المساعد الشخصي الرقمي

مشاهدة النسخة كاملة : ياشباب .. وليدي أخذ بطاقة الأحوال .. ومن عقبها والاكتتابات فايتته .. وش الحل ؟؟


النوخذة
24-02-2005, Thu 6:51 PM
عمره 16 سنة

ما أمداه يفرح بالبطاقة إلا

ويتفاجأ أن ماله حظ في الاكتتابات

والسؤال الذي يسدح نفسه أمامكم :

يريد الاكتتاب .. فهل يرجّع البطاقة على الأحوال

وأضيفه من جديد في دفتر العائلة ( السؤال مازال مسدوحا )

أم أخلي بطاقة الأحوال عنده ونشوف لنا نشمي يعطينا الحل؟؟
العذب
24-02-2005, Thu 6:59 PM
وش المشكله بالضبط مع ولدك؟؟
ARAB
24-02-2005, Thu 7:14 PM
الرسالة الأصلية كتبت بواسطة النوخذة
عمره 16 سنة

ما أمداه يفرح بالبطاقة إلا

ويتفاجأ أن ماله حظ في الاكتتابات

والسؤال الذي يسدح نفسه أمامكم :

يريد الاكتتاب .. فهل يرجّع البطاقة على الأحوال

وأضيفه من جديد في دفتر العائلة ( السؤال مازال مسدوحا )

أم أخلي بطاقة الأحوال عنده ونشوف لنا نشمي يعطينا الحل؟؟

السلام عليكم

خله يوكلك واكتتب انت عنه واعتقد ان الوالد يقدر يكتتب عن ولده خذه معك البنك وجرب واذا انت اكتتبت اتحاد اتصالات او التعونيه وكان موجود معك لسا ماخذ البطاقه تقدر تكتتب عن طريق الهاتف المصرفي بنفس الاشخاص اللي كانوا موجودين في دفتر العائله والله اعلم
النوخذة
24-02-2005, Thu 7:15 PM
الرسالة الأصلية كتبت بواسطة العذب
وش المشكله بالضبط مع ولدك؟؟

المشكلة الله يسلمك أنه ما يقدر يفتح حساب علشان يكتتب ..

ومقهور من أخوه الكبير .. اللي فاتح له حساب وقاعد يكتتب

كل ما طق عود حصاة ..

أخوي العذب .. أتوقع أننا بحل هذه المشكلة الإدارية سنقضي

على المشكلة النفسية التي تنتابه كلما سمع عن اكتتاب ..

اكتتاب = اكتئاب
النوخذة
24-02-2005, Thu 7:25 PM
الرسالة الأصلية كتبت بواسطة ARAB
السلام عليكم

خله يوكلك واكتتب انت عنه واعتقد ان الوالد يقدر يكتتب عن ولده خذه معك البنك وجرب واذا انت اكتتبت اتحاد اتصالات او التعونيه وكان موجود معك لسا ماخذ البطاقه تقدر تكتتب عن طريق الهاتف المصرفي بنفس الاشخاص اللي كانوا موجودين في دفتر العائله والله اعلم

ما صدقت أقرأ ردك .. إلا وأتصل عليهم ..

قالوا لي التوكيل ممكن بس .. لازم يكون عنده حساب علشان توضع الأسهم

فيه .. قلت في نفسي رجعنا على ياطير ياللي
eurofighter
24-02-2005, Thu 7:28 PM
الرسالة الأصلية كتبت بواسطة النوخذة
المشكلة الله يسلمك أنه ما يقدر يفتح حساب علشان يكتتب ..

ومقهور من أخوه الكبير .. اللي فاتح له حساب وقاعد يكتتب

كل ما طق عود حصاة ..

أخوي العذب .. أتوقع أننا بحل هذه المشكلة الإدارية سنقضي

على المشكلة النفسية التي تنتابه كلما سمع عن اكتتاب ..

