علقوني وأنا توي صغير ...!!

[كحيلان]

عــلقـوني وأنــا تـوي صـغيـر ..... والـخسـايـر مـاحـسبـت حـسـابـهـا
ولانيب بايع(ن) مهما يصـيـر ..... والله يجازي اللي رسم لأسبــابـهـا

[علوش]

تكبر وتنساها ياكحيلان
لاتفرط بعسير تراها عسيره;)

[نجل الرياض]

كحيلان ماعاش من يعلقك يا راعي الجمايل وهذا حال السوق يوم رابح و شهر خسران اهم شي سعة الصدر والصبر واهم شي صحتك وانا اخوك بالدنيا كلها :)

[كحيلان]

الرسالة الأصلية كتبت بواسطة علوش
تكبر وتنساها ياكحيلان
لاتفرط بعسير تراها عسيره;)

لو مابقى بالمحفظه غـيـر الـعسير .... لو وصل بيتي يبشر بها طلابها
أبشرك نجل الرياض أمري يسير .... والله يسهل لـلـي يسعى بدربـها

[ابوبندر]

الا كحيلان وزعله فى السوق وتعليقته غير ترى جميع المضاربين بيساندونه ويطالبون بايقاف الذى تسبب له.
انذار اخير ممكن ايقاف مدى الحياه. وسلامة خاطرك اخوى كحيلان.

[كحيلان]

الرسالة الأصلية كتبت بواسطة ابوبندر
الا كحيلان وزعله فى السوق وتعليقته غير ترى جميع المضاربين بيساندونه ويطالبون بايقاف الذى تسبب له.
انذار اخير ممكن ايقاف مدى الحياه. وسلامة خاطرك اخوى كحيلان.

تدري وش اللي خلاها هالمره غير .... وقـفـوا لـي الـمحفظه مـدري أسبـابها
تسلم وتسلم لي شهد ياخوي الكـبير .... والعوض بيرجعه أقوى من اللي جابها

[عبدالله2002]

أخي الغالي كحيلان

لقد حذرت انا وأخي Hope البارحة من الدخول للسوق وكتبنا موضوعين عن التوقعات للأيام القادمة.

هنا (http://www.thegulfbiz.com/vb/showthread.php?threadid=101497) و هنا (http://www.thegulfbiz.com/vb/showthread.php?threadid=101458) و هنا (http://www.thegulfbiz.com/vb/showthread.php?threadid=101409)

اتوقع ان لا يستمر التصحيح كثيراً ربما نهاية هذا الاسبوع او الاسبوع القادم وعندهاا سيرتد السوق مرة اخرى ليكسر حاجز 8500 نقطة ويتجه نحو 9000 نقطة بإذن الله تعالى.

فالصبر الصبر.

والله الموفق

[ام فيصل]

العوض بسلامة راسك .. ولاعاش من يعلق اخوي كحيلان ..

[شيخ الأسهم]

كل شيء، الا كحيلان، والله كلنا نحبك يا أمير أخلاق المنتدى، بلا منازع، وبلا أي معارض

[سفر العتيبي]

بسم الله الرحمن الرحيم

الاوادم عليــها بس بالـتـفـكيــر *** كل واحد يحّسب حسبته كســـبان
والولي هو ولي الأمر والتدبير *** كافل أرزاق خلقه دونما نقصـان

فقط مجاراة لكحيلان للتسليه

أبوطلال

[roumer]

الرسالة الأصلية كتبت بواسطة كحيلان
عــلقـوني وأنــا تـوي صـغيـر ..... والـخسـايـر مـاحـسبـت حـسـابـهـا
ولانيب بايع(ن) مهما يصـيـر ..... والله يجازي اللي رسم لأسبــابـهـا

لاجاك همك من قريب القرايب .... اصبر على البلوى لوكنت مغبون

وانت كبير ياكحيلان بعقلك وحكمتك ومالك ولن تهز فيك ريح بمشيئة الله وهذا هو السوق ربح وخساره

[كحيلان]

عبدالله2002 أنت غير أنت غير .... والـنـزول أنـت أول مـن نبـهتنـابـه
وياأم فيصل كن على راسي الطير .... مذهول من وقت(ن)زاد الردى به
وياسفرطعنة بالمال وطعنه بالظمير.... والصبر صعب للـي ماقـد تحـلابـه

[كحيلان]

ياشيخ الـلـه يسـهل كل درب لك عسير .... والله يخليها بمـال بالشر وماصـابه
ويارومر الوقت ذا تدهن السير ويسير .... ولو مادهـنته كـشر بوجهـك أنـيابـه

[swift]

ان شاء الله كلها أسابيع ونشوفك مغير تندح ياكحيلان بصالات الخدمات الخاصة بالبنوك .

