تعليله الخميس

[ghenaim]

يوم مرت ونثرت
ارياح من كل العطور
بخدودها اللى نورت
ما شبه هذا النور نور
************
اللى نظر قلبه خطير
ياناس جيبوا له طبيب
من قبل ماعقله يطير
ردوا عليه اطيب حبيب

***************
مهما وصفت اللى اشوف
ما ظن وصفى له دقيق
**************
بحروف قلبى اكتبه
وارسم جدايل والعبير
*****************

وبالحبر من دمى سكب
له رسم هو سيد الصور

[المعتضد]

شيخنا الفاضل بوسعود،
ماشاء الله عليك. قرأت مطلع الأبيات وإزداد خفقان قلبي. وهذا معيار الشعر الحقيقي عندي، إذا لم يحرك شجنا فلا فا ئدة منه. وقد حرك ماكتبت أشجاني.



زهرة ولا كل الزهور
بدر الدجى بين الحضور
شمعة فؤادي والشعور
هي الغرام
هي الهيام
هي نغمة إحساس السلام
في صمتها أسمع كلام
ومن حسنها أشرب مدمام
لو شفتها... تسقيك من كاس الغرام
سبحان منهو صورك.. سبحان من أعطاك تاج الحسن من دون الآنام

******

يامن ملكتي مهجتي
ويامن رسمتي بسمتي
ويامن حسبتي خطوتي
في مشيتي وسط الظلام
توي دريت إني على غيرك حرام
إنتي وأنا الله خلقنا بإنسجام
قلب(ن) قسمه الله.. يمينه لي.. ولك منه الشمال
يمر من بينه غرام
أحلى غرام
يخفق ويسمعني القصيد... أحلى كلام
محبوبتي
يادمعتي اللي ماتظام
سكبتها لجلك حرام
ردي.. تراني ضايع(ن) وسط الزحام
لا حد أحس إنه قريب
الزين ياكثره ولكن... حسن وجهك فتنة القلب العطيب
عجزت ألاقي دون حبك.. يانظر عيني حبيب
إنت القريب
وإنت الطبيب
عقبك تراني مستصيب
وغنيم شب النار وزود في خفا قلبي اللهيب
يانغمة الإحساس عقب نورك تراني عشت في حزن و ظلام
تايه وتوهني الهيام
ياوردة إحساس السلام
يابدر يانور القلوب الهايمه... يامن حرمتيني المنام
سبحان منهو صورك.. سبحان من أعطاك تاج الحسن من دون الآنام

[ghenaim]

يازينها ابيات الغرام
للشايب اللى ماينام
ذكرت بسنين مضت
ايام ماكنا صغار
يالمعتضد منى سلام
وش حيلتى فى ذا الهيام
من عقب ماشيبى ظهر
رفرف بجنحانه وحام

[المعتضد]

الحوم للحر الكريم
والجمر في باقي الهشيم
ولا رمدت نار السمر تلقى بقاياها جمر
الروح لوباقي لها يومين تبحث عن خبر
تبحث في وسط الذكريات
أيام عدت في سبات
وجاها الذي ينثر بقاياها أبثبات
الحب مايعرف صغير أيضا ولا يترك كبير
نسأل ولي العرش ياخوي الثبات

[اغلبيه صامته]

نحب ان نشارك معكم ولو لم نلحق بكم
نسأل الله ان يحشرناواياكم مع من نحب من الانبياء والصديقين والشهداء والصالحين وحسثن اولئك رفيقا

[ghenaim]

ستين عام غادرت
ماكنها الا بعض يوم
يالله عسى تختم بخير
للعبد وانت الله كريم

[الكاشف]

غنيم ويا المعتضد
شياب ماعندك أحد
والشيب في العارض وجد
ماينفع الحب من عقب الكبر


جايين ينافسون الشباب
يحسبونه أكله كباب
أوماء وطاب الشراب
وفي الماضي تلقى العبر


الحب للكاشف فقط
والحب حطه بالشنط
وحط الحروف ويا النقط
وعلي حبيبه دايم صبر

[asad]

Sah Your Taungs

[النوخذة]

وآه يالقهر ..


