ابو ناصر الظاهر مايهمك اللي قاعد يصير !! [الأرشيف]

مشاهدة النسخة كاملة : ابو ناصر الظاهر مايهمك اللي قاعد يصير !!

نجل الرياض

20-01-2005, Thu 12:40 AM

موضوع مطالبة جماز السحيمي بالاستقاله وكأنها عريضه بتدخل على سمو ولي العهد و ردود تنم عن قصر نظر ( اسمحوا لي ) فنحن تعودنا على شغل الهوامير مكاسب خياليه لمن يحالفه الحظ وتعليقات بالألوف وضحايا التعليقات لازالوا يرقدون على الاسرة البيضاء .

فيه احد انفك من تعليقة الأحساء والا اللجين والا حتى الكهربا وكثير من شركات المضاربه فوالله ان خسائر المسملين من جراء التخبط ، بمئات الملايين ذهبت في المواشي وشركات الخشاش اللي صنفت من العوائد بين ليلة وضحاها .
كلن يهف النار على قريصه والناس فعلا اثبتوا انهم يعتمدون على المنتديات في البيع والشراء بنسبة تتعدى 70 % حتى اللي ماعنده اشتراك في المنتديات ولا يدخل نت يسأل وش قالوا في المنتديات !!
وفي النهايه كلن قام يفرغ ما في قلبه على جماز لانه جاي بمكنسة كهربائيه جديده فيها مزايا متعدده منها الكنس والتقاط القطع الكبيره التي لاتستطيع المكانس العاديه التقاطها لا وفيها تنظيف بالصابون وتعطير بعد عقب الساده الهوامير اللي خلوا سوقنا أشبه بشقة شباب تعج بالتتن ودرايشها مصككه جاكم من يفتح الدرايش ويدخل عليكم التهويه ، والا عاجبينكم ربعنا اهل اللي يسمون الفنادق فناتك واميانتيت امنتيت لا يقولونها بثقه وترى فيها نسبه بعد !!

abonaser

20-01-2005, Thu 2:14 AM

يا ابن الحلال خلك ذكي

من يطلب باقالته هو هامور او مستفيد من علاقاته

ومن يطالب ببقائه مستثمر صغير

يعني من الردود تعرف حجم المحافظ ;)

فهمتها

وكل عام وانت بخير

د.نوفلجين

20-01-2005, Thu 3:20 AM

الرسالة الأصلية كتبت بواسطة abonaser
يا ابن الحلال خلك ذكي

من يطلب باقالته هو هامور او مستفيد من علاقاته

ومن يطالب ببقائه مستثمر صغير

يعني من الردود تعرف حجم المحافظ ;)

فهمتها

وكل عام وانت بخير

فاهمينها من زمااااااااان يا أبو ناصر 00

أنت كذا :good:

ومن العايدين الفايزين تقبل الله منا ومنكم :)

على بركة الله

20-01-2005, Thu 4:54 AM

سامي التميمي

20-01-2005, Thu 5:16 PM

roumer

21-01-2005, Fri 12:49 AM

وش قصدكم الموضوع ماله دخل برؤس الاموال الموضوع بالحريه

وابو ناصر اهل لها

وياجماز ساطاردك وين مااكون لو اخسر بك الملايين فانت لست اهل للثقه

المحلل

21-01-2005, Fri 2:07 PM

تصدق يا ابوناصر اني عرفت هوامير المنتدى من طلب اقالته من منصبه

على العموم ردك احلى الردود

وعلى قولتك الذكي يفهمها

جساس

22-01-2005, Sat 12:22 AM

اف اف اف .. شلون جبتها كذا يا ابو ناصر ماشاء الله عليك .. بكلمتين اختصرت كل الموضوع .. والله إنك رهيب .

العيد عليك مبارك .

abu_ali

22-01-2005, Sat 4:06 PM

ياجماعة الخير ...
مافيها شيء لو نطالب بشيء ماراح يكون اي شيء !!
فهمتم شيء !!؟
**
الحريه في الرأي على مستوى سوقنا فقط ... مطلب اساسي للتطوير الى الافضل والقضاء على جميع المشاكل فيه ، حتى وان كانت المطالبه بأستقاله رئيس الهيعه ومن فيها ... او تكون المطالبه كدافع يزيدون من نشاطهم ويصححون هفواتهم واخطائهم .
أو يجي غيرهم ويمسكون الطاره ويعدلون ويبدلون ويصححون ... وهكذا !!
**
والدفاع عن شخص لم يوضح حقيقة بعض الامور في سوقنا - اسمحوا لي - شيء مهوب طيب ، بل العكس يزيد الطينة بله .
وهو من كان يتكلم بقوة عن الشفافية وسبب وجود الهيعة و اللجان القائمة على البورصه الجديده ... وو و و الخ.
ولا شفنا شفافية ... ولا هم يحزنون .
وأنا متداول على قد حالي ولستُ بهامور ... وأطالب بالكمال في سوقنا .
او ...
تبونهم يضحكون علينا ، وشد لي واقطع لك ... وأحنا نتفرج عليهم !!!؟
:cool:

