ما احلى السوق وينى عنه من زمان

[ابو الفيصل]

ما لى الا 12 يوم والحمد لله حققت ارباح اكثر من روعه 0
انا قادم لكم من السوق الامريكى وهو ممل خلاال السنتين الاخيره مثل السوق السعودى فى اواخر التسعينات والعكس صحيح من خبرتى فى الاسهم هناك عدة قواعد اهمها
1ـ ان تركب موجه الشراء فى البدايه واترك السهم اذا ارتفع حتى لو قفل نسبه 0
2ـ اذا شريت فارضا بالربح القليل ولا تطمع والله يرزقنى ويرزق منى 0
3ـ انا الاحض فى المنتديات والبالتوك كلمة لا تبيع لا تبيعون وهذا اكبر خطاء لازم من تفعيل الستوب لوز او وقف الخساره اما كلمة لا تبيع فهذه فى اى قاموس0
4ـ يجب ان تكون ملم بالتحاليل الفنيه اما التحاليل الاساسيه فهى غير ضروريه فسوقنا ليس فيه الا شركات معدوده وتعرف ارباحها ونشاطاتها بسهوله

[باندونق]

بالعكس انا اكثر من مره صبرت على السهم وارتد وجاب سعره الي شريت فيه واكثر بعد اما كل مانزل السوق ابيع واقول وقف للخساره !! هذي هي الخساره .. السوق ماينزل على طول .. تتوقع سهم ينزل الى ان يجي صفر !!؟ طبعا لا وسوقنا مره فوق ومره تحت تعودنا عليه اذا فوق بعنا واذا تحت شرينا واذا تعلقنا صبرنا والحمد لله ماشيه زي الفل

[Shark_LRD]

Totally Rightباندونق

[ابو الفيصل]

نسيت اقول اهم شى وهو تقسبم المحفضه الى اربعة اقسام مع انها صعبه شوى لان الانسان جبل على حب المال وزيادته وغالبا لا اطبقها بالحرف بحيث يكون هناك
ربع استثمار لمدة طويله
ربع لمدة عدة ايام لا تتجاوز خمسة ايام وحسب وضع السهم
ربع مضاربه يومى
ربع كاش لالتقاط اسهم الفرص مثلا سهم جا عليه نزول قوى وبداء الارتداد او ان السوق سحب سحبه قويه مثل ما صار عندما نزل فوق 1000 نقطه تدور الكاش ما تلقا
ايضا لا تضع اكثر من ربع المبلغ فى اى سهم حتى لو كان طلوعه مضمون 99% الواحد فى الميه الباقى قد يكون وبال عليك0 واترك الاحلام عنك 0

[الفهـــــــدّ]

ابو الفيصل والله مااستانس لين القى المحفظه فاضيه كلها اسهم خاصه في الطلوع
عجزت اطبق خل عندك كاش

[ابو الفيصل]

الفهد انت مثلى اول ما بديت الين تصقعت على راسى وخسرت كل اموالى وبديت من جديد ولكن كل طقه بتعليمه