سؤال بسيط وممكن انه سخيف [الأرشيف] - منتديات أعمال الخليج

azozf16

29-09-2002, Sun 8:35 PM

سؤال بسيط وممكن انه سخيف لاكن لا تشرهون علي
لاني ما اعرف في الاسهم تخصصي عقار وبس
السؤال هوا كيف اشتري هذه الاسهم ومن وين
ولا زم اذهب الى مثلا البنك لكي اشتري
وكم اقل مبلغ ممكن اشتري فيه
هذا والله يوفقكم

مميز

29-09-2002, Sun 9:22 PM

تحتاج الى الآتي
1- فتح حساب بأحد البنوك وحاول تنقي البنك القريب منك واللي عنده صالة اسهم مريحه وشاشه واضحه
2- فتح محفظة اسهم عن طريق البنك
3- ايداع مبلغ معين يكون هو رأس المال الذي ستعمل به في سوق الاسهم
4- تراقب الشاشه وتتبع الاخبار الزينه والشينه للأسهم والاوضاع السياسية بشكل عام واوضاع سوق النفط وغيرها مما له تأثير مباشر او غير مباشر على السوق وتبداء تشتغل عليها والشراء والبيع عن طريق وسيط في البنك
5- حاول تصيد السهم اول طلعته والبيع حسب نوعية السهم والخبر اللي فيه واذا كانت الطلعه مجرد مضاربه اقنع بأي ربح ولا تطمع
6- اذا تعداك السهم وطلع وانت ما شريت نصيحه لا تلحقه وتصر على الشراء لأنك وبنسبة كبيرة جدا راح تتعلق فوق والناس تبيع تحت .
7- حاول عدم التركيز على سهم بعينه وتضع كل رأس المال فيه
8- حاول الشراء في الشركات ذات الارباح لأنه مهما نزل سعر السهم راح يرجع واترك عنك اسهم التوريط الخسرانه واذا تعاملت معها فتح عيونك على الشاشة 10/10 حتى تبيع وتفتك
9- اترك عنك اسهم البنوك الربويه واي شركه يثبت لديك ان لديها تعاملات ربويه من استثمارات بنكيه توزع ارباحها على المساهمين لأن في ذلك سلامه لدينك ومالك ونفسك
واذا نسيت شي ممكن الاخوان يذكرونه لا حقا
والله يوفقنا واياك وكل مسلم