اكتتاب = اكتئاب



والله يالنوخذه سالفتك سالفه :p


نظاماً لاتستطيع فتح حساب له بالبنك لانه اقل من 18 سنه... ولكن ماذا عن حساب المستقبل الذي يعمل به البنك البريطاني للطلاب ;) .. بالنسبه للتوكيل عن طريق (كاتب عدل) فأذكر شخصيا بأنني ذهبت للتوكيل أيام اكتتاب اتحاد الاتصالات وقد رفض الشيخ أن اتوكل عن أبي بحجة انه (بنك) البلاد .. قلت له بأن البنك اسلامي (يقولون وفيه لجنة شرعيه ) مثل شركة الراجحي الاسلاميه :p

للأسف رفض وماادري عنهم الحين يقبلون او لا..


تحياتي :)
ARAB
24-02-2005, Thu 7:29 PM
الرسالة الأصلية كتبت بواسطة النوخذة
ما صدقت أقرأ ردك .. إلا وأتصل عليهم ..

قالوا لي التوكيل ممكن بس .. لازم يكون عنده حساب علشان توضع الأسهم

فيه .. قلت في نفسي رجعنا على ياطير ياللي


اكيد هذا الراجحي ياخي مادام لازم عنده حساب مايحتاج توكيل يكتتب هو بدون توكيل !!!!!!!! والله انهم رايحين فيها من جد!!!!!!!!!! صدقني التوكيل عشان تحط اسهمه في محفظتك حاول تكلم سامبا مدير الاكتتاب وعندهم الخبر اليقين
النوخذة
24-02-2005, Thu 8:38 PM
السؤال مازال مسدوحا ..
OBAID
24-02-2005, Thu 10:40 PM
:eek:
لا ادري
أحمد عبدالله
24-02-2005, Thu 10:46 PM
الرسالة الأصلية كتبت بواسطة eurofighter
والله يالنوخذه سالفتك سالفه :p


نظاماً لاتستطيع فتح حساب له بالبنك لانه اقل من 18 سنه... ولكن ماذا عن حساب المستقبل الذي يعمل به البنك البريطاني للطلاب ;) .. بالنسبه للتوكيل عن طريق (كاتب عدل) فأذكر شخصيا بأنني ذهبت للتوكيل أيام اكتتاب اتحاد الاتصالات وقد رفض الشيخ أن اتوكل عن أبي بحجة انه (بنك) البلاد .. قلت له بأن البنك اسلامي (يقولون وفيه لجنة شرعيه ) مثل شركة الراجحي الاسلاميه :p

للأسف رفض وماادري عنهم الحين يقبلون او لا..

تحياتي :)

نعم اخي يقبلون ... قبل كم يوم كنت في كتابة عدل ووجدت عنهم زحمه وسالتهم عن السبب وقالوا لي بسبب توكيلات بنك البلاد .
العذب
24-02-2005, Thu 10:58 PM
طيب وانا اخوك

ان كانه لازال بدفتر العايله اكتتب عادي باسماء اللي بدفتر العايله وبيكون هو من ضمنهم.

ان كانهم شالوه من بطاقة العايله افتحله حساب بالراجحي.

لان بنك الراجحي اظن يقبلون فتح حساب حتى وان كان تحت 18 سنه .

الله يخليلك اياه ويصلحه انشاءالله:) .

تحيتي لك يالغالي.
مال واعمال
25-02-2005, Fri 2:26 AM
حلها جدا بسيط اخوي النوخذة

دور بين اوراقك القديمة واكيد يتحصل صورة كرت العائلة اللي مضاف فيها الولد قبل ما يطلع البطاقة
وعب الاستمارة وارفق الصورة ولا من شاف ولا من درى

وبالتوفيق
ARAB
25-02-2005, Fri 6:21 AM
الرسالة الأصلية كتبت بواسطة مال واعمال
حلها جدا بسيط اخوي النوخذة

دور بين اوراقك القديمة واكيد يتحصل صورة كرت العائلة اللي مضاف فيها الولد قبل ما يطلع البطاقة
وعب الاستمارة وارفق الصورة ولا من شاف ولا من درى

وبالتوفيق



كلام صحيح :D

واذا مكتتب انت في اتحاد اتصالات وهو كان مسجل في دفتر العائله القديم بس اكتتب عن طريق الهاتف المصرفي 8001241222