بالون اختبار من ابو شايع

[أبوشايع]

قام ابو شايع ونظرا لالحاح كثير من الاخوان بالرجوع من الباب الخلفي بكتابة كم بيت من الشعر

يتلذذ بها من يستصيغ الشعر ....

وكان هذا البالون لمعرفة رغبة الاخوان بالاستمرار بعيد عن المهاترات التي جعلتني ابتعد عن المنتدى وفرحت كثيرا من استقبال الاخوان لي

وصعقت من موضوع الاخ محمد عبدالله الذي وقت كتابته بعد رجوعي مباشرة

ان اختلاف وجهات النظر طبيعي جدا وللاخ الكريم ان لايصدق الاشاعات وان لايرغب بقرائتها ولكن ليس له الحق بالطعن بمصداقية زميل له في المنتدى اثبتت الايام ان اغلب مايكتب من مصادر موثوقة يصيغها بالسلوب يحبه السوق ويتابعة القراء ...

والاشاعة مهمه في كل الاسواق ..وحتى الاسواق الامريكية فيها من الاشاعات الكثير وهناك بعض المواقع الامريكية تشترك فيها بمبلغ من المال مقابل حصولك على الاشاعة

وابو شايع يعطيكم اشاعات مجانيه....ويتهمه البعض بتشويه مصداقية المنتدى ..والله هذا زمن العجائب واطلاق الاتهامات وتشوية الحقائق

[الحصني]

يا ملحك ويا ملح اشاعاتك:)

والي يتفرج موب لازم يشتري.

[المستشير]

ولاتشيل في خاطرك..
وخل اللي في قلبك على لسانك..
وحمدالله على السلامه..

[ابو سلطان وسطام]

اهلا وسهلا ابو شايع

المنتدى دائما بحاجه الى انسان مثلك

ونحن بحاجه الى الصدق دائما

[عبد الله محمد]

سا محك الله وجزا ك الف خير

[العوض على الله]

يا ابو شايع الله يصلح قلبك ترى هرجك كثر و تراك اذيتنا يا اما تعال و عطنا وش عندك من علوم و اشاعات و انت معزز و مكرم ولا ياخوي رح مع السلامة و القلب داعيلك

يعني تبي كل ما مريت الكل يقوم يقدم لك فروض الولاء و الطاعة وتبي الجميع يمدحك و يثني عليك في السر و العلن ؟؟

زي ما فيه ناس معجبين باشاعاتك و مواضيعك فيه ناس ما يطيقون كلام و لا كتاباتك تبي تحجر عليهم و بالقصب يحبونك ؟؟ منت ملزوم فيهم و لا هم ملزومين فيك

لو كل واحد في هالمنتديات انقال له شيء ما اعجبة او حصل واحد ما قدرة انسحب و قال ما رح اشارك كان كل المنتديات سكرت و مابقى احد فيها

يا خوي هذي منتديات يعني لا حد يعرفك و لا انت تعرف احد كلها اسامي مستعارة انا استغرب كيف الوضع كذا و تلاقي من يقول انا زعلت انا بنسحب ؟؟؟؟؟

اقول اقلط و سترح و اصبر نجيب لك القهوة و عطنا وش عندك من علوم و اترك عنك الامور الي ما لها داعي

[الوليد]

الله يقطع بليسك يا العوض على الله موتني من الضحك ووالله انك صادق في كل ما قلت.

[ابو مرام]

هلا ابو شايع من طول الغيبات جاب الغنايم

[سهران]

الحبيب ابو شايع ننتظر منك الكثير من الاخبار والاشاعات ..


انا والله من الناس الذين استفادو كثير من اشاعاتك ما شاءالله


عليك ..

[مشاور]

ابو شايع انت مطالب بكثير من الاشاعات سداد عن الايام الخوالي نرجو منك المبادرة باطلاق احدث اشاعة ....... ونحن بأنتظارك .