جرينسبان يوقف التداول على مايكروسوفت من الضحى الى مسيّان ليطلع المستثمرون على الوندوز

[swift]

قرأت بالصحف أمس او قبل امس ان السوق الامريكي ارتفع 2.5% بسبب تصريحات قرينسبان . قلت في نفسي والله الفرق بين جرينسبان وجنكيز خان . واحد معايش السوق والاقتصاد والعملة ، وواحد ما يدري وش السالفة ، الى هلحين متلخبط بلبسة البشت و أي يد يطلع من البشت ، هي اليمنى أو اليسرى .:D

ما قدرت أفهم السبب وراء إيقاف الأسهم حين صدور خبر معين تختاره الهيئة ، أعتقد ايقاف السهم عندنا هو لمصلحة الهوامير علشان يفكرون بالخطوة التالية وبشكل سريع ، لأن حنا ما لنا الا الشقى ، الهوامير يكون عندهم الخبر من أيام أو أسابيع .

[عبدالله2002]

ازعجونا كل يوم يوقفون سهم آل ايه....من أجل اطلاع المستثمرين!!!!!!!!

وبالأخير يعلنون اخبار مخيبة للآمال وينهار السوق وخبر الاتصالات السعودية خير مثال.

المفروض ان يتم تحديد تاريخ ووقت لكل شركة لاعلان نتائجها حتى يطلع الجميع على الاعلان ويتم عقاب الشركات المخالفة.

اما حكاية الايقاف فتذكرنا بالأنظمة المصرية ايام عبدالناصر:D

والله الموفق.

[swift]

يارب انك تخلف علينا وتعوض صبرنا خير ياعبدالله .

ما نقول الا على ما قال البتاع ، السوق مينخاف عليه ، أحنه أهله .

[كحيلان]

سويفت بشر أقول مبروك والأ توك على موضوعنا ذاك هههه:D

نرجع لمحور حديثنا واحد من الهوامير معطينه أسعار سابك لثاني حفيد إذا بغى يستثمر ... وأنا يوم أتصلت

حولوني على علاقات المساهمين وقالوا الأسعار ترجع لعدة عوامل بيطول شرحها كلمنا وقت ثاني :mad:

بعدين عندنا إيقاف سهم حتى يتمكن المساهمين من الإطلاع على الخبر ... يعني مدري الخبر بيطلع على شكل

مجلد والأ وش السالفه .... كلها سطرين وربنا ولك الحمد ...:p

لكن أبسألك وش رايك بالدولار الحين مقابل اليورو !!:)

[swift]

هلا حبي ، بالنسبة للموضوع ، أبشرك جزمنا وكلمنا الجماعة اللي عطيتنا ، وحددنا الناس الطيبين اللي الله بيطيب حياتهم معنا ان شاء الله . الله يفتحها في وجهك دين ودنيا . يعني مشينا نصف المشوار . لكن تراخيت بالأخير لأسباب منها اني حولت بعض الاستثمارات خارج السوق وأنتظر الوضع اللي يتطلب مني تركيز شوي ، والثانية ان الربع اللي عندي قاموا يتسحبلون بالأيام الأخيرة لأني أنا يبين علي كل شئ ، وشافوني مستانس قبل العيد وما غير ماد هالعصاقيل بالصالة وهات يا قصيد ، وصرت اذا رن الجوال ، كأنه صوت صفارات الانذار ، اتلخبط ، فشكوا بالأمر وعلمتهم (براد أبو أربع) ، والآن أجلت الموضوع شوي ولم ألغيه ، يعني ساحب الجلنط مع ان السيارة بالـ D ، يعني بس أنزل الجلنط ولاي بالبتاع على طول :D :D

بالنسبة للدولار مقابل اليورو ، اسأل ملاك الكيميائية ويعلمونك ;)