تبون تسمعون قصة الأخ مقرود (قولو ايه ) (من قال سالم)

[ابو نايف]

أول السنة هذي 2003 كانت الخشاش والمتوسطة (الأسهم مهوب المدرسة ) تطلع وتطلع وكل ماقلنا بس ياحسين قالوا لك خذ بعد والأسهم الزينة لم ينجح أحد وخوينا مقرود هذا ياواحد لعبوا فيه لين قالوا بس لأنه كان مسوي فيها أبو العريف ويقول الأسهم الزينة هي المستقبل الزبدة محفظته كانت سافكو + التصنيع + زجاج + سابك + المجموعة لا وبعد كميات معتبرة الي صار ياطويل العمر إن أخينا في الله مقرود شاف العالم كلها تربح جنبه الي دبلت محفظته مرتين والي خذ تسهيلات وربح ربح مايجي على البال وهو يامسيكين ماربح إلا 20% (اللهم لك الحمد، ياشباب هذا رزق مكتوب قبل خلق الكون) المهم جانا تصحيح مايو الشهير وخسارته كانت أكبر من مربحه نزلت عليه سافكو 248 زجاج 149 وسابك 400 عقبها بفترة رجع السوق يعدل وماصدق يوم شاف راس ماله وباع أسهمه وقال ياولد لا تسوي فيها فاهم وخلك مع الناس اشتر اللي يشترون علشان تربح (القهر إن كل سعر تشوفونه كان يراهن عليه) المهم طب مع العالم وبقدرة قادر لقى في يوم من الأيام محفظته تتكون من (اللجين الكابلات المواشي سيسكو القصيم الزراعية ) يعني ولا سهم زين فيها؟؟؟؟ وش الي صار بعدها؟؟؟ بدا السوق يطلع بس أسهمه الي اشتراها ماتطلع لا ويلتها ما تطلع بس القهر تنزل بعدين شاف زجاج بـ 230 سافكو 380 التصنيع 300 قال أسهمي بتلحقهم إن شاء الله بكره لا الأسبوع الجاي لا مع الاعلانات لا مع ارتفاع البترول لا مع الميزانية القهر ولا توقع ينفع طيب قلنا معليش السيولة مشغولة وما أحد يبي اسهمه! ألين الحين وعادي لكن لما يصحح السوق تنزل أسهمه ليش؟ (قلتو لي ليش) وأنا أقول لكم لأن المخرج عاوز كده.
---------------------------------------------
اسمعوا هذا الحوار بأنفسكم مع الأخ مقرود
ممكن أسألك سؤال؟
الأسهم الخشاش والمتوسطه (البحري والتعمير وطقتها) من كانت معه من كم شهر؟
ممكن أجاوب عنك؟
مع عامة الناس؟
طيب وش أسهم الكبار؟
أكيد سابك وأخواتها مع البنوك والاسمنتات.
طيب ليش سابك والبنوك ماتنزل الحين والخشاش قاعده تقفل نسب من الي يبيع فيها؟
والله شكلها الناس خايفه وتبيع أسهمها.
طيب من الي قاعد يشتري منهم؟
والله انا مدري أنا قاعد أشوف السوق ينزل وبأبيع مع الناس.
طيب ليش تبيع؟
لأن المحلل الفلان قال نقطة دعم السوق 8045 والسوق كسرها يعني السوق يخوف.
طيب يوم طلع المؤشر من 6300 إلين 8357 أسهمك ارتفعت؟
أي أرتفعت إلا من سيء لأسوء.
أجل وش دخلك في المؤشر؟
والله ياخي أنا ما أدري وش القصة ومن كثر الخساير ماأدري وش أسوي وما خليت ولا توصية في المنتدى إلا وشريت عليها ومادريت عن أي شركة فيها ريحة زيادة راس مال إلا وشريت فيها والنتيجة خساير في خساير.
طيب قلي وش ناوي تسوي بعد ما يركد السوق؟
والله ما خليهم يلعبون علي هالمرة لأني مقرر معاد أشتري إلا في الأسهم الزينة بحط فلوسي في سابك والمجموعة والاتصالات والتصنيع الله لا يعيد الخشاش وأيامه
أصبر يامقرود وين بتروح؟
ياخي أنا مشغول وانت أشغلتني زيادة
طيب متى نكمل قصتنا؟
انا بسافر لزيورخ وابرجع بعد 5 شهور
أجل نشوفك بعد 5 شهور وتكمل لنا قصتك وتعد لنا أرباحك في الأسهم الزينة
----------------------------
كويس إنك سمعت وش قال مقرود الرجال يقول ابرجع بعد خمس شهور
أجل لين رجع بنرفع الموضوع ونكمل القصة
----------------------------
هاه من فيكم يقدر يتوقع وش بيصير لأخونا مقرود
نسمع منكم

[aaajrm]

:D :D :D

أجل بنعين خير هالخمسة شهور في السوق كله;)

[ابو نايف]

يليت نعرف وش سوى اليوم مقرود بعد تعديل السوق ولا وش قاعد يفكر فيه