دقيقة صمت على احداث مايو . تخييشتنا لا تسقط بالتقادم

[swift]

الله لا يعيدها . قرب منتصف شهر مايو 2004 سووها بطريقة غريبة ، وحتى لا ننسى طريقة التخييش وأسلوبها . ونكون دايم عارفين اننا فوق صفيح ساخن ، وتزداد سخونة الوضع مع ازدياد برودة المنظمين .

[جساس]

كل سنه وانت طيب ... يا سرع الدنيا تقل مالنا الا يومين متخيشين ... الاسهم اكلت اعمارنا وحنا ما ندري .. الله لايلهينا الا بطاعته

[swift]

كل سنه وانت طيب ... يا سرع الدنيا تقل مالنا الا يومين متخيشين ...


انت شفت يا جساس .

بس تبي الصراحة فعلاً تقل من يومين ، شكلنا متخيشين قبل يومين فعلاً ، بس مهيب تخييشة مايو ، كانت تخييشة نهاية ابريل 2005 .

محنا صرنا نتخيش ليل ونهار ، صرنا ملطشة ، أي هامور ، في أي لحظة يبي يخيش ، يخيش . يعني ما يردنا عنهم الا النية . النية ومحلها القلب .

صرنا نستنكر اذا ارتفع السوق يومين ورى بعض .

[قديم السوق]

البلا وانا اخوك ياسويفت انا نسوي اذكياء ونردد مقولة ( مستحيل الصناع يفكرون نفس تفكيرنا)

يعني مستحيل يحارشونا في مايو ....

الشكوى لله ... مالهم الا حنا ... ومالنا الا هم >>>>>> مفضوخ قلب :)

[كسبان جدا]

نعم اي والله ذكرى انهيار مايو...لازم نحط شعار اسود في المنتدى حداد على التاريخ
ضحكو علينا ضحك...قببل السقوط كنا نقول بسنا فلوس يا حسين...من كثر النسب وبعد السقوط خذو الارباح وجزء من رأس المال تم تعويضهما لا حقا بعد 6 أشهر اخرى

للتاريخ كان معي 2200 سهم بحري بسعر 202 بعتهم 124 ريال بعد سابع نسبه
ويوم بعتها قفلت نسبه 135 ... :( بس عوضنا عن طريق اليحري مره اخرى والحمد لله

[swift]

تصدق أعرف ناس متعلقين في طيبة والكهرب وكم شركة غيرهم ، من أيام مايو . ولازالوا خسرانين . ولا باعوا الا الآن . شف السوق وتحولاته الكبيرة خلال سنة زمان ، وهذولا على الوضع اياه . وخلال هالسنة اذا جا طاري اسهم قدامهم ، حسوا بمغص كلوي .

سألني واحد من اياهم ، قال أبيع بس . قلت يابن الحلال محد صبر صبركم ولا احد خسر خسايركم . اصبروا عاد هالفترة ، يعني وش انتم خايفين ؟ ماراح يجيكم كثر ما مر عليكم .

على طاري قلنا مستحيل يحارشونا في مايو ياقديم السوق .
في سوق مثل سوقنا الآن بضخامة عدد متداوليه واقبال الناس الشره على الاسهم (حتى ياسر القحطاني ينصح بالاسهم اليوم بالجريدة) ومع عدم وجود مؤشرات رسمية عن اتجاهات الشراء والبيع ، صايرة المنتديات تقوم بالعمل جزئياً ، يعني صاروا يشوفون توجهات الناس ويفاجأونهم . وتحولت العملية الى عادة عندهم .

لو فيه واحد كل يوم يدق اللطمة ويسرق مثلاً ، وجلس على هالشغل عدة أيام ، وشاف ان ما أحد جاب خبره ، خلاص يبدأ يسرق بدون لطمة ، لأنه يبدأ يتعيجز يتلطم .

قبل شوي كنت في البنك وسألني شاب عن الاكتتاب في سدافكو ، يحسب اني جاي أكتتب . وجاوبته ، وبعدين قال لي : ايش اللي جالس يصير في بنك البلاد ، قلت له :

Welcome On Board, Bro

[الكاشف]

سويفت حبيب قلبي اليوم وقفت خمس دقايق حداد على ضحايانا في مايو الشهير

[الكاشف]

حبيب قلبي سويفت بما انك اكبر ناقد في المنتدى وش رايك في التوقيع انقده على خفيف

[كسبان جدا]

خلاص يا سويفت انا بنام 10 ساعات حدادا على هذه الذكرى متى كانت هي 14 ولا 15 مايو
ويمكن أشتري سهمين بحري في نفس التاريخ احتفظ فيهم للذكرى

تذكرت شي بعد كان ورا شرأئي للبحري في ذلك الوقت رغم بيعي له بسعر 195
ليله النكبه قرأت مقال مطول عن السوق من الاخ راشد الفوزان وكتب فيها أخينا راشد من ضمن ما كتب " البحري أن أوانه" قلت انا البحري ان اوانه على طول بشتري من بكره الصبح
بعض الاخوان الله يهديهم من قوة تطبيله للسهم تصدقه.

[swift]

حبيب قلبي سويفت بما انك اكبر ناقد في المنتدى وش رايك في التوقيع انقده على خفيف

جيت أبنقده يالكاشف ، بس مالقيت فيه ما ينقد الطير . ههههههههه

أمزح ، أنا من أنصار التحليل الفني ، وجهازي مليان برامج تحليل فني ، وتصدق ، قبل فترة جهازي عطاني رسالة يقول انه يبي يمسح الايقونات الغير مستخدمة على سطح المكتب ، تصور ايقونات برامج التحليل الفني . المقصد ان الورق اللي تكسب به العب به بهالسوق يالكاشف . اذا الملعقة والشوكة ماشية ، خلاص . يعني انت شايف جماعة (موجة اليوت الخامسة) نفعت ؟ قام الموجات تصافق اللهم عافنا ، ماعاد ندري وين موجة اليوت الخامسة من التاسعة والخمسين .

ياكسبان كانت 18 مايو ، نزل فيها السوق في يوم واحد 200 نقطة وطاحت قلوبنا . الآن قلوبنا حديد ، 800 نقطة باليوم وبرضه تروح ترش العمارة . فعلاً ياكسبان تصدق تذكرت البحري والفوزان . أيام ! والظاهر كان موضوع مثبت في منتدى تداول .

يا شباب اللي بيوقف صمت خمس دقائق او دقيقة لا يسويها وقت السوق . والا اصمت بس خل عيونك على الشاشة وانت صامت . لأنك ممكن تتفاجأ وتصمت صدق لفترات أطول .

[الرويلي]

انت شفت يا جساس .

بس تبي الصراحة فعلاً تقل من يومين ، شكلنا متخيشين قبل يومين فعلاً ، بس مهيب تخييشة مايو ، كانت تخييشة نهاية ابريل 2005 .

محنا صرنا نتخيش ليل ونهار ، صرنا ملطشة ، أي هامور ، في أي لحظة يبي يخيش ، يخيش . يعني ما يردنا عنهم الا النية . النية ومحلها القلب .

صرنا نستنكر اذا ارتفع السوق يومين ورى بعض .

هههههههههه :D

[كحيلان]

قبل كم يوم يسألني واحد يقول وش فيه السوق نازل 100 مدري 150 نقطه

شكله بيصير مثل العام ..... "تبسم كحيلان ويرتشف بيالة الشاي"قلت عادي

إذا ماصبحونا على 100 طلوع وقفلوها 300 نزول مانرتاح .. حتى المنتديات

ماتقرا فيها مواضيع واجد متكرره وقصص وأفلام جديده وطرق تداول غريبه ....

قال ياقوي قلوبكم ... قلت غصب مهيب طيب ... :cry:

[Economist]

بصراحة ياسرع الدنيا ..

تذكرت اول خميس بعد النسبة الاولى وتصفيق كل من في الصالة بالبنك من الفرحة
عند اول ارتداد وكان لشركة الغاز وكملوا على الباقي طيبة وهلم جرا
ولكن محد كان يدري انها كانت نسب استدراجيه للباقي اللي كان خارج السوق

الصناع لايمكن التنبأ بما يجول في بالهم

[حقاني]

انا أقترح وقف السوق في التاريخ أعلاه لمدة خمس دقايق أثناء التداول

ايييييييييييييييييييييه دنيا