كل ما تضيق كل ما يقرب الفرج ، وكل ما يزيد الكرب يكبر الأمل .

الحال تتعدل ان شاء الله يا عديلي ;)

[المعتضد]

قادر(ن) ربي على حل العســــير **** المساجد نورها بمحرابـــها
والسما تمطر وتسقي الأرض خير **** ولو تبخر غيثها ماعابـــــها
يجعله غيم وخــــير(ن) مستديـــر **** غرقة(ن) ماينلحق صبابها

[كحيلان]

swift : الله يعدلها إن شاء الله .. بعدين مالي ومال الخدمات الخاصه حنا ضعوف ومساكين وذوي

رؤؤس أموال صغيره تكاد لاتذكر ...

وتراي أصف أنا بالبنك في اخر السير .... ويروح وقتي وأوراقي ماسوابها
ويالمعتضد فـوق كـل كـبير الله كبـير ..... والبلا كله من كبيرنا هو حلابـها

[الهشام]

الرسالة الأصلية كتبت بواسطة كحيلان
ياشيخ الـلـه يسـهل كل درب لك عسير .... والله يخليها بمـال بالشر وماصـابه
ويارومر الوقت ذا تدهن السير ويسير .... ولو مادهـنته كـشر بوجهـك أنـيابـه

صح لسانك و الله
و الفرج من الله إن شاء الله قريب

[aboabdullah2000]

البقاء براسك اخوي كحيلان وهونها تهون ويفرجها المولى الكريم

[mordy]

احسن تقول عقلوني وانا توي صغير

بالتوفيق:D

[abo azam]

من بادي الوقت وهذا طبع الأسواقي

عذبات الأرباح ماتمدي لياليها!!!

أبشر بالخير إن شاءالله اليوم كل شي خضر ورايح تكون:D

[Sنـــــــد. Sa]

يا كحيلان السبايب ما تصير الى يوم الله قدر رزقنا
كل واحد خاسر لو هو بصير العواقب حاصله بعمالنا
لو تذكرنا اله(ن) به يدير كل ما في الكون حتى مالنا
كان ربي هون الامر العسير واتحول كل هم(ن) جالنا
وصارت الدين بيدينا لو نريد نوم نحمد خالق(ن) قد شافنا
يا كحيلان الامر جدا يسير غفوة وحده تجيب أحلامنا
يا كحيلان الرجاء ما هو بعيد الدعاء مفتاح رزق جالنا
الدعاء معروف للرب الكبير صاحب الارزاق معلي شانا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ

اهداء للاخ الحبيب كحيلان

[جــــــراّح]

--------------------------------------------------------------------------------
الرسالة الأصلية كتبت بواسطة كحيلان

عــلقـوني وأنــا تـوي صـغيـر ..... والـخسـايـر مـاحـسبـت حـسـابـهـا
ولانيب بايع(ن) مهما يصـيـر ..... والله يجازي اللي رسم لأسبــابـهـا
------------------------------------------------

تضامناَ مع اخينا كحيلان نقول هالابيات


اذكر الله يالسنافي واستخير ----------- والوساوس لا سرت صك بابهــا
خابرينك عندنا اكبر خبيــر -- ------- كيف تعلق والامور انت ادرابها

واسمح لنا عالقصور

وسلامتك

[abo azam]

الرسالة الأصلية كتبت بواسطة abo asam
من بادي الوقت وهذا طبع الأسواقي

عذبات الأرباح ماتمدي لياليها!!!

