شوفوا لي حل..وإلا خذوها !

[مسهمة]

سلام

كنت أنصح كل من أعرف..
لا تشتروا بكل رآس المال أسهم !
لحد ما وقعت أنا !
الرصيد النقدي صفر!!!

والأسهم من كل شكل ولون
خذوا عندكم

سابك
المصافي
اللجين
سيسكو
جازان
اسمنت ينبع
الغذائية
طيبة
مكة للانشاء
الكهرباء
الصحراء


الكارثة كلها طاحت قيمتها !
ولا وحده فيهم ارتفعت عن قيمة رآس المال

وش الحل؟؟؟
أنا ابغى مضاربة مو استثمار
ما أبغى أقابلها بوجهي
أبغاها تتغير كل يوم

إني محبطة يا رفاق:(

[القادم من بعيد]

سلامتك من الاحباط وان شاء اللة الخير جاى بس اصبرى وغدا يوم اخر اجمل واخضر اتمنى لكى التوفيق على كل حال ذكرتينى بالبيانات الثورية انقذوا الثورة يارفاق

[الشرق الاوسط]

الصبر الصبر ياهذا
فما كل رميه تصيب ولاكل وطبه تخيب :D
وكثر التنوع يوجع
نصيحه خلك على ثلاث موجات
1- عدل ولاتفوت الاتصالات السعوديه
2- صافولا وعلومها قويه
3-الغاز كله الغاز

[gns]

سلأم الله عليكي كل القروش شريتي بها :-
سابك ان شاء الله بترتفع ها اليومين0:cool:
المصافي صيديها صيد0:rolleyes:
اللجين كثير الي بيشترون والسعر بيطلع بس فكينا من الطمع0 :D
طيبة اسم على مسمى
هذا حسب متابعتي والله اعلم والباقي ما ادري عنه0

[السهم الحلال]

السلام عليكم

لاتكثر من الشركات في محفظتك ركز على ثلاث أو أربع بالكثير
وأنصحك بقراءة هذا الكتاب وقد جمعته وأتمنى الاستفادة منه



قواعد الاستثمار الناجح (http://www./uplo/userfiles/sa11com/3ammh/AST-THMAR.rar)

[الأبي]

كل شركاتك ما منها خطر ومادام هالكوكتيل كله معك فأبشر بالخير إن شاء الله .... عز الله ولا صندوق بنك ... ماشاء الله ... أقصد التنويع ...... مانقص إلا قطاع الاتصالات والتأمين .
صح وجود السيولة جيد للتعديل ولكن ما دام هذا فات فانتظر ولن يطول انتظارك وسترى شركاتك تحقق ربح الواحدة تلو الأخرى وكل ما اقتنعت بربحك فبع وانتظر البقية ودع السيولة التي تتوفر لاقتناص الفرص مهوب عاد تقول اباخذ في القطاعات الباقية
تحياتي وربي يوفقك ويرزقنا وياك وكل مسلم بالرزق الحلااااال

[مسهمة]

والله أيها القادم من بعيد
اني عاملة مدري وش لون
مرة فوق ومرة تحت
وصرت اكلم الشاشة !
وهاتك شتيمة بهالاسهم
اطلعي وانزلي
ياخي نبغى نخلص!

يعطيك الف عافية على رفع المعنويات
وترى الثوار مايجون شيء عندنا
اذا بغينا نتمرد

جُزيتَ خيراً

[مسهمة]

أيها الشرق الأوسط
يامن أنهكته القضايا والجدال القائمُ
(يؤ! هذاك الشرق الجغرافي مو أنت)
نعود لمحور حديثنا

أيها الشرق
وإنا لمْ نطب السوق إلا
لنجني ثمار يومٍ بيومِ
ولكن وقعتنا كانت فجيعة
إذ طمِعنا بكلِ خير
فأمسينا بدون شيء!!!

كنتُ بصافولات وأربحتني بيومٍ واحدٍ ذهبا
ولم أعد لها ووومصيبتي !
أراها بالأمس تعلو وتعلو
ولكن حظي الردي باعها !
ولـ الألو سنعود بعد طلاقها
والغازُ ذو الألغازِ سنطرقُ بابه

[مسهمة]

gns
طيب سابك بأصبر عليها
بس قول لها حدها اليوم وبكرى
وإلا ترى أرميها من شباك التداول!

والمصافي تلعب معاي!
وأنا طماعة
إلا أبغى 1700 !!
حتى لما وصلت 1690
قلت لا..يا 1700يا لا!
(بيعي بلا طمع يا بنت) !
والطيبة مدري عنها كيف هذي
طاحت بتوجيع !

ربك يسهل
واذا عاجبك اللجين
خذه !
عليك بـ 220
وجاك

قل تم!

[مسهمة]

السهم الحلال
الله يعطيك من الحلال لحد نا ترضى
ويجزاك بكل الخير

بإذن الله بعد ما أصفي المحفظة
بأرتبها زين..
وجزاك الله خير على الكتاب

[مسهمة]

الأبي
لو كانت المعنويات تنشاف
كان شفتها عاااااااالية

هي الكارثة ان السيولة راحت بالسوق
لأن أمس انت شفت كيف اسهم كثير طاحت قبل الاقفال
كانت فرصة للشراء
وانا جالسة بدون شيء!
أطالع بأسهمي

جزاك الله خير
ويوفقك ربي دنيا وآخرة

[سهم النسبه]

ما شاء الله ,,,,

عيني عليك بارده ,,,,,

خذ عندك بعض النقاط المهمه :-

- كم سعر الشراء ؟؟؟
- تاريخ الشراء ؟؟؟؟
- استلمت الارباح أم لا ؟؟؟؟
- هدفك البيعي كم ؟؟؟؟"
- سعر ايقاف الخساره كم ؟؟؟

وهناك عدة نقاط لا يسع المجال الى ذكرها الآن ؟؟؟؟؟

اجابتك على هذه النقاط بتدلك ان شاء الله ,,,,,,

الله يوفقك ولا يخسرك

[مسهمة]

هلا بك يا سهم النسبة
أهم اجابة
اني مو ناوية ابيع بخسارة!!
عن الربح راضية بأبسط ربح
المهم يتجاوز رآس المال ..
وكلها جديدة مالها 3 أيام

جزاك الله خير على المشاركة
ووفقك دنيا وآخرة