أين السيولة؟؟؟؟

[الشاعر]

ساعة وربع من الفترة الصباحية وقيمة التداول 1.7 مليار فقط ;)

ملاحظة : السوق - 200

[الشرق]

الوقت هذا ليس مقياس للسوق

[الاسباني]

وش هالمنتدى اللي الواحد مايقدر يكتب فيه موضوع ؟؟؟

انا بستأجر صفحتك اخوي الشاعر :cool:

ياجماعه ليش نضحك على انفسنا وكل شوي يطلع واحد غبي لايفقه شي ويقول بكره ارتدااد

المساء طلوع سبعين الف نقطه

الصباح مادري وشو

السوق نازل مايقارب الفين نقطه

الفرق ان مايو 2004 اسمتونا مره وحده تسعه ايام والله كانت افضل بكثير مما يحصل الان

موت بطئ

المشكله هاللي يطلعون ويكتبون ويطبلون ان السوق والسوق والسوق وهم لايفقهون شي
يطلع لك ورع توه داش الاسهم قبل كم شهر ومسوي فيها ابو العرّيف وما دهور الناس غير هالكتّاب المغفلون

السوق منهار واللي يقول غير كذا يكذب على نفسه اجل المجموعه من 678 الى 540

سابك من 1315 الى 1070

الاسمنتات وغيرها وغيرها

ولازال البعض يطبل

السوق محد يدري وين اتجاها غير الحيوا000 الهوامير فقط

ولحد يطلع يتفلسف وربي ملينا من هالخرابيط الصبيانيه


شكراً على تسليفي صفحتك اخوي الشاعر

[الشرق]

تفائل يالاسباني

[الاسباني]

والله يالشرق مالعب فينا الا التفائل

اتمنى ايه وكنت متفائل بس مثل ماتشوف لاقوة شراء لاسيوله لاهيئه لا لا لا لا لا

[حمود محمد]

وش اللي ذبح السوق غير نقص السيوله

الظاهر الربع سحبوا فلوسهم يبون يتغطون فيهم عن حرارة الصيف

[ميكافيلي]

لو هيئة السوق عرضت عضلاتها على الـ 44 والسوق نازل كان طز. ولكن التوقيت كان والناس داخلين بغلا وضاع صغار المستثمرين. خلك الحين يا الريس تخربها وتقعد على تلها. مافيه زباين يا شباب والهوامير يتسوقون وما عليهم ضغط تبي تبيع ولا ألف غيرك يبيع بأقل منك. إبتزاز وصحك. بس جالس لهم جالس لهم. عندي سهم واحد في سابك ولا راح أبيعه بس شوكه في حلوقهم وقولو ميكافيلي الأمير قال.