراك شوقتنا

الله العالم ان الزمن هذا ايام الحفايظ بالجرايد الله يكرمكم قبل البامبرز

الله العالم

[بزبوز]

ياناس اموت واعرف وشو السحتوت اللي قاعد يقوله الصغيرون
يالشايب حنا سمعنا عن السحتوت بس انتو اللي شفتوه واعتقد انه له علاقه ببيروت واكل التوت بدينا نخربط ابا اشوف المعجم وارجعلك

[كارتيير]

كأنك تحكي عن قصة حصلت لي مع قريب. لكننا ما طرنا. رحنا مع قريب لنا على قلابي. وكان يشتغل في ميناء جدة. وساكن في بيت لأبوخداش إن كنت تذكره. أخذنا مشوار تمرين الددسن 20 ساعة مستمرة. والله زمان.

قمة البؤس ..
ههههههههه

واحد من الربع وهو صغير كانوا يخوفونه بالذيب اللي (( يحلت الحصى ))
المأساة .. ان اول سفرة له بقلاب و( آمرحوا ) بنص الطريق
وهو نايم بالغمارة والذيب طول ليله يحلته بالحصى .. ولانام ظل بدموعه وخوفه لين الصبح
قاموا الصبح واكتشف لما آسر لهم باللي مر فيه ان الذيب كان هو طقطقة سست القلاب

__________
قصة استحثت الذكريات النقية
لله درك ,,,

[المنبهر]

لم نشعر أنها بؤس. كان المستقبل يبدو مشرقا. الآن أبناءنا مرفهون والله أعلم بالمستقبل. ما يدرى وين البؤس؟ في الماضي وهذا مر ولا ضر؟ أم في المستقبل؟ وربنا يوفقنا لاتخاذ القرارت الصائبة لاستثمار الطفرة السكانية لتصبح رصيدا ولا تصبح عبئا.

[@ اكسلانس @]

الله .....الله اكبر ايام زمان اه عليها ...وطاش ماطاش

[MASB]

السلام عليكم ورحمة الله وبركاته :

مرحباً بجميع الاخوه :
حقيقتاً سعدت بمداخلاتكم جميعاً وبصراحه لم اتوقع هذا الكم من الردود على هذا الموضوع لانه وسبق لي طرحه في نفس المنتدى ولم يلقى اي ترحيب سوى رد واحد فقط من الاستاذ الغالي على قلبي المنسي .

http://www.thegulfbiz.com/showthread.php?t=64732

الحقيقه ان هذه القصه لم اكتبها انما احد ابناء عمومتي من الناس الذين يحبون الكتابه والادب هو من قام بكتابتها وله كتابات عده في موقعه الالكتروني السابق ( ابو هشام)

بالنسبه لاكمال القصه فعلى وعد ابو هشام انها بعدين لكن متى بعدين يابوهشام خلها في وقتها طيب على كيفك يبو هشام .
وان شاء الله اول ما يزودني فيها راح انزلها اول باول مقدر على زعلكم ( فيه ناس تهاوش ) ههههه .


تحياتي
ابو فيصل

[ابومحمد222]

ابو هشام الب...........

موقعه مغلق من فتره طويلة