فيروس هجرك عطل القلب تعطيـل**ودمر ملفات الفـرح فـي حياتـي

[برق الشمال]

فيروس هجرك عطل القلب تعطيل
ودمر ملفات الفـرح فـي حياتـي

ياللي سكنت القلب من دون تحميل
متـى لموقعنـا تشـرف و تأتـي

عنوانكم ماهوب ياهـو وهوتميـل
عنوانكم روحي و قلبـي و ذاتـي

كم مرةٍ أرسلت لك عبـر الإيميـل
رسايل غلا وحب يا أغلى أمنياتـي

وأرسلت لك قصة عذابي مع الريل
ياللي غيابك هـو سبايـب شقاتـي

أخبرك بنتيوم فور أصلي و إنتيـل
لكن خسـارة غيـروك الوشاتـي

كان الهكر غروك بالقـال والقيـل
بأدعي عليهم في سجودي وصلاتي

يرضيك من حبك غدى منهك الحيل
ريقي غدى ناشف ويبست شفاتـي

أقضي الليالي دمع عينـي هماليـل
لا من طريـت لـي تبـدد مباتـي

وياشين حالي لا قريت المراسيـل
في الأوتلوك أذكر قصص ماضياتي

منك حزين الحرف شاف البهاذيـل
وقلبك مثل قرصٍ صلب في القساتي

موقعك في وجهـي مقفـل بتقفيـل
حتىالبروكسي مانفع وش سواتـي

بمفضلة قلبـي عطينـاك تفضيـل
أنت المفضل عندنـا يـا غناتـي

ويا زين هجرك عطل القلب تعطيل
ومن غير شوفك وش تساوي حياتي

كني بدونك قرص فـارغ ولا فيـل
فاسد ومرمـي بسلـة المهملاتـي

ماعدت أفرق بين اكسس و أكسـل
وماعدت أفرق بين بلتـك وشاتـي

وباشكي على الكيبورد كثر الغرابيل
وأكتب على الوورد المطور وصاتي

وهذي النهاية حطها وسط تظليـل
لا مت ترى غيابك سبايب مماتـي


للشاعر : شليويح بن قيتس