ما جاني منك إلا الصدود

.. وكومة قهر

وضربة

أو ضربتين فوق الخدود

آه يالقهر ..

أرمي أوراقي .. وأتلفت .. وراي

من هو اللي شايف حرة أشواقي وشقاي ؟؟

من هو اللي يسمع صرختي ..

ولوعتي .. ولو قلت : آي ..

كشفتي أسراري

وكل اللي تبين ..

من سنين .. أعرف .. هذا طبعك

من سنين ..

أحترق .. وأشرب من كأس القهر

وإنتي قاعدة تضحكين ..

ما نفعني ..

أنك تكونين الشمال ..

أو أكون أنا اليمين ..

ما نفعني ..

غير إني أكون

دمعة حزن ..

على خدٍ حزين ..

أتعبتني هالرسايل ..

مرة توصيني على

سهم توه .. موزع منحته ..

ومرة توصيني على سهم اللجين ..

وفي النهاية ..

أحتري توقيع سابك ..

وأحتري .. قرض اللجين ..

ما تغيرتي .. أبد ..

هذا طبعك من سنين ..

كنك .. معبية من أسهم صدق ..

وتاركة أسهم خزف ..

آه .. هذي خوفتي ..

خايف عليك تتعلقين ..

[المعتضد]

غنيم ويا المعتضد
شياب ماعندك أحد
والشيب في العارض وجد
ماينفع الحب من عقب الكبر


جايين ينافسون الشباب
يحسبونه أكله كباب
أوماء وطاب الشراب
وفي الماضي تلقى العبر


الحب للكاشف فقط
والحب حطه بالشنط
وحط الحروف ويا النقط
وعلي حبيبه دايم صبر





خلك شباب
وأكل الكباب
وإنعم بمعسول الشراب
لا بد يجي يوم وتصاب
واللي يجي غيرك يجيك
تجلس تعيد
في الذكريات
تضحك دقيقه... وتسج... في حلم و سبات
تعوم في حضن البنات
أحلام ورديه وواقع قاسي(ن).... يوم(ن) قطار العمر فات

*****
العمر
كانك تنشد العاقل عن أيامه يقول
ثلاثة أزمان(ن) كل واحد منهن يشكي الأفول

أول زمان(ن) فيه الطفولة طاغيه
وأقلوب حلوه صافيه
وفتوة(ن) تخلط بقايا باليه
وثاني زمان(ن) للفتى

في أوله
يمليه في لعب و هوى
يفعل إلا منه نوى
مابه قيود
ولا به سدود

وفي تاليه
يمليه في نسمة صفا
أزواج وأطفال و وفا
يشقى ويجمع وينسى العمر لا منه أختفى
يزيد ماله لا رزقه الله بخير
ويشقى كما طارش على كور البعير
ينسى الهنا و يكد كد(ن) من عنا
وإذا ذكر إنه نسى نفسه تكون أيامه فانيه

وثالث زمان(ن) يرجع به العبد الفقير
لله ويستغفر ويسأله يغفر الذنب الكبير
يذكر زمان(ن) فيه من الشي الخطير
فيه الأذى وفيه القصور وفيه الخطأ ودرب امعثور
يبدى يراجع من جديد
وقت مضى و وقت يعيد
يعيش حاضر من جليد
فيه البرود
فيه الجمود
كل عضو من جسمه يحتاج إلـ ( مسود )
إن الله أعطاه أذكره
وإن صاحب إبليس إنهره
من شان ذا ندعو الولي بحسن الختام
وندعوه بغفران وبعفو وبثبات
هذا العمر
لو طال ... يمر كنه أخطوات
هذا العمر.... إن كنت توك بأوله
لا بد تشوف التاليه
وأعرف ترى دنياك وإن طالت تراها فانيه.

[ghenaim]

اعشق ليالى الصيف
مدرى الليالى عاشقة
خفيفة الملبس
وبريقها اختام
من نورها
البرق يخطف شمعته
والشمس ترمى نورها

[مي ad]

صح لسانك
نقولها لكل شعارنا الجيدين الجزلين
والحقيقه انكم وسعتوا صدورنا بهالشعر الطيب

لكم اطيب تحيه