نجل الرياض

22-01-2005, Sat 6:53 PM

كلن يهف النار على قريصه

معناها مفهوم والا !؟

ابو علي لاهنت أنت بليغ وضليع في اللهجه الشعبيه تقدر توضحها للي تصعب عليه والا اللي فاهم بس ما يبي يدركها بكيفه .

swift

22-01-2005, Sat 11:27 PM

والله ياجماعة الخير حنا ليس لنا الحق ولا القدرة بإقالة نائب رئيس مستودع في بلدية فرعية في المرتبة 32 على بند المستخدمين ، مهوب عاد شخص بمرتبة معالي .

لكن هي وجهة نظر عند ناس وضعوا شقاء عمرهم في سوق مالي اشتهر عنه القمار وابتعد عن المسار الطبيعي للأسواق العالمية .

جماز انسان قديم بالوظيفة (والمفروض) يكون أفهم من كذا ، لكن ما نقول الا انه قد يكون انسان جاهل (مثل الدهام مثلاً وكيل رعاية شباب -فوق 40 سنة خبرة في نفس المجال- وما يعرف وشلون يضغط انتر) ، المهم قد يكون انسان جاهل وقد يكون انسان متحمس ومجتهد ولكن على غير يمة ، وفي كلا الوضعين السوق ومتداوليه هم الخسرانين ، لكن نصيحتنا له بالاكثار من دخول مواقع الأسواق العالمية وقراءة مقالات كبار المحللين في الاسواق العالمية ومتابعة الاسواق العالمية عشان ما يشطح سوقه ، وبكره يجونه فجأة وبدون سابق انذار وبعد ما يطيح الفأس بالرأس ويقولون له ، قم بس قم ، انت وش قاعد تسوي ؟

abu_ali

23-01-2005, Sun 2:24 PM

الرسالة الأصلية كتبت بواسطة swift
والله ياجماعة الخير حنا ليس لنا الحق ولا القدرة بإقالة نائب رئيس مستودع في بلدية فرعية في المرتبة 32 على بند المستخدمين ، مهوب عاد شخص بمرتبة معالي .

لكن هي وجهة نظر عند ناس وضعوا شقاء عمرهم في سوق مالي اشتهر عنه القمار وابتعد عن المسار الطبيعي للأسواق العالمية .

جماز انسان قديم بالوظيفة (والمفروض) يكون أفهم من كذا ، لكن ما نقول الا انه قد يكون انسان جاهل (مثل الدهام مثلاً وكيل رعاية شباب -فوق 40 سنة خبرة في نفس المجال- وما يعرف وشلون يضغط انتر) ، المهم قد يكون انسان جاهل وقد يكون انسان متحمس ومجتهد ولكن على غير يمة ، وفي كلا الوضعين السوق ومتداوليه هم الخسرانين ، لكن نصيحتنا له بالاكثار من دخول مواقع الأسواق العالمية وقراءة مقالات كبار المحللين في الاسواق العالمية ومتابعة الاسواق العالمية عشان ما يشطح سوقه ، وبكره يجونه فجأة وبدون سابق انذار وبعد ما يطيح الفأس بالرأس ويقولون له ، قم بس قم ، انت وش قاعد تسوي ؟
:D :D :D
يازينك وحسياتك ... اخوي " سوفت "
كل عام وأنت بألف خير ... يالغالي
**
ضحكتني حتى درجة الانبطاح ... على سالفة :
" إقالة رئيس مستودع في بلدية فرعية في المرتبة 32 على بند المستخدمين ".
" مثل الدهام مثلاً وكيل رعاية شباب - فوق 40 سنة خبرة في نفس المجال - وما يعرف وشلون يضغط انتر".
:cool:

abu_ali

23-01-2005, Sun 2:26 PM

الرسالة الأصلية كتبت بواسطة نجل الرياض
كلن يهف النار على قريصه

معناها مفهوم والا !؟

ابو علي لاهنت أنت بليغ وضليع في اللهجه الشعبيه تقدر توضحها للي تصعب عليه والا اللي فاهم بس ما يبي يدركها بكيفه .

واضحه وما تحتاج من يهف عليها او يبينها
لكن ... نقول : ان شاء الله يزين الحال للأفضل .
:cool: