المساعد الشخصي الرقمي

مشاهدة النسخة كاملة : ولا يغرك كـل مـن قالـك تـم ..... ياكثر من يوعـد وكذبـه يدينـه


ديلر
14-04-2005, Thu 4:29 PM
احذر صديقك لو بجـوده تكـرم ..... لاتأمـن الدنيـا وتأمـن كمينـه
واحذر حبيبك لو بصوتـه ترنـم ..... يمكن ويمكـن غيركـم عارفينـه
ماهي غريبه في أمانيك تصدم ..... وخلك تلاقي قسوته عقـب لينـه
الطير تفهـم غايتـه يـوم حـوم ..... عنده ظمى ولا فروخـه سجينـه
عساك يا اللي في حياتك تنعـم ..... مايوم تلقـي الهـم بينـك وبينـه
انا تعبت وبالتعـب ربـي اعلـم ..... عساه يرحم من كبر قبـل حينـه
وهذا شعر راسي به الشيب وسـم ..... ولا قدر يوصـل موانـي حنينـه
ولا يغرك كـل مـن قالـك تـم ..... ياكثر من يوعـد وكذبـه يدينـه
ومن صارله مركز على حد الأنجم ..... ياكثـر خلانـه مـع مصاحبينـه
وكان الزمن في بعـده اليوم عـزم ..... تجنبـوه ونبـهـوا قاصديـنـه
جامل تعيش وتاخذ الصيت الاعظم ..... واصدق تضيع وتخسر اشياء ثمينه
هذا الزمن مبداه قولـة معـه كـم ..... واذا فضي جيبه غـدوا منكرينـه
الغش يا دنيـا حشـى مـا اتعلـم ..... املىء شروطك للـذي تضمنينـه
مافيـه مثلـك باللبـاس يتهنـدم ..... ومن صـان ودك لازم تذهبينـه
OBAID
14-04-2005, Thu 4:33 PM
بعدين اعلق اذا........
وجيـــه
14-04-2005, Thu 5:34 PM
يابو تركي يا كثر هم علما انه شئ ليس بجديد وخاصة في اقرباء لك ولكن المشكى على الله
الرويلي
14-04-2005, Thu 6:18 PM
روعة

شكراً جزيلاً...
برق الشمال
14-04-2005, Thu 6:58 PM
صح لسانك أخوي الحبيب ديلر .
بس هالبيت قاهرني من قلب قسم بالله :
جامل تعيش وتاخذ الصيت الاعظم ..... واصدق تضيع وتخسر اشياء ثمينه
يعني لازم أجامل .. طز بالأشساء الثمينة طالما أرضيت ضميري ونفسي وأبريت ذمتي والعوض من الله سبحانه .
والمشكلة يؤيد هذا البيت بيت عربي فصيح قديم يقول:
ومن لم يصانع في أمور كثيرة ... يضرس بأنياب ويوطأ بمنسم.
يصانع بمعنى : يجامل.
يعني اللي مايجامل ياكل هوى ياكلونه الناس بألسنتهم ويوطأ بمنسم والمنسم خف البعير.
ياحياة الشقا.
تحيتي لك.
albohajm
14-04-2005, Thu 11:14 PM
الف شكر على الأبيات الجميلة المعبرة عن واقع نعيشة للأسف انها حقيقة مرة
هناك مثل يقول (الحق يزعل)
اخوك ابوعمر
فيصل الحربي
14-04-2005, Thu 11:59 PM
صح لسانك يابو تركي ....دائما اختيارات نادره
فيحان
15-04-2005, Fri 5:16 PM
صح لسان من قال هالبيت - يصف وبدقه لسان الحال
tarik
15-04-2005, Fri 5:59 PM
ديلر المحبوب منْـك نـْـتعلم
...............يحليل من فاتته ركب السفينه
ياما توهقنا ومحد(ن)تكــلم
............بين الوصايا السود شفنا الغبينه
مره برفع الصوت ومره ترنم
.............ومره نقول الدرب يالربع وينه.؟؟
السوق يا المحبوب كبر وتضخم
.............اخاف نخسر والخساره ثمينه
ادعيك ياالمعبود واقول سلم
............واللي خسر في السوق ربي يعينه