أبشر بالخير إن شاءالله اليوم كل شي خضر ورايح تكون:D

[Mohammed Saad]

أهو واحد بس إلي تورط

صنقلوني في رجلي صنقل من حديد
عهدٍ مني شركاتكم ماعد اقرع بابها

عطوني جرماااا

[منصح]

الرسالة الأصلية كتبت بواسطة كحيلان
عــلقـوني وأنــا تـوي صـغيـر ..... والـخسـايـر مـاحـسبـت حـسـابـهـا
ولانيب بايع(ن) مهما يصـيـر ..... والله يجازي اللي رسم لأسبــابـهـا
----------------------------------------------
يالاكحل اصبر ومثلك مستنير *** منيب اعلمك وانت ادرابها
كم تاجرٍ في متجره باع الحرير *** خابت متاجرهم وصاح غرابها
هذا البحر والسوق يالله المجير*** الله يعين اللي يدخل بابـها
اصبر وخلك في صبرك شطير*** واحذر من الشاشـة وميّز قابها
الصبح يرتدون والعصر عصير*** ذيابةٍ في الظلمى يسطع نابها
منصح

[ريمان]

الرسالة الأصلية كتبت بواسطة كحيلان
عــلقـوني وأنــا تـوي صـغيـر ..... والـخسـايـر مـاحـسبـت حـسـابـهـا
ولانيب بايع(ن) مهما يصـيـر ..... والله يجازي اللي رسم لأسبــابـهـا

سوقنا ما ترحم غرير.......حسبي على من عثا بها
متعلق(ن) في كبير وصغير.....من زراعي لين ثمارها
يالله بسوق(ن) طلوعه كبير........ ما يرده حتى جمازها

وسامحونا على التكسير:o

اخوكم
ريمان

[علوش]

كحيلان حدد موقفك
:D
او
:(

[كحيلان]

mordy : الله يسامحك وشكراً لك وصدقني أني مفترض حسن النيه بكلامك ...____

يابو عصام لأجلـكم أنـا مثل الـضريـر ..... اللي لامن نوى يمشي يحسب حسابهـا
والسوق ياجراح ماعــاد يـنفع بـه خـبـير ..... وأصابعي يـم عيـني وش اللي جابـهـا
وأقول محمد سعد مثلي وخـلك بالـسرير ..... ليـن مـاينتهي رش السوق من شبَابـها
ومن كـثر الأستغفار جعلنا للجـنه نـسيـر ..... وتسلم أيادي من هداني ويسلم كتابــها
والأ منصح اللي له في قلبي الشي الكثير.... ينصح وتثبت الأيام من هو اللي جابهــا
والله ياريـمان ماينـسى كبـيـر ولا صغير...... والصبر خصله حكيم وأنت تتحلى بها
__

علوش : أبشرك أموري :D ولكن تضامناً مع الجميع فقط والحمد لله أشوف الكل :D

عساها دوم للجميع ....

[ريمان]

الرسالة الأصلية كتبت بواسطة كحيلان
mordy : الله يسامحك وشكراً لك وصدقني أني مفترض حسن النيه بكلامك ...____

يابو عصام لأجلـكم أنـا مثل الـضريـر ..... اللي لامن نوى يمشي يحسب حسابهـا
والسوق ياجراح ماعــاد يـنفع بـه خـبـير ..... وأصابعي يـم عيـني وش اللي جابـهـا
وأقول محمد سعد مثلي وخـلك بالـسرير ..... ليـن مـاينتهي رش السوق من شبَابـها
ومن كـثر الأستغفار جعلنا للجـنه نـسيـر ..... وتسلم أيادي من هداني ويسلم كتابــها
والأ منصح اللي له في قلبي الشي الكثير.... ينصح وتثبت الأيام من هو اللي جابهــا
والله ياريـمان ماينـسى كبـيـر ولا صغير...... والصبر خصله حكيم وأنت تتحلى بها
__

علوش : أبشرك أموري :D ولكن تضامناً مع الجميع فقط والحمد لله أشوف الكل :D

عساها دوم للجميع ....

صباح الخير يا كحيلان:D

ايوه كذا تفائل بالخير دوم

اخوك
ريمان

[علوش]

جعلك سالم على هذى الاريحيه الطيبه :D
سير دربك خضر باذن الله تعالى